जर तुम्ही नवीन स्मार्टफोन घेण्याचा विचार करत असाल तर आज आम्ही तुम्हाला अशा 5 गोष्टी सांगणार आहोत, ज्या तुम्ही नवीन फोन खरेदी करण्यापूर्वी लक्षात ठेवाव्यात. जेव्हाही तुम्ही नवीन स्मार्टफोन खरेदी कराल तेव्हा या गोष्टींची विशेष काळजी नक्की घ्या.
हे सुद्धा वाचा : भारीच की ! Vivo T1 5G वर 22 हजारांची सूट, Flipkart वरून करा ऑर्डर…
कोणत्याही फोनचा डिस्प्ले खूप महत्त्वाचा असतो, फोनमधील व्हिडिओ पाहण्यापासून ते व्हिडिओ एडिट करण्यापर्यंत सर्व काही फोनच्या डिस्प्लेवर अवलंबून असते. अशावेळी फोनच्या डिस्प्लेचा दर्जा चांगला असायला हवा. तुमच्या फोनमध्ये फुल HD प्लस किंवा AMOLED डिस्प्लेसह 5.5 इंच ते 6 इंच डिस्प्ले असावा. फोनच्या उत्तम डिस्प्लेमुळे तुम्हाला फोन वापरण्याचा आनंदही मिळेल आणि तो तुमच्या डोळ्यांसाठीही चांगला राहील.
जेव्हा तुम्ही फोन खरेदी करता तेव्हा सर्वप्रथम त्याच्या लुककडे लक्ष द्या, कारण फोनचा लुक खूप महत्त्वाचा असतो. फोनचे डिझाइन आणि बिल्ट-क्वालिटी तपासा. अनेक वेळा असे घडते की फोन तुमच्या हातातून वारंवार पडत राहतो, अशा परिस्थितीत तुम्ही मेटल किंवा असा फोन घ्या ज्याची बॉडी मजबूत असेल जेणेकरून तुमचा फोन पडल्यानंतरही सुरक्षित राहील.
तुमचे बहुतांश काम फोनवरच होत असेल किंवा फोनमध्ये व्हिडिओ बनवण्याचे काम असेल, तर तुम्ही चांगला बॅटरी बॅकअप असलेला फोन घ्यावा. कारण फोनमध्ये गेमिंग, एडिटिंग आणि व्हिडिओ ऍप्स चालवल्यामुळे बॅटरीचा वापर जास्त होतो. तुम्ही फोनमध्ये 5000 mAh किंवा त्याहून अधिक बॅटरी असलेल्या फोनचा पर्याय देखील निवडू शकता. जर तुम्ही फोन खूप कमी वापरत असाल तर 3000 mAh बॅटरी असलेला फोन तुमच्यासाठी योग्य असेल.
फोनमध्ये चांगला प्रोसेसर असणं खूप गरजेचं आहे. जर तुमचा फोन फ्लॅगशिप असेल तर त्यात Snapdragon 870 आणि MediaTek Dimensity 8100 किंवा वरील आवृत्ती असावी. फोनची OS आवृत्ती चांगली असावी. स्मार्टफोनमधील प्रोसेसर असा असावा की, त्यामुळे तुमच्या फोनमध्ये वारंवार हँग किंवा लॅगची समस्या उद्भवणार नाही, कारण फोनमध्ये मोठे गेम किंवा व्हिडिओ एडिटिंग ऍप्स चालवताना काही फोन अनेकदा हँग होतात, त्यामुळे याची विशेष काळजी घ्या.