लॉकडाऊनसाठी सुरू झालेले वर्क फ्रॉम होम जवळजवळ सर्वच कंपन्यांमध्ये संपले आहे, परंतु बरेच लोक अजूनही घरून काम करत आहेत. Wi-Fi कनेक्शन घेतलेले लोकही त्याचा सर्रास वापर करत आहेत. आपण इंटरनेटवर अगदी लहान गोष्टी देखील शोधतो. मनोरंजन हवे असेल तर आपण इंटरनेट, अभ्यास करायचा असेल तर इंटरनेट, कोणतीही नवीन माहिती हवी असेल तर सर्वात महत्त्वाची गोष्ट म्हणजे 'इंटरनेट' आहे. अशा अनेक गोष्टी आहेत ज्यासाठी आपल्याला चांगल्या स्पीड इंटरनेटची आवश्यकता आहे. अशा परिस्थितीत, जर तुम्ही चांगले Wi-Fiकनेक्शन घेतले, परंतु ते योग्यरित्या ठेवले नसेल, तर तुम्हाला त्याचा काय उपयोग होईल? म्हणजेच, आम्ही राउटरच्या प्लेसमेंटबद्दल बोलत आहोत. योग्य ठिकाणी न ठेवल्यास अनेक वेळा घरीही चांगला स्पीड मिळत नाही. चला तर मग जाणून घेऊया ते ठेवण्यासाठी सर्वात चांगली जागा कोणती…
हे सुद्धा वाचा : लाँचपूर्वीच Infinix Note 12i 2022 स्मार्टफोनची किंमत जाहीर, वाचा डिटेल्स
वायरलेस ब्रॉडबँड राउटरबद्दल बोलायचे झाले तर ते वर्तुळात सर्व दिशांना सिग्नल देते. त्यामुळे घराच्या मध्यभागी कुठेतरी राउटर ठेवण्याचा प्रयत्न करा. अशा प्रकारे तुम्हाला तुमच्या घरभर नेटवर्क कव्हरेज मिळेल आणि तुम्ही उत्तम इंटरनेट स्पीडचा आनंद घेऊ शकाल.
राउटर जमिनीवर ठेवण्याची चूक करू नका, कारण असे केल्याने त्याची कार्यक्षमता खराब होऊ शकते. ते जमिनीवर ठेऊन राउटर जे काही सिग्नल पाठवते ते जमीन खेचते. त्यानंतर तुम्हाला तेवढा चांगला स्पीड मिळत नाही.
घराच्या आतील भिंती देखील सिग्नलला एका खोलीतून दुस-या खोलीत पोहोचण्यास अडथळा आणतात. कारण जमिनीप्रमाणे ते देखील सिग्नल खेचते आणि इंटरनेटचा स्पीड कमी होतो. त्यामुळे घरातील उघड्या दरवाजाजवळ राऊटर ठेवण्याचा प्रयत्न करा.
तसेच घरातील इतर इलेक्ट्रॉनिक उपकरण जसे की, कॉर्डलेस फोन, बेबी मॉनिटर इत्यादींपासून राउटर दूर ठेवा कारण ते रेडिओ सिग्नल देखील वापरतात ज्यामुळे इंटरनेटचा वेग कमी होतो.