നിങ്ങൾ Reliance Jio വരിക്കാരനാണോ? അല്ലെങ്കിൽ പുതിയ ജിയോ സിം എടുക്കാൻ ആഗ്രഹിക്കുന്നുണ്ടോ? എങ്കിൽ ഇത് നിങ്ങൾക്ക് വേണ്ടിയുള്ളതാണ്.
ഇപ്പോൾ റീചാർജ് ചെയ്യുന്നത് വെറുതെ ഡാറ്റയ്ക്കും കോളിങ്ങിനും വേണ്ടി മാത്രമല്ല.
ഏറ്റവും മികച്ച ഒടിടി പ്ലാറ്റ്ഫോമുകളും നിങ്ങൾക്ക് റീചാർജ് പ്ലാനുകളിലൂടെ നേടാം. റിലയൻസ് ജിയോ തങ്ങളുടെ വരിക്കാർക്കായി ഒട്ടനവധി ഒടിടി ഓഫറുകളാണ് തരുന്നത്.
ഇന്ത്യയിലെ ജനപ്രിയ ഒടിടികളാണ് ആമസോൺ പ്രൈം, നെറ്റ്ഫ്ലിക്സ് തുടങ്ങിയവ. ഇന്ന് മിക്ക ഒടിടി പ്ലാറ്റ്ഫോമുകളും തങ്ങളുടെ സബ്സ്ക്രിപ്ഷൻ തുക ഉയർത്തിയിട്ടുണ്ട്.
എന്നാൽ പല ഭാഷകളിലുള്ള സിനിമകൾ എപ്പോഴും തിയേറ്ററിൽ പോയി കാണാനുമാകില്ല. ഒടിടി റിലീസുകൾ വൻ ആഘോഷമാകുന്ന കാലഘട്ടമാണിത്.
ഒന്നിലധികം ഒടിടി പ്ലാറ്റ്ഫോമുകൾക്ക് സബ്സ്ക്രിപ്ഷൻ വാങ്ങണമെന്നത് അൽപ്പം ചെലവ് കൂടിയ പണിയാണ്. വൻ തുകയില്ലാതെ ഒടിടി സബ്സ്ക്രിപ്ഷനുകൾ സ്വന്തമാക്കാൻ ജിയോ അവസരം ഒരുക്കിയിട്ടുണ്ട്. ജിയോയുടെ പ്രീ-പെയ്ഡ് പ്ലാനുകളിൽ ഒടിടി ആക്സസും ഉൾപ്പെടുത്തിയിരിക്കുന്നു.
നെറ്റ്ഫ്ലിക്സ്, പ്രൈം വീഡിയോ, സോണി ലിവ്, സീ5 പോലുള്ള ഒടിടികളെല്ലാം ഇങ്ങനെ നേടാം. ഇപ്പോൾ ഏറ്റവും കൂടുതൽ മലയാളം റിലീസുകൾ വരുന്ന ഡിസ്നി പ്ലസ് ഹോട്ട്സ്റ്റാറും ജിയോ ഫ്രീയായി തരും.
എന്റർടെയിൻമെന്റ് പ്ലാനുകൾ എന്ന പേരിലാണ് ഈ പ്രീ-പെയ്ഡ് പ്ലാനുകളെ ജിയോ ലിസ്റ്റ് ചെയ്തിട്ടുള്ളത്. പ്ലാനുകൾ എളുപ്പത്തിൽ മനസിലാക്കാം.
ജിയോ 148 രൂപ പ്ലാൻ: 200 രൂപയ്ക്ക് താഴെയുള്ള റീചാർജ് പ്ലാനുകളിൽ വരെ നിങ്ങൾക്ക് ഒടിടി ലഭിക്കും. 10GB ഡാറ്റയ്ക്കായുള്ള വൌച്ചർ പ്ലാനാണ് 148 രൂപയുടേത്. ഈ പ്ലാനിൽ കോളിങ്, എസ്എംഎസ് ഓഫറുകൾ ലഭ്യമല്ല. എന്നാൽ ജിയോ ഇതിൽ 12 ഒടിടികളാണ് ഉൾപ്പെടുത്തിയിരിക്കുന്നത്.
സോണി LIV, സീ5, ജിയോ സിനിമ പ്രീമിയം സബ്സ്ക്രിപ്ഷനുകളാണ് എടുത്തുപറയേണ്ടത്. Discovery+, സൺനെക്സ്റ്റ് തുടങ്ങിയവയുടെ സബ്സ്ക്രിപ്ഷനും ഇതിലുണ്ട്.
പ്ലാനിന്റെ വാലിഡിറ്റിയായ 28 ദിവസത്തേക്ക് നിങ്ങൾക്ക് ജിയോസിനിമ ആസ്വദിക്കാം.
അടുത്തത് ഡിസ്നി പ്ലസ് ഹോട്സ്റ്റാർ പ്ലാനുകളാണ്. ഇതിനായി അംബാനി 7 പ്രീ-പെയ്ഡ് പ്ലാനുകളാണ് അവതരിപ്പിച്ചിട്ടുള്ളത്. 328 രൂപയിൽ തുടങ്ങി 3178 രൂപയ്ക്ക് വരെ പ്ലാനുകൾ ലഭ്യമാണ്.
328 രൂപ ജിയോ പ്ലാൻ: ഇത് ജിയോയുടെ പ്രതിമാസ പ്ലാനാണ്. 28 ദിവസം വാലിഡിറ്റി വരുന്ന പ്ലാനിൽ അൺലിമിറ്റഡ് കോളിങ് ലഭിക്കും.
ദിവസവും 1.5ജിബി ഡാറ്റയും 100SMS-ഉം ലഭിക്കുന്നു. ഇതിൽ 3 മാസത്തേക്ക് ഡിസ്നി പ്ലസ് ഹോട്ട്സ്റ്റാർ ലഭ്യമാണ്.
388 രൂപ പ്ലാൻ: ഈ പ്രീ-പെയ്ഡ് പ്ലാനിലും ഹോട്ട്സ്റ്റാർ സബ്സ്ക്രിപ്ഷൻ ലഭ്യമാണ്. ദിവസവും 2 GB ഡാറ്റ വീതം ലഭിക്കുന്നു. പ്ലാനിന്റെ കാലാവധി 28 ദിവസമാണ്.
അൺലിമിറ്റഡ് കോളിങ്, ദിവസവും 100SMS ആനുകൂല്യങ്ങളുമുണ്ട്. ഇതിലും 3 മാസത്തേക്ക് ഡിസ്നി പ്ലസ് ഹോട്ട്സ്റ്റാർ ലഭിക്കുന്നു.
598 രൂപ ജിയോ പ്ലാൻ: മുമ്പ് പറഞ്ഞ പ്ലാനുകളിലെ ബേസിക് ആനുകൂല്യങ്ങളാണ് ഈ ജിയോ പ്ലാനിലും ലഭിക്കുന്നത്.
28 ദിവസത്തേക്ക് അടിസ്ഥാന ആനുകൂല്യങ്ങളും ദിവസവും 2GB ഡാറ്റയും ലഭിക്കും. എന്നാൽ ഇതിലെ ഒടിടി ഓഫറാണ് എടുത്തുപറയേണ്ടത്. ഡിസ്നി പ്ലസ് ഹോട്ട്സ്റ്റാർ ഒരു വർഷത്തേക്കുള്ള സബ്സ്ക്രിപ്ഷനാണ് ഇതിലുള്ളത്.
758 രൂപ ജിയോ പ്ലാൻ: 84 ദിവസം വാലിഡിറ്റിയുള്ള ജിയോ റീചാർജ് പ്ലാനാണിത്. 3 മാസത്തെ ഡിസ്നി പ്ലസ് ഹോട്ട്സ്റ്റാർ മൊബൈൽ സബ്സ്ക്രിപ്ഷനാണ് ഇതിലുള്ളത്.
ദിവസവും ജിയോ 1.5 GB ഡാറ്റ തരുന്നു. അൺലിമിറ്റഡ് കോളുകളും ദിവസവും 100 എസ്എംഎസ്സും ഇതിലുണ്ട്.
808 രൂപ ജിയോ പ്ലാൻ: 2GB വീതം ദിവസവും ലഭിക്കുന്ന 84 ദിവസത്തേക്കുള്ള പ്ലാനാണിത്. 100 SMS വീതം ഓരോ ദിവസവും ജിയോ നൽകുന്നു. അൺലിമിറ്റഡ് കോളുകളും ലഭിക്കുന്ന ജിയോ പ്ലാനാണിത്. 808 രൂപയ്ക്ക് റീചാർജ് ചെയ്താൽ 3 മാസത്തേക്ക് ഡിസ്നി പ്ലസ് ഹോട്ട്സ്റ്റാർ ലഭിക്കും.
3178 രൂപ പ്ലാൻ: 365 ദിവസമാണ് ഈ ജിയോ പ്ലാനിന്റെ വാലിഡിറ്റി. ദിവസവും 100 എസ്എംഎസ്, അൺലിമിറ്റഡ് കോളിങ് ഓഫറുകളുണ്ട്. 2GB പ്രതിദിനം ഇതിൽ നിന്ന് ലഭിക്കും. ഒരു വർഷം വാലിഡിറ്റിയിൽ നിങ്ങൾക്ക് ഡിസ്നി പ്ലസ് ഹോട്ട്സ്റ്റാർ സബ്സ്ക്രിപ്ഷനും ലഭിക്കും.
ഇതുകൂടാതെ ജിയോയിൽ 331 രൂപയ്ക്ക് ഡാറ്റ ആഡ്-ഓൺ പ്ലാനുമുണ്ട്. ഇതിൽ ഡിസ്നി പ്ലസ് ഹോട്ട്സ്റ്റാർ ഫ്രീയായി ലഭിക്കും.
ജിയോയിൽ ആമസോൺ പ്രൈമിനായി രണ്ട് പ്ലാനുകളാണുള്ളത്. നെറ്റ്ഫ്ലിക്സ്, ഹോട്ട്സ്റ്റാർ എന്നിവയെല്ലാം ഒരുമിച്ച് കിട്ടുന്ന ചില പ്ലാനുകളിലും പ്രൈം വീഡിയോയും ഉൾപ്പെടുന്നു. ഇവ കൂടാതെയുള്ള രണ്ട് പ്ലാനുകളാണ് ഇവിടെ പരിചയപ്പെടുത്തുന്നത്.
857 രൂപ ജിയോ പ്ലാൻ: 84 ദിവസം വാലിഡിറ്റി ലഭിക്കുന്ന പ്ലാനാണിത്. പ്രതിദിനം 2 GB ഡാറ്റയാണ് ഈ പ്ലാനിലുള്ളത്. അൺലിമിറ്റഡ് കോളിങ്, ദിവസവും 100SMS വീതവും ലഭിക്കും.
84 ദിവസമാണ് പ്രൈം വീഡിയോ മൊബൈൽ സബ്സ്ക്രിപ്ഷൻ നൽകുന്നത്.
3227 രൂപ ജിയോ പ്ലാൻ: ജിയോയുടെ വാർഷിക പ്ലാനിൽ ദിവസവും 2GB ഡാറ്റ ലഭിക്കും. പ്രതിദിനം 100 എസ്എംഎസ്, അൺലിമിറ്റഡ് കോളിങ് ആനുകൂല്യങ്ങൾ ഇതിലുണ്ട്.
ഒരു വർഷത്തേക്ക് ആമസോൺ പ്രൈം വീഡിയോ ആക്സസും ലഭിക്കുന്നു.
1099 രൂപ ജിയോ പ്ലാൻ: നെറ്റ്ഫ്ലിക്സിനായും 2 ജിയോ പ്ലാനുകളുണ്ട്. രണ്ട് പ്ലാനുകളും 84 ദിവസത്തെ ബേസിക് വാലിഡിറ്റിയുള്ള റീചാർജ് പ്ലാനുകളാണ്. 1099 രൂപയുടെ പ്ലാനിൽ 2GB ഡാറ്റ ദിവസവും ലഭിക്കും.
100 എസ്എംഎസ്, അൺലിമിറ്റഡ് കോളുകളും ഉൾപ്പെടുത്തിയിട്ടുണ്ട്. നെറ്റ്ഫ്ലിക്സ് മൊബൈൽ സബ്സ്ക്രിപ്ഷനാണ് ഈ പ്ലാനിൽ ജിയോ നൽകുന്നത്.
1499 രൂപ ജിയോ പ്ലാൻ: ഈ റീചാർജ് പ്ലാനും 84 ദിവസത്തെ വാലിഡിറ്റിയുള്ളതാണ്. ദിവസവും 3 GB ഡാറ്റ ഇതിൽ ലഭിക്കും. അൺലിമിറ്റഡ് കോളുകളും 100 എസ്എംഎസ്സും ബേസിക് ആനുകൂല്യങ്ങളിൽ ഉൾപ്പെടുന്നു.
നെറ്റ്ഫ്ലിക്സ് ബേസിക് സബ്സ്ക്രിപ്ഷൻ ഈ ജിയോ പ്ലാനിലുണ്ട്.
ഇവിടെ പ്രൈം വീഡിയോ, ഹോട്ട്സ്റ്റാർ, നെറ്റ്ഫ്ലിക്സ് പ്ലാനുകളെ കുറിച്ചാണ് വിവരിച്ചത്. സോണി ലിവ്, ജിയോ സിനിമ പ്രീമിയം സബ്സ്ക്രിപ്ഷനുകൾക്ക് വേറെയും പ്ലാനുകളുണ്ട്.
സീ5, സോണി ലിവ് ഒരുമിച്ച് 2 ജിയോ പ്ലാനുകളിലൂടെ സ്വന്തമാക്കാം.