ഇന്റർനെറ്റും ഫ്രീയായി OTT-യും ആസ്വദിക്കാൻ Vodafone Idea പുതിയ പ്ലാൻ
ഇതിൽ 14-ൽ കൂടുതൽ ഒടിടികളും 400 ടിവി ചാനലുകളുമാണ് ലഭിക്കുന്നത്
250 രൂപയ്ക്കും താഴെയാണ് പുതിയ Vi പ്ലാനിന് ചെലവാകുന്നത്
ആകർഷകമായ പുതിയ പ്രീ-പെയ്ഡ് പ്ലാൻ പ്രഖ്യാപിച്ച് Vodafone Idea. ഒട്ടനവധി OTT ആനുകൂല്യങ്ങൾ തുച്ഛമായ വിലയ്ക്ക് ലഭിക്കുന്ന പ്ലാനാണ് അവതരിപ്പിച്ചിരിക്കുന്നത്. Hotstar ഉൾപ്പെടെയുള്ള ഒടിടി ആനുകൂല്യങ്ങൾ ഈ പ്ലാനിൽ ലഭിക്കും. വെറും 248 രൂപ മാത്രമാണ് New Vi പ്ലാനിന്റെ വില. ഇത് പ്രീ-പെയ്ഡ് വരിക്കാർക്കായുള്ള ആഡ് ഓൺ പ്ലാനാണ്.
Vodafone Idea പുതിയ പ്ലാൻ
248 രൂപയുടെ പുതിയ ബജറ്റ്-ഫ്രെണ്ട്ലി പ്ലാനാണിത്. ഇതിൽ മൊത്തം 6GB ഡാറ്റയാണ് വിഐ ഓഫർ ചെയ്യുന്നത്. 14-ലധികം ഒടിടി പ്ലാറ്റ്ഫോമുകളിലേക്കാണ് ഈ പ്ലാനിലൂടെ ആക്സസ് ലഭിക്കുന്നത്. എന്താണ് വിഐ ഈ പാക്കേജിൽ ഒരുക്കിയിട്ടുള്ള സർപ്രൈസെന്ന് നോക്കാം.
Vodafone Idea ഒടിടി പ്ലാൻ
ഒരു മാസമാണ് ഈ വിഐ പ്ലാനിന്റെ വാലിഡിറ്റി. ഇപ്പോൾ നടക്കുന്ന ലോകകപ്പ് മത്സരങ്ങൾ ലൈവായി കാണാൻ ആഗ്രഹിക്കുന്നുണ്ടോ? എങ്കിൽ നിങ്ങളൊരു വിഐ വരിക്കാരനാണെങ്കിൽ ഈ പായ്ക്ക് ധാരാളം. കാരണം, ഇതിലെ ഏറ്റവും ആകർഷകമായ ഓഫർ ഹോട്ട്സ്റ്റാറാണ്. ഡിസ്നി+ ഹോട്ട്സ്റ്റാർ ഫ്രീ സബ്സ്ക്രിപ്ഷൻ ഈ പ്ലാൻ നൽകുന്നു.
സീ5, സോണിലിവ് എന്നീ ജനപ്രിയ ഒടിടികളും ഈ വിഐ പാക്കേജിലുണ്ട്. ഇങ്ങനെ 14-ലധികം OTT ആപ്പുകളിലേക്കുള്ള സേവനമാണ് വിഐ ഓഫർ ചെയ്യുന്നത്. മലയാളത്തിന്റെ പ്രധാനപ്പെട്ട ഒടിടി പ്ലാറ്റ്ഫോമായ മനോരമ മാക്സും ഇതിലുണ്ട്. ഫാൻകോഡ്, Playflix, ആജ് തക് തുടങ്ങിയ ഒടിടി പ്ലാറ്റ്ഫോമുകളിലേക്കും ആക്സസുണ്ട്.
ഒടിടി മാത്രമല്ല, 400-ലധിതം ചാനലുകൾ ആസ്വദിക്കാനുള്ള സൌകര്യവുമുണ്ട്. വിഐ Movies & TV ആപ്പ് വഴി നേരിട്ട് ഇവ ആക്സസ് ചെയ്യാം. ഇങ്ങനെ 14-ൽ കൂടുതൽ ഒടിടികളും 400 ടിവി ചാനലുകളുമാണ് ലഭിക്കുന്നത്.
കോളുകളും എസ്എംഎസ്സും!
ഈ വിഐ പ്ലാനിൽ കോളുകളും എസ്എംഎസ്സുകളും ഉണ്ടോ എന്നാണോ സംശയം? ഇതൊരു ഡാറ്റ വൌച്ചർ പ്ലാനാണ്. അതിനാൽ സിം നിലനിർത്താനും മറ്റും റീചാർജ് ചെയ്യുന്നവർക്ക് അനുയോജ്യമല്ല. അതുപോലെ ഔട്ട്‌ഗോയിങ് കോളിങ് ആനുകൂല്യങ്ങൾ വിഐ ഓഫർ ചെയ്യുന്നില്ല. SMS ഓഫറുകളും ഇതിലില്ല.
Read More: Xiaomi 14 Civi in India: Triple റിയർ ക്യാമറ, ഡ്യുവൽ സെൽഫി ക്യാമറ! വന്നിരിക്കുന്നവൻ ചില്ലറക്കാരനല്ല
ഇന്റർനെറ്റും ഫ്രീയായി ഒടിടിയും ആസ്വദിക്കാൻ ഈ പോക്കറ്റ്-ഫ്രെണ്ട്ലി പ്ലാൻ മതി. ഇതിൽ ഹോട്ട്സ്റ്റാർ, മനോരമാ മാക്സ് ലഭിക്കുന്നുണ്ട്. അതിനാൽ വളരെ വ്യത്യസ്തവും ആകർഷകവുമായ പ്ലാനാണ് വിഐ അവതരിപ്പിച്ചിരിക്കുന്നത്.
Follow Us
Anju M U
She loves to connect you to the latest Technology News and updates. Covering latest film releases in OTT and Malayalam movie news. Specialised in topics like Technology, Film and Travel. View Full Profile
