ജിയോ നാളുകളായി ഉപഭോക്താക്കൾക്ക് 149 രൂപയുടെ പ്ലാൻ വാഗ്ദാനം ചെയ്യുന്നു. ജിയോഫോൺ ഇല്ലാത്ത ജിയോ ഉപയോക്താക്കൾക്കുള്ള എൻട്രി ലെവൽ പ്ലാനാണിത്. 149 രൂപയുടെ പ്ലാൻ ഉപഭോക്താക്കൾ ഉപകാരപ്രദമായ പ്ലാൻ മാത്രമല്ല ഈ തുകയ്ക്ക് ലഭിക്കുന്ന ഏറ്റവും നല്ല പ്ലാനുകളിൽ ഒന്നുമാണ്. ഈ പ്ലാൻ 5G വെൽക്കം ഓഫറിന് യോഗ്യമല്ലാത്തതിനാൽ 149 രൂപയുടെ പ്ലാൻ ഇന്ന് പലരും ആഗ്രഹിക്കുന്ന ഒന്നല്ല.
ഇന്ത്യയിലുടനീളമുള്ള ഉപഭോക്താക്കൾക്ക് സൗജന്യ 5G നൽകുന്നതിനായി റിലയൻസ് ജിയോയാണ് 5G വെൽക്കം ഓഫർ അവതരിപ്പിച്ചത്. 239 രൂപയോ അതിൽ കൂടുതലോ മൂല്യമുള്ള പ്രീപെയ്ഡ് പ്ലാൻ ഉള്ള ഉപയോക്താക്കൾക്ക് മാത്രമേ ഈ ഓഫർ ബാധകമാകൂ. 149 രൂപയുടെ പ്ലാൻ 5G വെൽക്കം ഓഫറിന് യോഗ്യമല്ലാത്തതിനാൽ, ഉപയോക്താക്കൾക്ക് 61 രൂപ ഡാറ്റ വൗച്ചർ ഉപയോഗിച്ച് റീചാർജ് ചെയ്യാനും കഴിയും, അത് അവരെ ജിയോയിൽ നിന്ന് അൺലിമിറ്റഡ് 5G ഡാറ്റയ്ക്ക് യോഗ്യരാക്കും.
149 രൂപയുടെ പ്ലാൻ 20 ദിവസത്തെ വാലിഡിറ്റിയോടെയാണ് വരുന്നത്. അതായത് ഓരോ ദിവസവും 7.45 രൂപയാണ് നിങ്ങൾ അടക്കുന്നത്. ഈ പ്ലാൻ ഉപഭോക്താക്കൾക്ക് പ്രതിദിനം 1 ജിബി ഡാറ്റ വാഗ്ദാനം ചെയ്യുന്നു. അതായത് മൊത്തം 20 ജിബി അതിവേഗ ഡാറ്റ. FUP ഡാറ്റയുടെ ഉപഭോഗത്തിന് ശേഷം, ഉപയോക്താക്കൾക്ക് 64 Kbps വേഗതയിൽ ഇന്റർനെറ്റ് ബ്രൗസ് ചെയ്യുന്നത് തുടരാം. ജിയോ ടിവി, ജിയോസിനിമ, ജിയോക്ലൗഡ് എന്നിവയാണ് ഈ പ്ലാനിനൊപ്പം ലഭിക്കുന്ന അധിക ആനുകൂല്യങ്ങൾ. നേരത്തെ, കൂടുതൽ അധിക ആനുകൂല്യങ്ങൾ ഉണ്ടായിരുന്നെങ്കിലും അവ ജിയോ നിർത്തലാക്കി.