samsung galaxy a05
Samsung Galaxy A05, Galaxy A05s എന്നിവ പുറത്തിറക്കി സാംസങ്. തായ്‌ലൻഡിൽ ഈ രണ്ട് എ-സീരീസ് സ്മാർട്ട്‌ഫോണുകളും കമ്പനി അവതരിപ്പിച്ചു. പുതിയ ചിപ്‌സെറ്റുകൾ, മികച്ച ഡിസൈൻ, വർദ്ധിച്ച ചാർജിംഗ് വേഗത എന്നിവയുമായാണ് വരുന്നത്. കറുപ്പ്, വെള്ളി, ഇളം പച്ച നിറങ്ങളിൽ ഇവ വാങ്ങാം. Galaxy A05s-ന്റെ വില കമ്പനി ഇതുവരെ വെളിപ്പെടുത്തിയിട്ടില്ല. കൂടാതെ, ഈ സ്മാർട്ട്ഫോണുകളുടെ ലഭ്യതയും ഇന്ത്യൻ ലോഞ്ചും സംബന്ധിച്ച് കമ്പനി ഇതുവരെ ഒരു വിവരവും നൽകിയിട്ടില്ല.
720 x 1600 പിക്സൽ റെസലൂഷൻ പിന്തുണയ്ക്കുന്ന 6.7 ഇഞ്ച് HD+ ഡിസ്പ്ലേയാണ് ഗാലക്സി A05 ന് ഉള്ളത്. ഈ സ്മാർട്ട്‌ഫോണിൽ ഒക്ടാ കോർ മീഡിയടെക് ഹീലിയോ ജി85 ചിപ്‌സെറ്റ് സജ്ജീകരിച്ചിരിക്കുന്നു. 4GB + 64GB, 6GB + 128GB എന്നിങ്ങനെ രണ്ട് സ്റ്റോറേജ് വേരിയന്റുകളിൽ ഇത് വരുന്നു. മൈക്രോ എസ്ഡി കാർഡ് വഴിയും ഉപയോക്താക്കൾക്ക് സ്റ്റോറേജ് വർദ്ധിപ്പിക്കാം. ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തെ അടിസ്ഥാനമാക്കി കമ്പനിയുടെ സ്വന്തം ലെയർ വൺ യുഐ കോറിലാണ് ഈ ഫോൺ പ്രവർത്തിക്കുന്നത്.
സ്മാർട്ട്ഫോണിന് ഡ്യുവൽ റിയർ ക്യാമറ സജ്ജീകരണമുണ്ട്, അതിൽ f/1.8 അപ്പേർച്ചറുള്ള 50MP പ്രധാന ക്യാമറയും f/2.4 അപ്പേർച്ചറുള്ള 2MP ഡെപ്ത് ക്യാമറയും ഉൾപ്പെടുന്നു. മുൻവശത്ത് 8 എംപി സെൽഫി ഷൂട്ടർ ഉണ്ട്. 25W ഫാസ്റ്റ് ചാർജിംഗിനെ പിന്തുണയ്ക്കുന്ന 5000mAh ബാറ്ററിയാണ് ഈ സ്മാർട്ട്‌ഫോൺ Galaxy A05 സ്മാർട്ട്‌ഫോണിൽ വരുന്നത്.
കൂടുതൽ വായിക്കൂ: ഓൺലൈനിൽ ഇ- പാൻ! എങ്ങനെ എന്ന് നോക്കാം…
6 GB റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 680 പ്രോസസറാണ് സാംസങ് ഗാലക്സി എ 05 എസിന് കരുത്ത് പകരുന്നത്. ഈ ഹാൻഡ്‌സെറ്റ് 128 ജിബി ഇന്റേണൽ സ്റ്റോറേജ് വാഗ്ദാനം ചെയ്യുന്നു.
അത് 1 TB വരെ വികസിപ്പിക്കാം. സാംസങ്ങിൽ നിന്നുള്ള ഈ ബജറ്റ് ഫോൺ ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു, കൂടാതെ 1080 x 2400 പിക്സൽ റെസല്യൂഷനോട് കൂടിയ 6.7 ഇഞ്ച് FHD+ ഡിസ്പ്ലേയുമുണ്ട്.
ഈ ഡ്യുവൽ സിം സ്മാർട്ട്ഫോണിന് ട്രിപ്പിൾ റിയർ ക്യാമറയും 50എംപി മെയിൻ സെൻസറും 2എംപി ഡെപ്ത് ക്യാമറയും 2എംപി മാക്രോ ക്യാമറയും ഉണ്ട്. ഇതിന് പുറമെ 13എംപി സെൽഫി ക്യാമറയും ഫോണിന്റെ മുൻവശത്ത് നൽകിയിട്ടുണ്ട്. സാംസങ് ഗാലക്സി A05s-ൽ സൈഡ് മൗണ്ടഡ് ഫിംഗർപ്രിന്റ് സെൻസർ സജ്ജീകരിച്ചിരിക്കുന്നു, 25W ഫാസ്റ്റ് ചാർജിംഗിനെ പിന്തുണയ്ക്കുന്ന 5000mAh ബാറ്ററിയാണ് ഇത് നൽകുന്നത്.
