#image_title
Samsung Galaxy S23 Ultra എന്നിവയുടെ സീരീസിലേക്ക് ഒരു പുതിയ സ്മാർട്ട്ഫോൺ കൂടി അ‌വതരിപ്പിച്ചു. Samsung Galaxy S23 FE ആഗോളതലത്തിൽ ഇന്ന് ലോഞ്ച് ചെയ്തു. ഒക്ടോബർ-26 മുതലാണ് എസ്23 സീരീസിലെ ഈ ഫാൻ എഡിഷൻ ഫോണിൻ്റെ വിൽപ്പന ആരംഭിക്കുന്നത്. ഒരുപാട് മികച്ച ഫീച്ചറുകളോടെ എത്തുന്ന എസ്23 എഫ്ഇ രണ്ട് സ്റ്റോറേജ് വേരിയന്റുകളിൽ ലഭ്യമാകും.
6.4-ഇഞ്ച് ഡൈനാമിക് ഫുൾ-എച്ച്‌ഡി+ അമോലെഡ് 2X ഡിസ്‌പ്ലേയുള്ള ഗാലക്സി എസ് 23 എഫ്ഇ 120 ഹെർട്‌സ് വരെ റിഫ്രഷ് റേറ്റുമായി എത്തുന്നു. ഇതോടൊപ്പം കോർണിംഗ് ഗൊറില്ല ഗ്ലാസ് 5 സംരക്ഷണവും ഇതിലുണ്ട്. ഇതാദ്യമായാണ് ഒരു ഫാൻ എഡിഷൻ സീരീസിൽ ഈ ഫീച്ചർ സാംസങ് ഉൾപ്പെടുത്തുന്നത്. 2.8GHz വരെയുള്ള ഒക്ടാ-കോർ ചിപ്സെറ്റ് ക്ലോക്കിംഗ് ഉപയോഗിച്ച് ഇത് ലിസ്റ്റ് ചെയ്തിരിക്കുന്നു.
ക്വാൽക്കോം സ്നാപ്ഡ്രാഗൺ 8 ജെൻ 1 അ‌ല്ലെങ്കിൽ സാംസങ്ങിന്റെ സ്വന്തം എക്സിനോസ് 2200 ചിപ്പ് ആണ് ഇതിലുള്ളത് എന്നാണ് റിപ്പോർട്ട്.
ഒപ്റ്റിക്കൽ ഇമേജ് സ്റ്റെബിലൈസേഷനോടുകൂടിയ 50 മെഗാപിക്സൽ സെൻസർ (ഒഐഎസ്), അൾട്രാവൈഡ് ലെൻസുള്ള 12 മെഗാപിക്സൽ സെൻസർ, 8 മെഗാപിക്സൽ ടെലിഫോട്ടോ ക്യാമറ എന്നിവ ഉൾപ്പെടുന്ന ട്രിപ്പിൾ റിയർ ഫ്ലോട്ടിംഗ് ക്യാമറ സിസ്റ്റമാണ് ഗാലക്സി എസ് 23 എഫ്ഇയിൽ ഉള്ളത്. ഹോൾ-പഞ്ച് കട്ട്ഔട്ടിൽ സെൽഫികൾക്കും വീഡിയോ കോളുകൾക്കുമായി 10-മെഗാപിക്സൽ ഫ്രണ്ട് ക്യാമറ സെൻസറും ഉണ്ട്.
വേപ്പർ ചേമ്പർ കൂളിങ് ഫീച്ചർ ഈ ഫാൻ എഡിഷൻ ഫോണിലുണ്ട്. ആൻഡ്രോയിഡ് 13 അ‌ടിസ്ഥാനമാക്കിയുള്ള വൺ യുഐ 5.1ൽ ആണ് പ്രവർത്തനം. ഫ്ലാഗ്ഷിപ്പുകൾക്ക് സമാനമായി 4 വർഷത്തെ ആൻഡ്രോയിഡ് അപ്‌ഡേറ്റുകളും 5 വർഷത്തെ സുരക്ഷാ അപ്‌ഡേറ്റുകളും സാംസങ് എസ്23 എഫ്ഇയ്ക്ക് ലഭിക്കും. അലുമിനിയം ഫ്രെയിം ആണ് സാംസങ് ഈ ഫാൻ എഡിഷൻ ഫോണിൽ നൽകിയിരിക്കുന്നത്.
കൂടുതൽ വായിക്കൂ: iPhone 11 Discount: iPhone 11ന് ധമാക്ക ഓഫർ! സ്റ്റോക്ക് തീരുന്നതിന് മുന്നേ വാങ്ങൂ…
25W ഫാസ്റ്റ് ചാർജിംഗും വയർലെസ് ചാർജിംഗും റിവേഴ്സ് വയർലെസ് ചാർജിംഗ് സപ്പോർട്ടും ഉള്ള 4500mAh ബാറ്ററിയാണ് എസ്23 എഫ്ഇയിൽ നൽകിയിരിക്കുന്നത്. 30 മിനിറ്റിനുള്ളിൽ 0- 50ശതമാനം വരെ ചാർജ് ചെയ്യുമെന്ന് സാംസങ് അവകാശപ്പെടുന്നു.
ആഗോള തലത്തിൽ ലോഞ്ച് ചെയ്ത സാംസങ് എസ്23 എഫ്ഇ ഇന്ത്യയിലും ലഭ്യമാകും എന്ന് ഉറപ്പായിട്ടുണ്ട്. മിന്റ്, ക്രീം, ഗ്രാഫൈറ്റ്, പർപ്പിൾ നിറങ്ങളിൽ ഈ സ്മാർട്ട്ഫോൺ ലഭ്യമാകും. സാംസങ് ഗാലക്സി എസ്23 എഫ്ഇ 8GB റാം അ‌കമ്പടിയോടെ 128GB, 256GB സ്റ്റോറേജ് ഓപ്ഷനുകളിൽ ലഭ്യമാകും. S23 FE യുടെ വില ഏകദേശം 49,800 രൂപ ആണെന്ന് സാംസങ് ഒരു പത്ര പ്രസ്താവനയിൽ സ്ഥിരീകരിച്ചു.
