Lava Yuva 3 Pro ഇന്ന് ഇന്ത്യയിൽ അരങ്ങേറ്റം കുറിച്ചു
ക്യാമറയിലും സ്റ്റോറേജിലും മാത്രമല്ല, കരുത്തുറ്റ ബാറ്ററിയും ഇതിലുണ്ട്
50 MP ക്യാമറയും, 8 GB RAM കപ്പാസിറ്റിയുമുള്ള പുതുപുത്തൻ ഫോണിന്റെ വിലയും വളരെ തുച്ഛം
50 MP ക്യാമറയും, 8 GB RAM കപ്പാസിറ്റിയുമുള്ള പുതുപുത്തൻ ലോ- ബജറ്റ് ഫോണുമായി ലാവ ഇന്ത്യയിൽ. വളരെ തനതായ ഡിസൈനും മികവുറ്റ പെർഫോമൻസും ഉൾപ്പെടുത്തി വന്നിരിക്കുന്ന Lava Yuva 3 Pro ഇന്ന് ഇന്ത്യയിൽ അരങ്ങേറ്റം കുറിച്ചു.
ഡെസേർട്ട് ഗോൾഡ്, ഫോറസ്റ്റ് വിരിഡിയൻ, മെഡോ പർപ്പിൾ എന്നിങ്ങനെ വളരെ ആകർഷകമായ നിറങ്ങളിലാണ് ലാവ യുവ 3 പ്രോ എത്തിയിട്ടുള്ളത്. ക്യാമറയിലും സ്റ്റോറേജിലും മാത്രമല്ല, വിപണിയിലെ മുൻനിര സ്മാർട്ഫോണുകളിലെ പോലെ കരുത്തുറ്റ ബാറ്ററി ഈ ലോ-ബജറ്റ് ഫോണിലും ഉൾപ്പെടുത്തിയിരിക്കുന്നു.
ലാവ ആരാധകരുടെ മനം കവരാനെത്തിയ ഈ പുതുമുഖത്തെ പരിചയപ്പെടാം. ഒപ്പം വിലയും വിൽപ്പനയും സംബന്ധിച്ച വിവരങ്ങളും ഇവിടെ പങ്കുവയ്ക്കുന്നു.
Lava Yuva 3 Pro ഡിസ്പ്ലേ, ബാറ്ററി, പ്രോസസർ
ലാവ യുവ 3 പ്രോയിൽ 6.5 ഇഞ്ച് എച്ച്‌ഡി+ ഡിസ്‌പ്ലേയാണുള്ളത്. 720×1,600 പിക്‌സൽ റെസലൂഷനും, 269 പിപിഐ പിക്‌സൽ ഡെൻസിറ്റിയുമുള്ള ഫോണിൽ 90 Hzന്റെ റീഫ്രെഷ് റേറ്റ് വരുന്നു. ആൻഡ്രോയിഡ് 13 അടിസ്ഥാനമാക്കി പ്രവർത്തിക്കുന്ന ലാവ യുവ 3 പ്രോയിൽ 5,000mAh ബാറ്ററിയും, 18W ഫാസ്റ്റ് ചാർജിങ് സൌകര്യവുമുണ്ട്.
ലോ ബജറ്റാണെങ്കിലും, ബാറ്ററിയിൽ കമ്പനി ഒട്ടും വിട്ടുവീഴ്ച വരുത്തിയിട്ടില്ല. ഒറ്റ ചാർജിനുള്ളിൽ 38 മണിക്കൂർ വരെ ടോക്ക് ടൈമും, 500 മണിക്കൂർ വരെ സ്റ്റാൻഡ്‌ബൈ ടൈമും ഈ ബാറ്ററി ഉറപ്പുവരുത്തുന്നു. ഒക്ടാ കോർ യുണിസോക്ക് ടി616 SoC ആണ് ഫോണിന്റെ പ്രോസസർ.
4G VoLTE ആണ് ഫോണിന്റെ കണക്റ്റിവിറ്റി. ബ്ലൂടൂത്ത് 5, GPRS, OTG, Wi-Fi 802.11 b/g/n/ac, 3.5mm ഓഡിയോ ജാക്ക്, യുഎസ്ബി ടൈപ്പ്-സി പോർട്ട് എന്നിവയും ഇതിൽ ഉൾപ്പെടുന്നുണ്ട്.
ക്യാമറ ഫീച്ചറുകൾ
ലാവ യുവ 3 പ്രോയിൽ AI- പവർഡ് 50 മെഗാപിക്സൽ ഡ്യുവൽ ക്യാമറ സെറ്റപ്പാണ് വരുന്നത്. HDR, പോർട്രെയിറ്റ്, പനോരമ, ബർസ്റ്റ്, സ്ലോ മോഷൻ, നൈറ്റ്, ടൈം-ലാപ്‌സ് ഫോട്ടോഗ്രാഫി എന്നിവ ഫോട്ടോഗ്രാഫി പ്രിയർക്ക് ഇഷ്ടപ്പെടുന്ന ഫീച്ചറുകളാണ്. സെൽഫികൾക്കും വീഡിയോ കോളുകൾക്കുമായി ലാവ ഈ ഫോണിൽ 8 മെഗാപിക്സലിന്റെ സെൻസറും നൽകിയിരിക്കുന്നു.
READ MORE: വീണ്ടും നീട്ടി! Free ആയി Aadhaar Update ചെയ്യാൻ കുറച്ച് സമയം കൂടി അനുവദിച്ച് UIDAI
Lava Yuva 3 Pro വില
8 GB റാമും 128 GB സ്റ്റോറേജും വരുന്ന സ്മാർട്ഫോണാണിത്. 8,999 രൂപയാണ് ലാവ യുവ 3 പ്രോയ്ക്ക് വില വരുന്നത്. ലാവയുടെ ഔദ്യോഗിക വെബ്‌സൈറ്റിൽ നിന്നും റീട്ടെയിൽ വിൽപ്പനയിൽ നിന്നും ഫോൺ വാങ്ങാം.
Follow Us
Anju M U
She loves to connect you to the latest Technology News and updates. Covering latest film releases in OTT and Malayalam movie news. Specialised in topics like Technology, Film and Travel. View Full Profile
