iQOO Neo 7 Pro Launch Date: മൾട്ടി- ടാസ്കിങ്ങിൽ ഹാങ് ആവാത്ത ഐക്യൂ ഉടൻ വരുന്നു

By Anju M U | Updated on 19-Jun-2023

19-Jun-2023

HIGHLIGHTS

iQOO നിയോ 7 പ്രോ ഗെയിമിങ് പ്രവർത്തനങ്ങൾക്ക് മികച്ചതായിരിക്കും

ഓറഞ്ച് ഫാക്സ് ലെതർ പുറംമോടിയോടെയാണ് ഐക്യൂ ഫോൺ വരുന്നത്

iQOO Neo 7 Pro: 5,000 mAh ബാറ്ററിയും 120W ഫാസ്റ്റ് ചാർജിങ്ങുമുള്ള iQOOവിന്റെ ഏറ്റവും പുതിയ സ്മാർട്ഫോൺ ഇന്ത്യയിൽ ഉടൻ എത്തും. ഇന്ത്യൻ വിപണി കാത്തിരിക്കുന്ന ഈ സ്മാർട്ഫോൺ ജൂലൈ 4ന് പുറത്തിറങ്ങുമെന്നാണ് ലഭിക്കുന്ന വിവരം. 6.78 ഇഞ്ച് അമോലെഡ് ഫുൾ HD+ ഡിസ്‌പ്ലേയും 120 Hzന്റെ റീഫ്രെഷ് റേറ്റുമായാണ് സ്മാർട്ഫോൺ എത്തുന്നത്. മിഡ്- റേഞ്ച് ബജറ്റിൽ പർച്ചേസ് ചെയ്യാവുന്ന iQOO നിയോ 7 പ്രോയുടെ ഫീച്ചറുകൾ സംബന്ധിച്ച് ഏതാനും റിപ്പോർട്ടുകൾ പുറത്തുവരുന്നുണ്ട്. വിശദമായി അറിയാൻ തുടർന്ന് വായിക്കുക.

iQOO Neo 7 Proയുടെ പ്രധാന ഫീച്ചറുകൾ

iQOO ജൂലൈ 4ന് തന്നെ റിലീസ് ചെയ്യുമെന്ന് കമ്പനി ഔദ്യോഗികമായി സ്ഥിരീകരിച്ചിട്ടുണ്ട്. സ്‌നാപ്ഡ്രാഗൺ 8+ Gen 1 ചിപ്‌സെറ്റിന്റെ കരുത്തിലാണ് ഐക്യൂ നിയോ 7 പ്രോ എത്തുന്നത്. ഫോണിന്റെ മറ്റ് ഫീച്ചറുകളെ കുറിച്ച് ഔദ്യോഗികമായി വിവരങ്ങൾ ഇല്ലെങ്കിലും ഏതാനും റിപ്പോർട്ടുകൾ സൂചിപ്പിക്കുന്നത് iQOO നിയോ 7 പ്രോ ഗെയിമിങ് പ്രവർത്തനങ്ങൾക്ക് മികച്ചതായിരിക്കുമെന്നും ഇതിനായി സ്‌നാപ്ഡ്രാഗൺ തെരഞ്ഞെടുക്കുന്നുവെന്നുമാണ്.
ഫോൺ മൾട്ടി- ടാസ്കിങ്ങിനും വളരെ മികച്ചൊരു മോഡലായിരിക്കും. ഇതിനുതകുന്ന തരത്തിൽ 12 GB റാമും 256 GB സ്‌റ്റോറേജുമായാണ് iQOO Neo 7 Pro അവതരിപ്പിച്ചിരിക്കുന്നത്.

5,000 mAh ബാറ്ററിയാണ് iQOO Neo 7 Proയിൽ വരുന്നത്. ആൻഡ്രോയിഡ് 13 അടിസ്ഥാനമാക്കി പ്രവർത്തിക്കുന്ന ഐക്യൂ നിയോ 7 പ്രോയിൽ FuntouchOS 13ഉം പ്രവർത്തിക്കുന്നു. ഇതിന് പുറമെ മികച്ച ക്യാമറ ഫീച്ചറുകളും ഫോണിൽ വരുന്നുണ്ട്. 50 MPയുടെ പ്രൈമറി ലെൻസും 8 MPയുടെ അൾട്രാവൈഡ് സെൻസറും ഒപ്റ്റിക്കൽ ഇമേജ് സ്റ്റെബിലൈസേഷൻ പിന്തുണയുമാണ് ഫോണിൽ ഉൾപ്പെടുത്തിയിരിക്കുന്നത്. കൂടാതെ, 2 MP മാക്രോ സെൻസറും ഫോണിലുണ്ട്. ഐക്യൂ നിയോ 7 പ്രോയിൽ സെൽഫി ക്യാമറയും മികച്ചതാണ്. 16 MPയുടെ ഫ്രണ്ട് ക്യാമറയാണ് ഫോണിലുള്ളത്.

ഡിസൈനും ആകർഷകമാണ്. ഓറഞ്ച് ഫാക്സ് ലെതർ പുറംമോടിയോടെയാണ് ഐക്യൂ ഫോൺ വരുന്നത്. iQOO നിയോ 7 പ്രോയിൽ ഇൻ-ഡിസ്‌പ്ലേ ഫിംഗർപ്രിന്റ് സെൻസർ വരുന്നു. കൂടാതെ, ഡ്യുവൽ സിം, വൈഫൈ 6, ബ്ലൂടൂത്ത് 5.3, മറ്റ് കണക്റ്റിവിറ്റിയും ഫോണിലെ മറ്റ് പ്രധാന ഫീച്ചറുകളാണ്. ഇത്രയധികം നൂതന ടെക്നോളജികൾ അടങ്ങിയിട്ടുള്ള നിയോ 7 പ്രോ ഒരു മിഡ്- റേഞ്ച് വിഭാഗത്തിൽ ഉൾപ്പെടുന്ന ഫോണായിരിക്കുമെന്ന് നേരത്തെ പറഞ്ഞിരുന്നു. ഫോണിന് ഏകദേശം 40,000 രൂപ വരെ വില വന്നേക്കാമെന്നാണ് പറയുന്നത്.

Anju M U

She loves to connect you to the latest Technology News and updates. Covering latest film releases in OTT and Malayalam movie news. Specialised in topics like Technology, Film and Travel. View Full Profile