Lava Agni 2 ഒരു സൂപ്പർ ബജറ്റ് 5G ഫോൺ; വാങ്ങുന്നതിന് മുമ്പ് പരിചയപ്പെടാം…

പേര് പോലെ തന്നെ തീപ്പൊരി ഫീച്ചറുകളുമായാണ് ലാവ അഗ്നി 2 5G എത്തിയിരിക്കുന്നത്. ഇന്ന് മുതൽ ഈ സൂപ്പർ സ്മാർട്ഫോണിന്റെ വിൽപ്പന ഇന്ത്യയിൽ ആരംഭിച്ചു. കാണാനും ലുക്കാണ്, പെർഫോമൻസിലും ബെസ്റ്റാണെന്ന് പറയാവുന്ന ഫോണാണ് Lava Agni 2 5G. 4 ക്യാമറകളും, അതിൽ തന്നെ മെയിൻ ക്യാമറ 50MP സെൻസറോടെയുമാണ് വരുന്നത്. അതിവേഗ ചാർജിങ്ങും, അമോലെഡ് ഡിസ്പ്ലേയുമെല്ലാം ഉൾപ്പെടുത്തി ഒരു പുത്തൻ അവതാരമായി തന്നെയാണ് ലാവ വിപണിയിലേക്ക് രംഗപ്രവേശം ചെയ്തിരിക്കുന്നത്. 21,999 രൂപയുടെ കിടിലൻ സ്മാർട്ഫോണാണിത്. 

വിലയും ബാങ്ക് ഓഫറുകളും

ലാവ അഗ്നി 2 5ജിയുടെ വില 21,999 രൂപയാണ്. എന്നാൽ ഓഫറുകളും മറ്റും കൂടി പരിഗണിച്ച് കൂടുതൽ വിലക്കുറവിൽ ലാവ അഗ്നി 2 വാങ്ങാനാകും. എന്നാൽ വാങ്ങുന്നതിന് മുമ്പ് നിങ്ങൾ അറിഞ്ഞിരിക്കേണ്ട ചില ഫീച്ചറുകളുണ്ട്. 1080×2400 പിക്‌സൽ റെസല്യൂഷനോട് കൂടിയ 6.78 ഇഞ്ച് ഫുൾ HD+ ഡിസ്പ്ലേയാണ് ഫോണിൽ കൊണ്ടുവന്നിരിക്കുന്നത്. 120Hzന്റെ റീഫ്രെഷ് റേറ്റും ഫോണിൽ വരുന്നു. ആൻഡ്രോയിഡ് 13 ആണ് ഫോണിന്റെ OS.  66W ഫാസ്റ്റ് ചാർജിങ്ങിനെ പിന്തുണയ്ക്കുന്ന ഈ ലാവ 5G ഫോണിൽ 4700mAh ബാറ്ററിയുണ്ട്. വെറും 16 മിനിറ്റിനുള്ളിൽ 50% വരെ ചാർജ് ചെയ്യാൻ കഴിയുമെന്ന് കമ്പനി അവകാശപ്പെടുന്നുണ്ട്. 

ക്യാമറയും കാണേണ്ടത് തന്നെ…

ഇതിന് പുറമെ, 2 വർഷത്തെ ആൻഡ്രോയിഡ് OS അപ്‌ഡേറ്റും 3 വർഷത്തെ സുരക്ഷാ അപ്‌ഡേറ്റുകളും ലാവ അഗ്നി 2ലുണ്ടെന്നും പറയുന്നുണ്ട്. എല്ലാവർക്കും അറിയേണ്ട ഫീച്ചർ ഫോണിന്റെ ക്യാമറയെ കുറിച്ചായിരിക്കും. f/1.88 അപ്പേർച്ചർ ഉള്ള 50MPയുടെ മെയിൻ ക്യാമറയാണ് Lava Agni 2 5Gയിൽ ഉൾപ്പെടുത്തിയിട്ടുള്ളത്. സെൽഫി ക്യാമറ 16 മെഗാ പിക്സലിന്റേതാണ്. കൂടാതെ, അൾട്രാ വൈഡ് ആംഗിൾ ലെൻസ്, ഡെപ്ത്, മാക്രോ സെൻസർ എന്നിവയും ലാവ 5Gയിൽ വരുന്നു.

ബ്ലൂടൂത്ത്, വൈഫൈ, USB ടൈപ്പ്-സി പോർട്ട് എന്നിങ്ങനെയുള്ള കണക്റ്റിവിറ്റി ഓപ്ഷനുകളും ഫോണിൽ ഉറപ്പായും പ്രതീക്ഷിക്കാം. ഇനി ഫോണിന്റെ വിലയിലേക്ക് വന്നാൽ 21,999 രൂപയാണ് വിലയെങ്കിലും എല്ലാ ഡെബിറ്റ്, ക്രെഡിറ്റ് കാർഡുകൾക്കും 2,000 രൂപ കിഴിവ് ലഭിക്കും. അതായത്, കാർഡ് ഉപയോഗിച്ചുള്ള പർച്ചേസിങ്ങിന് 19,999 രൂപ മതി. 

Follow Us

Anju M U

She loves to connect you to the latest Technology News and updates. Covering latest film releases in OTT and Malayalam movie news. Specialised in topics like Technology, Film and Travel. View Full Profile