iQOO 12 India Launch
iQOO ഉടൻ തന്നെ പുതിയ സ്മാർട്ട് ഫോൺ iQOO 12 5G ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുന്നു. സ്‌നാപ്ഡ്രാഗൺ 8 Gen 3 SoC പ്രൊസസറും ട്രിപ്പിൾ റിയർ ക്യാമറയും ഇതിലുണ്ടാകും. iQOO 12 5G വിപണിയിൽ എത്തുന്നതിന് മുമ്പ് തന്നെ ഇതിന്റെ വില കമ്പനി വെളിപ്പെടുത്തിയിട്ടുണ്ട്. ഈ ഫോൺ ആദ്യം ചൈനയിൽ ആണ് അവതരിപ്പിച്ചത്. അതിനാൽ ഇന്ത്യയിലെ ഈ ഫോണിന്റെ വിലയെയും സവിശേഷതകളെയും കുറിച്ചുള്ള കൂടുതൽ വിശദാംശങ്ങൾ ഒന്ന് പരിശോധിക്കാം
iQOO 12 5G 56,999 രൂപയ്ക്കാണ് കമ്പനി രാജ്യത്ത് അവതരിപ്പിക്കാൻ പോകുന്നത്. 12GB റാം + 256GB ,16GB + 512 GB എന്നിങ്ങനെ രണ്ട് സ്റ്റോറേജ് വേരിയന്റുകളിൽ ഈ ഫോൺ ലഭ്യമാകുമെന്നാണ് അറിയാൻ കഴിയുന്നത്.
6.78 ഇഞ്ച് അമോലെഡ് ഡിസ്‌പ്ലേ ഉണ്ടായിരിക്കും, ഇതിന് 144 ഹെർട്‌സ് വരെ റിഫ്രഷ് റേറ്റും ലഭിക്കും. ക്വാൽകോമിന്റെ ഏറ്റവും പുതിയ പ്രൊസസർ സ്‌നാപ്ഡ്രാഗൺ 8 Gen 3 SoC ഉപയോഗിച്ചായിരിക്കും കമ്പനി ഇത് അവതരിപ്പിക്കുക. ഈ സീരീസ് കഴിഞ്ഞ വർഷം സമാരംഭിച്ച iQOO 11 5G-ന് പകരമാകും.
50MP പ്രൈമറി ക്യാമറ, 64MP പെരിസ്കോപ്പ് ടെലിഫോട്ടോ സെൻസർ, അൾട്രാ വൈഡ് ആംഗിൾ ലെൻസുള്ള 50MP സെൻസർ എന്നിവ ഈ സ്മാർട്ട്ഫോണിലുണ്ട്. സെൽഫികൾക്കും വീഡിയോ കോളുകൾക്കുമായി മുൻവശത്ത് 16 MP ക്യാമറയുണ്ട്.
120 W വയർഡ് ഫാസ്റ്റ് ചാർജിംഗിനെ പിന്തുണയ്ക്കുന്ന 5,000 mAh ബാറ്ററിയാണ് കമ്പനി നൽകിയിരിക്കുന്നത്.
കൂടുതൽ വായിക്കൂ: Infinix Smart 8 HD Launch: ഡൈനാമിക് ഐലൻഡ് ഫീച്ചറുമായി ഇൻഫിനിക്സിന്റെ പുതിയ മാജിക് Infinix Smart 8 HD
പ്രോ മോഡലിന്റെ ലോഞ്ചിനെക്കുറിച്ചുള്ള വിവരങ്ങൾ കമ്പനി പങ്കിട്ടിട്ടില്ല. iQoo 12 ന്റെ ചൈനയിൽ 12 GB + 256 GB വേരിയന്റിന് ഏകദേശം 45,000 രൂപയാണ്. 16 GB + 512 GB വേരിയന്റിന് ഏകദേശം 50,000 രൂപയാണ് വില. അതേസമയം അതിന്റെ 16GB റാം + 1TB സ്റ്റോറേജ് വേരിയന്റ് ഏകദേശം 53,000 രൂപയാണ് വില. ബേണിംഗ് വേ, ലെജൻഡ് എഡിഷൻ, ട്രാക്ക് പതിപ്പ് കളർ ഓപ്ഷനുകളിൽ കമ്പനി അവതരിപ്പിച്ചത്
