Infinix Smart 8 launched
Infinix നൈജീരിയയിൽ ഇൻഫിനിക്സ് സ്മാർട്ട് 8 സ്മാർട്ട്ഫോൺ ഔദ്യോഗികമായി അവതരിപ്പിച്ചു. ഇൻഫിനിക്സ് സ്മാർട്ട് 7 ന്റെ പിൻഗാമിയായാണ് ഇൻഫിനിക്സ് സ്മാർട്ട് 8 അവതരിപ്പിച്ചിരിക്കുന്നത്. ഇൻഫിനിക്സ് സ്മാർട്ട് 8 മറ്റു ഫീച്ചറുകൾ ഒന്ന് പരിചയപ്പെടാം
ഈ ഫോണിന്റെ വില ഏകദേശം 8,500 രൂപയാണ്. ഗാലക്‌സി വൈറ്റ്, ടിംബർ ബ്ലാക്ക്, ഷൈനി ഗോൾഡ്, ക്രിസ്റ്റൽ ഗ്രീൻ എന്നീ കളർ ഓപ്ഷനുകളിലാണ് ഇൻഫിനിക്‌സിന്റെ പുതിയ സ്മാർട്ട്ഫോൺ വരുന്നത്.
HD+ റെസല്യൂഷനോട് കൂടിയ ഒരു IPS LCD ഡിസ്പ്ലേ ഇതിലുണ്ട്. ഈ ഡിസ്പ്ലേ പാനലിൽ ചാർജിംഗ് സ്റ്റാറ്റസ്, വോയ്‌സ് കോളുകൾ എന്നിവയെ കുറിച്ചുള്ള വിവരങ്ങൾ നൽകുന്ന മാജിക് റിംഗ് എന്ന ഡൈനാമിക് ഐലൻഡ് പോലെയുള്ള ഓവർലേ ഉണ്ട്. 90Hz റിഫ്രഷ് റേറ്റ് , 90% സ്‌ക്രീൻ-ടു-ബോഡി അനുപാതം, 500 nits തെളിച്ചം എന്നിവ വാഗ്ദാനം ചെയ്യുന്ന 6.6 ഇഞ്ച് IPS LCD ഡിസ്‌പ്ലേയാണ് ഹാൻഡ്‌സെറ്റിന്റെ സവിശേഷത.
ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തെ അടിസ്ഥാനമാക്കിയുള്ള XOS 13 സ്കിൻ ലെയറിലാണ് ഡ്യുവൽ സിം സ്മാർട്ട് 8 പ്രവർത്തിക്കുന്നത്.
4GB റാമും 128GB ഇന്റേണൽ സ്റ്റോറേജിലുമാണ് യൂണിസോക്ക് ടി606 പ്രൊസസറാണ് Infinix Smart 8 പ്രവർത്തിക്കുന്നത്. ഈ ഫോണിന് 4GB വെർച്വൽ റാം പിന്തുണയും 128GB ക്ക് മുകളിൽ സ്റ്റോറേജ് വർദ്ധിപ്പിക്കുന്നതിന് മൈക്രോ എസ്ഡി കാർഡ് സ്ലോട്ടും ഉണ്ട്.
കൂടുതൽ വായിക്കൂ: Samsung Live Translate Call: കോളുകൾക്കിടയിൽ ലൈവായി ട്രാൻസ്ലേഷൻ, ഭാഷ അറിയില്ലേലും സുഖമായി സംസാരിക്കാം, Samsung AI ഫീച്ചർ!
ഫോണിന് 13MP പ്രൈമറി ക്യാമറയും രണ്ടാമത്തെ വിജിഎ സെൻസറും ഉണ്ട്. ഇതിന് പുറമെ സെൽഫികൾ എടുക്കാൻ 8MP മുൻ ക്യാമറയും ഇതിലുണ്ട്.ഡ്യുവൽ ക്യാമറ സെറ്റപ്പ്, സൈഡ് മൗണ്ടഡ് ഫിംഗർപ്രിന്റ് സെൻസർ, 8 എംപി ഫ്രണ്ട് ഫേസിംഗ് ക്യാമറ എന്നിവയുണ്ട്.
10W ചാർജിംഗിനെ പിന്തുണയ്ക്കുന്ന 5000mAh ബാറ്ററിയാണ് ഫോണിനുള്ളത്.
