Realme, Redmi എന്നിവയുടെ രണ്ട് പുത്തൻ ബജറ്റ് സ്മാർട്ട്‌ഫോണുകളാണ് വിപണിയിലെത്തിയത്
Realme 11 5G, Redmi Note 12 5G എന്നിവയാണ് രണ്ട് പുത്തൻ ബജറ്റ് സ്മാർട്ട്‌ഫോണുകൾ
ഈ രണ്ട് പുത്തൻ ബജറ്റ് സ്മാർട്ട്‌ഫോണുകൾ തമ്മിൽ താരതമ്യം ചെയ്യാം
Realme പുതിയ മൊബൈൽ ഫോൺ Realme 11 5G ഇന്ത്യയിൽ അവതരിപ്പിച്ചു. മിഡ് ബജറ്റ് സെഗ്‌മെന്റിലാണ് ഈ സ്മാർട്ട്‌ഫോൺ അവതരിപ്പിച്ചിരിക്കുന്നത്. 18,999 രൂപയാണ് ഫോണിന്റെ വില. Realme 11 5Gയും Redmi Note 12 5Gയും തമ്മിൽ എന്തായാലും ഒരു
മത്സരം ഉണ്ടാവുക സ്വാഭാവികമാണ്. Realme, Redmi എന്നിവയിൽ നിന്നുള്ള ഈ രണ്ട് ബജറ്റ് സ്മാർട്ട്‌ഫോണുകൾ കുറഞ്ഞ വിലയിൽ മികച്ച സവിശേഷതകൾ വാഗ്ദാനം ചെയ്യുന്നു. എന്നാൽ Realme 11 5G അല്ലെങ്കിൽ Redmi Note 12 5G ഏത് സ്മാർട്ട്‌ഫോണാണ് മികച്ച ഓപ്ഷൻ എന്ന്
ഒരു ചർച്ചയാകാം
Realme 11 5G vs Redmi Note 12 5G: വില
Realme 11 5G ഫോണിന്റെ അടിസ്ഥാന മോഡലായ 8 ജിബി റാം + 128 ജിബി സ്റ്റോറേജിന് 18,999 രൂപയാണ് വില. 8 ജിബി റാം + 256 ജിബി സ്റ്റോറേജിന്19,999 രൂപയാണ് വില.
Redmi Note 12 5G ഇന്ത്യയിൽ മൂന്ന് വേരിയന്റുകളിൽ ലഭ്യമാണ്. 4ജിബി റാം+128ജിബി സ്റ്റോറേജിന് 16,999 രൂപയാണ് വില. ഇതിന്റെ രണ്ടാമത്തെ മോഡലിന് 6GB+128GB സ്റ്റോറേജിന് 18,999 രൂപയാണ് വില. 8GB+256GB സ്റ്റോറേജിന് 20,999 രൂപയാണ് വില.
Realme 11 5G vs Redmi Note 12 5G: ഡിസ്പ്ലേ
Realme 11 5G ഫോൺ 6.72 ഇഞ്ച് ഫുൾ HD+ ഡിസ്‌പ്ലേയിൽ ലഭ്യമാകും. ഈ ഫോൺ 120Hz റിഫ്രഷ് റേറ്റ് 240Hz ടച്ച് സാംപ്ലിംഗ് റേറ്റിലും പ്രവർത്തിക്കുന്നു.
Redmi Note 12 5G ഫോണിൽ 6.67-ഇഞ്ച് ഫുൾ HD+ പഞ്ച് ഹോൾ ഡിസ്‌പ്ലേയുണ്ട് ഇത് 2400×1080 പിക്‌സൽ റെസലൂഷൻ പിന്തുണയ്ക്കുന്നു. ഫോണിന് 120Hz റിഫ്രഷ് റേറ്റും 240Hz ടച്ച് സാമ്പിളുമുണ്ട്.
Realme 11 5G vs Redmi Note 12 5G: പ്രോസസ്സർ
MediaTek Dimensity 6100+ ഒക്ടാ കോർ പ്രൊസസറാണ് Realme 11 5G നൽകുന്നത്. ഗ്രാഫിക്സിനായി ARM G57 MC2 GPU ഉണ്ട്. ഫോണിന്റെ വെർച്വൽ റാം 16 ജിബി വരെ വർദ്ധിപ്പിക്കാനുള്ള സൗകര്യം നൽകുന്നു. റിയൽമി യുഐ 4.0-ൽ പ്രവർത്തിക്കുന്ന ആൻഡ്രോയിഡ് 13 ഉപയോഗിച്ചാണ് ഫോൺ എത്തുന്നത്.
Qualcomm Snapdragon 4 Gen 1 പ്രോസസറുമായാണ് റെഡ്മി നോട്ട് 12 5G വരുന്നത്. ഗ്രാഫിക്സിനായി അഡ്രിനോ 619 ജിപിയു ഇതിലുണ്ട്. Redmi Note 12 5G LPDDR4x റാമിലും UFS 2.2 സ്റ്റോറേജിലും പ്രവർത്തിക്കുന്നു. ഫോൺ 5 ജിബി വെർച്വൽ റാം പിന്തുണയ്ക്കുന്നു. ആൻഡ്രോയിഡ് 12 അടിസ്ഥാനമാക്കിയുള്ള MIUI 13ലാണ് റെഡ്മി ഫോൺ പ്രവർത്തിക്കുന്നത്
Realme 11 5G vs Redmi Note 12 5G: ക്യാമറ
Realme 11 5G ഫോൺ ഡ്യുവൽ പിൻ ക്യാമറകളെ പിന്തുണയ്ക്കുന്നു, 108 മെഗാപിക്സൽ Samsung ISOCELL HM6 പ്രധാന സെൻസർ 3X സൂം സപ്പോർട്ട് ചെയ്യുന്നു. കൂടാതെ, 2 മെഗാപിക്സൽ പോർട്രെയ്റ്റ് ലെൻസുമുണ്ട്. സെൽഫികൾക്കും വീഡിയോ കോളുകൾക്കുമായി മുൻവശത്ത് 16 മെഗാപിക്സൽ സെൻസർ ഉണ്ട്.
റെഡ്മി നോട്ട് 12 5G ഫോട്ടോഗ്രാഫിക്കായി ട്രിപ്പിൾ പിൻ ക്യാമറയെ പിന്തുണയ്ക്കുന്നു. പിൻ പാനലിൽ 48 മെഗാപിക്സൽ പ്രധാന സെൻസറുണ്ട്, എൽഇഡി ഫ്ലാഷോടുകൂടി വരുന്നു. കൂടാതെ, ഇതിന് 8 മെഗാപിക്സൽ അൾട്രാ വൈഡ് ആംഗിൾ ലെൻസും 2 മെഗാപിക്സൽ മാക്രോ സെൻസറും ഉണ്ട്. സെൽഫികൾക്കും വീഡിയോ കോളുകൾക്കുമായി 13 മെഗാപിക്സൽ സെൻസറാണ് ഫോണിനുള്ളത്.
Realme 11 5G vs Redmi Note 12 5G: ബാറ്ററി
67W SuperVOOC ചാർജിംഗ് സാങ്കേതിക പിന്തുണയോടെ വരുന്ന 5000mAh ബാറ്ററിയാണ് Realme 11 5G ഫോണിന് കരുത്ത് പകരുന്നത്. ഒറ്റ ചാർജിൽ 24.5 ദിവസത്തെ സ്റ്റാൻഡ്‌ബൈ സമയം നൽകാൻ കഴിയുമെന്ന് കമ്പനി അവകാശപ്പെടുന്നു.
Redmi Note 12 5G ഫോണിന് 5000mAh ബാറ്ററിയാണ് കരുത്ത് നൽകുന്നത്, അത് 33W ഫാസ്റ്റ് ചാർജിംഗ് സാങ്കേതികവിദ്യയുമായി വരുന്നു. ഒറ്റ ചാർജിൽ 26 ദിവസത്തെ സ്റ്റാൻഡ്‌ബൈ സമയം ഫോൺ വാഗ്ദാനം ചെയ്യുന്നുവെന്ന് കമ്പനി അവകാശപ്പെടുന്നു.
Follow Us
