10 മിനിറ്റ് കൊണ്ട് 60% ബാറ്ററി ചാർജിങ്; iQOO Neo 7 വിപണിയെ ഞെട്ടിക്കുമോ?

ഇതാ ഇന്ത്യൻ വിപണിയിലേക്ക് ഐക്യൂവിന്റെ നിയോ 7 സീരീസ് ഫോൺ എത്തിയിരിക്കുകയാണ്. 30,000 രൂപയാണ് ഫോണിന് വില. മുടക്കുന്ന പൈസയ്ക്കുള്ളത് ഫോണിലുണ്ടോ എന്നായിരിക്കുമല്ലോ വാങ്ങുന്നതിന് മുമ്പ് ആരും തിരയുക. അങ്ങനെയെങ്കിൽ ഫോണിന്റെ Specificationകളും featuresകളും തീർച്ചയായും നിങ്ങൾ അറിഞ്ഞിരിക്കണം.
iQOO Neo 7 ഇന്ത്യയിൽ ഇറങ്ങുന്നത് 4nm MediaTek Dimensity 8200 ചിപ്‌സെറ്റോടെയാണ്. ഇതിന്റെ അടിസ്ഥാന മോഡലിന്റെ വില 29,999 രൂപയാണ്. എങ്കിലും നിങ്ങൾക്ക് ഓഫറുകളോടെ കുറച്ചുകൂടി വിലക്കുറവിൽ ഈ ഫോൺ വാങ്ങാനാകും.

iQOO നിയോ 7- സവിശേഷതകൾ

1. iQOO Neo 7ന്റെ പ്രധാന സവിശേഷത അതിന്റെ ചിപ്സെറ്റ്, മീഡിയടെക് ഡൈമെൻസിറ്റി 8200 ചിപ്പാണ് എന്നത് തന്നെ. 12GB വരെ LPDDR5 റാമും 512GB UFS 3.1 സ്റ്റോറേജും ഇത് പിന്തുണയ്ക്കുന്നു. ഈ ചിപ്‌സെറ്റ് 5G കണക്റ്റിവിറ്റിയ്ക്കും വളരെ അനുയോജ്യമാണ്.
2. 5000mAh ബാറ്ററിയാണ് ഐക്യൂ നിയോ 7 ഫോണിലുള്ളത്. 10 മിനിറ്റിനുള്ളിൽ ബാറ്ററിയുടെ 60% ചാർജാകും. കാരണം 120Wന്റെ വയർഡ് ചാർജിങ്ങാണ് ഫോൺ പിന്തുണയ്ക്കുന്നത്.
3. ഫോണിന്റെ മുൻവശത്തുള്ള 6.78 ഇഞ്ച് അമോലെഡ് പാനലിന്റെ റീഫ്രെഷ് റേറ്റ് 120 ആണ്. ഇത് HDR10+ റേറ്റുചെയ്തതും 1300 nits തെളിച്ചം കാണിക്കുന്നതുമാണ്.
4. നിങ്ങൾക്ക് അണ്ടർ-ഡിസ്‌പ്ലേ ഫിംഗർപ്രിന്റ് റീഡർ ലഭിക്കുന്നതാണ്. ഫോണിന്റെ അൺലോക്കിങ് ഫീച്ചറുകൾ നോക്കുകയാണെങ്കിൽ Android 13 അടിസ്ഥാനമാക്കിയുള്ള Funtouch OS ആണ് ഇതിലുള്ളത്.
5. ഇപ്പോൾ പലരും Camera നോക്കിയാണ് ഫോൺ വാങ്ങുന്നത്. iQOO Neo 7 ഫോണിന്റെ മെയിൻ ക്യാമറ 64MPയുടേതാണ്. ഫോണിൽ രണ്ട് 2MP ഓക്സിലറി സെൻസറുകൾ പിൻഭാഗത്ത് സജ്ജീകരിച്ചിട്ടുണ്ട്. സെൽഫിക്കായി മുൻവശത്ത് 16MP ഷൂട്ടറും ഉൾക്കൊള്ളുന്നു.

iQOO Neo 7യുടെ ഇന്ത്യയിലെ വിലയും ഓഫറുകളും

iQOO നിയോ 7 ഇന്റർസ്റ്റെല്ലാർ ബ്ലാക്ക്, ഫ്രോസ്റ്റ് ബ്ലൂ എന്നീ നിറങ്ങളിൽ വാങ്ങാവുന്നതാണ്.  8GB+128GBയുടെ ഫോണിന് 29,999 രൂപയാണ് വില വരുന്നത്. 12GB+256GBയുടെ ഉയർന്ന വേരിയന്റിന് ഇന്ത്യയിൽ 33,999 രൂപയാണ് വില. 
ഫെബ്രുവരി 16ന് ഉച്ചയ്ക്ക് 1 മണി മുതലാണ് iQOO Neo 7 വിൽപ്പന ആരംഭിച്ചത്. ആമസോൺ ഇന്ത്യയിൽ നിന്ന് നിങ്ങൾക്ക് ഈ ഫോൺ സ്വന്തമാക്കാം.

To all those wondering, if #iQOONeo7 5G’s #PowerToWin comes with the gaming features – We are “Not just a Gaming Smartphone but an all-round performer” as quoted by @digitindia!

Buy Now: https://t.co/0dIXrodd1F pic.twitter.com/feBqCLxr0F

— iQOO India (@IqooInd) February 16, 2023

HDFC, ICICI, SBI ബാങ്ക് കാർഡുകൾ ഉപയോഗിക്കുകയാണെങ്കിൽ ലോഞ്ച് ഓഫറുകളിൽ 1,500 രൂപ ഫ്ലാറ്റ് കിഴിവ് ലഭിക്കുന്നതാണ്. 2,000 രൂപയുടെ അധിക എക്‌സ്‌ചേഞ്ച് ഡിസ്‌കൗണ്ടും നോ-കോസ്റ്റ് EMI ഓപ്ഷനും ഇതിൽ ലഭിക്കും.

Follow Us

Anju M U

She loves to connect you to the latest Technology News and updates. Covering latest film releases in OTT and Malayalam movie news. Specialised in topics like Technology, Film and Travel. View Full Profile