ഇ-കൊമേഴ്‌സ് വെബ്‌സൈറ്റായ റിലയന്‍സ് ഡിജിറ്റലില്‍ നിന്ന് ജിയോബുക്ക് വാങ്ങാം
ജിയോബുക്കിന് ഒരു ഫുള്‍ ചാര്‍ജില്‍ 8 മണിക്കൂറിലേറെ ബാറ്ററി ലൈഫ് ലഭിക്കും
ക്വാൽകോം സ്‌നാപ്ഡ്രാഗൺ 665 ഒക്ടാ-കോർ പ്രോസസറിലാണ് ലാപ്പ്ടോപ്പ് പ്രവര്‍ത്തിക്കുന്നത്
റിലയൻസ് ജിയോ (Reliance Jio) ആദ്യത്തെ ലാപ്ടോപ്പ് രാജ്യത്ത് അവതരിപ്പിച്ചു. ജിയോബുക്ക് (Jiobook) എന്ന പേരില്‍ പുറത്തിറക്കിയ ഈ ലാപ്പ്ടോപ്പ് രംഗത്തെത്തിയതോടെ ജിയോ (Jio) ലാപ്ടോപ്പ് ലോകത്തേയ്ക്കും നിശബ്ദമായി പ്രവേശിച്ചിരിക്കുകയാണ്. സർക്കാർ ഇ-മാർക്കറ്റ് പ്ലസ് പോർട്ടലിൽ ഈ ലാപ്ടോപ്പ് നിലവിൽ ലിസ്റ്റ് ചെയ്തിട്ടുണ്ട്. ജിയോ ക്വാൽകോം സ്‌നാപ്ഡ്രാഗൺ 665 11.6 ഇഞ്ച് നെറ്റ്‌ബുക്ക് എന്നാണ് ലാപ്ടോപ്പിന്റെ പേര്. ലാപ്ടോപ്പിന്റെ വില 19,500 രൂപയാണ്.
ജിയോബുക്ക് ലാപ്പ്‌ടോപ്പിന്റെ വിൽപ്പനയും ലഭ്യതയും
ഇത് ഇതിനകം വിൽപ്പനയിലാണെങ്കിലും, എല്ലാവർക്കും ഇത് വാങ്ങാൻ കഴിയില്ല. ജിഇഎം പോർട്ടൽ വഴി സർക്കാർ വകുപ്പുകൾക്ക് മാത്രമേ ഷോപ്പിംഗ് നടത്താൻ കഴിയൂ. ദീപാവലിക്ക് പൊതുജനങ്ങൾക്ക് ലാപ്ടോപ്പ് ലഭ്യമാക്കുമെന്നാണ് പ്രതീക്ഷിക്കുന്നത്. ഇന്ത്യ മൊബൈൽ കോൺഗ്രസിന്റെ (IMC) 2022 ആറാം പതിപ്പിൽ ജിയോബുക്ക് (Jiobook) ഇതിനകം തന്നെ പ്രദർശിപ്പിച്ചിട്ടുണ്ട്.
ജിയോബുക്ക് ലാപ്പ്‌ടോപ്പിന്റെ ഫീച്ചേഴ്‌സ്
ലാപ്പ്ടോപ്പ് ക്വാൽകോം സ്‌നാപ്ഡ്രാഗൺ 665 ഒക്ടാ-കോർ പ്രോസസറിലാണ് പ്രവര്‍ത്തിക്കുന്നത്. കമ്പനിയുടെ സ്വന്തം ജിയോ ഒഎസ് ഓപ്പറേറ്റിംഗ് സിസ്റ്റത്തിലാണ് ലാപ്പ്ടോപ്പ് പ്രവർത്തിക്കുന്നത്. ജിയോ ലാപ്പ്ടോപ്പ് 2GB LPDDR4X റാമിലാണ് എത്തുന്നത് എന്നാണ് സ്പെസിഫിക്കേഷൻ ഷീറ്റ് വെളിപ്പെടുത്തുന്നത്. ഈ ലാപ്പില്‍ റാം വിപുലീകരണം നടത്താന്‍ സാധിക്കില്ല. റാം 32 ജിബി ഇഎംഎംസി സ്റ്റോറേജുമായി പെയര്‍ ചെയ്തിട്ടുണ്ട്.
ഡിസ്‌പ്ലേയിലേക്ക് വരുമ്പോൾ ജിയോ ലാപ്പ്‌ടോപ്പ്ന് 11.6 ഇഞ്ച് HD LED ബാക്ക്‌ലിറ്റ് ആന്റി-ഗ്ലെയർ ഡിസ്‌പ്ലേയാണ് ഉള്ളത്. സ്‌ക്രീൻ നോൺ-ടച്ച് ആണ് കൂടാതെ 1366×768 പിക്‌സൽ റെസല്യൂഷനാണ് സ്ക്രീന് ഉള്ളത്. ഉപകരണത്തിലെ പോർട്ടുകളിൽ USB 2.0 പോർട്ട്, ഒരു USB 3.0 പോർട്ട്, HDMI പോർട്ട് എന്നിവയുണ്ട്. യുഎസ്ബി ടൈപ്പ്-സി പോർട്ടുകളൊന്നും ഇതിൽ ലഭ്യമല്ല. എന്നിരുന്നാലും, ഒരു മൈക്രോ എസ്ഡി കാർഡ് സ്ലോട്ട് ലഭ്യമാണ്.
ലാപ്‌ടോപ്പിലെ വയർലെസ് കണക്റ്റിവിറ്റിയെ Wi-Fi 802.11ac പിന്തുണയ്ക്കുന്നു. ബ്ലൂടൂത്ത് കണക്റ്റിവിറ്റി ഫീച്ചറുകളുള്ള ഈ ഉപകരണത്തിൽ ബ്ലൂടൂത്ത് പതിപ്പ് 5.2 വരുന്നു. 4ജി മൊബൈൽ ബ്രോഡ്ബാൻഡ് കണക്റ്റിവിറ്റിയും ഇത് പിന്തുണയ്ക്കുന്നു. ഡ്യുവൽ ഇന്റേണൽ സ്പീക്കറുകളും ഇരട്ട മൈക്രോഫോണുകളുമായാണ് ജിയോ ലാപ്പ്ടോപ്പ് വരുന്നത്. ഒരു സ്റ്റാൻഡേർഡ് സൈസ് കീബോർഡും മൾട്ടി-ജെസ്റ്റർ പിന്തുണയുള്ള ടച്ച്പാഡും ഉണ്ട്. ബാറ്ററിയുടെ കാര്യത്തിൽ ജിയോ ലാപ്‌ടോപ്പിന് 55.1-60 Ah ബാറ്ററി ശേഷിയുണ്ട്, 8 മണിക്കൂർ വരെ ബാക്കപ്പ് ഉണ്ട്. 1.2 കിലോഗ്രാം മാണ് ഡിവൈസിനുള്ളത്.
Follow Us
