സ്മാർട്ട്ഫോണുകൾക്ക് ഇൻഷുറൻസുമായി വൊഡാഫോൺ

തങ്ങളുടെ വരിക്കാരുടെ സ്മാർട്ട്ഫോണുകൾക്ക് ഇൻഷുറൻസ് പരിരക്ഷയുമായി വൊഡാഫോൺ രംഗത്തെത്തി. 'വൊഡാഫോൺ റെഡ് ഷീൽഡ്' എന്ന മൊബൈൽ സെക്യൂരിറ്റി സർവീസാണ് വോഡഫോൺ പ്രഖ്യാപിച്ചിരിക്കുന്നത്. 50,000 ത്തോളം രൂപ വിലയുള്ളതോ, പുതിയതോ അല്ലെങ്കിൽ  6 മാസം വരെ പഴക്കമുള്ളതോ ആയ ഹാൻഡ് സെറ്റുകളാണ് വോഡഫോൺ ഈ ഇൻഷുറൻസ് സ്‌കീമിൽ ഉൾപ്പെടുത്തുന്നത്.

നിലവിൽ വോഡഫോൺ റെഡ് പോസ്റ്റ്പെയ്ഡ് ഉപയോഗിക്കുന്നവർക്കാണ് ഈ  ഓഫർ പ്രകാരം അവരുടെ സ്മാർട്ട്ഫോണുകൾക്ക് ഇൻഷുറൻസ് പരിരക്ഷ നൽകാനാവുക. ഷോട്ട്ഫോർമാറ്റ്സ് ഡിജിറ്റൽ പ്രൊഡക്ഷൻസ് പ്രൈവറ്റ് പ്രൈവറ്റ് ലിമിറ്റഡുമായി ചേർന്നാണ് ഈ ഇൻഷുറൻസ് വോഡഫോൺ റെഡ് ഷീൽഡ് എന്ന പേരിൽ ഉപഭോക്താക്കൾക്ക് നൽകുന്നത്. 

ന്യൂ ഇൻഷുറൻസ് കമ്പനി ലിമിറ്റഡ് ആണ് ഈ ഇൻഷ്വറൻസ് കവറേജ് ലഭ്യമാക്കുന്നത്. ഇതിന്റെ അടിസ്ഥാന ആന്റി തെഫ്‌റ്റ് ഇന്ഷുറൻസ് സ്കീമിന് പുറമേ  വൊഡഫോൺ റെഡ് ഷീൽഡ് മാൽവെയർ പരിരക്ഷയും മറ്റ് സുരക്ഷാ സവിശേഷതകളും ഈ സ്‌കീം നൽകുന്നുണ്ട്. വോഡഫോൺ റെഡ് ഷീൽഡ് ആപ്ലിക്കേഷൻ ഗൂഗിൾ പ്ലേ സ്റ്റോറിലും ഐട്യൂൺസ് സ്റ്റോറിലും ലഭ്യമാണ്. പോസ്റ്റ്പെയ്ഡ് ബില്ലിനൊപ്പം മാസം 60 രൂപ അധികം അടച്ച്  ഈ ഇൻഷുറൻസ് സ്വന്തമാക്കാൻ കഴിയും.