ഷാരൂഖ് ഖാൻ പണമടച്ചില്ല, എന്നാലും മസ്ക് കനിഞ്ഞു!

അടുത്തിടെ ട്വിറ്റർ (Twitter) ബ്ലൂ ടിക്ക് (blue tick) സബ്‌സ്‌ക്രൈബ് ചെയ്യാത്ത അക്കൗണ്ടുകളിൽ നിന്ന് ബ്ലൂ ടിക്ക് നീക്കം ചെയ്തിരുന്നു. കൂടാതെ ബ്ലൂ ടിക്ക്  (blue tick) ഉപയോക്താക്കൾക്ക് ബ്ലൂ ടിക്ക് (blue tick) നിലനിർത്താൻ പൈസ അടച്ചു സബ്സ്ക്രൈബ് ചെയ്യണമെന്ന് ഒരു വാർത്ത വന്നിരുന്നു. തന്റെ വാക്ക് പാലിച്ചു കൊണ്ട് ഏപ്രിൽ 20 ന് മസ്‌ക്, പ്രതിമാസം $8 ഫീസ് അടയ്ക്കാൻ വിസമ്മതിച്ച എല്ലാവരിൽ നിന്നും ഒടുവിൽ നീല ടിക്കു blue tick)കൾ നീക്കം ചെയ്തു. 

പണമടച്ച് വരിക്കാരല്ലെന്ന് തോന്നുന്ന എല്ലാവരുടെയും നീല ടിക്കുകൾ(blue tick)നീക്കം ചെയ്തതിന് ശേഷം, 1 ദശലക്ഷത്തിലധികം ഫോളോവേഴ്‌സ് ഉള്ള അക്കൗണ്ടുകളിലേക്ക് മസ്ക് 'വിലയേറിയ' ടിക്ക് മാർക്ക് തിരികെ നൽകാൻ തുടങ്ങി. തൽഫലമായി, ട്വിറ്ററിൽ നേരത്തെ ബ്ലൂ ടിക്ക് (blue tick) നഷ്ടപ്പെട്ട നിരവധി സെലിബ്രിറ്റികൾക്ക് പണം അടയ്ക്കാതെ തന്നെ മസ്ക് blue tickകൾ തിരികെ നൽകിയിരിക്കുകയാണ്. ഒരു പൈസ പോലും നൽകാതെ ബ്ലൂ ടിക്ക് (blue tick) തിരികെ ലഭിച്ച സെലിബ്രിറ്റികളിൽ ബോളിവുഡ് നടൻ ഷാരൂഖ് ഖാനും ഉൾപ്പെടുന്നു.

ആലിയ ഭട്ട്, വിരാട് കോഹ്‌ലി, സൽമാൻ ഖാൻ, പ്രിയങ്ക ചോപ്ര, ദീപിക പദുക്കോൺ, ഹൃത്വിക് റോഷൻ എന്നിവർക്കും സബ്സ്ക്രൈബ് ചെയ്യാത്തതിന്റെ പേരിൽ ബ്ലൂ ടിക്ക് നഷ്ടപ്പെട്ടിരുന്നു. എന്നിരുന്നാലും, ഇപ്പോൾ ഈ സെലിബ്രിറ്റികളെല്ലാം ട്വിറ്ററിൽ വെരിഫൈ ചെയ്തിട്ടുണ്ട്. ട്വിറ്റർ ബ്ലൂ സബ്‌സ്‌ക്രൈബ് ചെയ്യുകയും അവരുടെ ബ്ലൂ ടിക്കിനായി പണം നൽകുകയും ചെയ്ത ചില സെലിബ്രിറ്റികൾക്ക് എന്നാൽ ഇത് സന്തോഷ വാർത്തയായിരിക്കില്ല. ഫീസ് അടച്ചിട്ടും ബ്ലൂ ടിക്ക് അപ്രത്യക്ഷമായപ്പോൾ താൻ ട്വിറ്റർ ബ്ലൂ സബ്‌സ്‌ക്രൈബ് ചെയ്തതായി അമിതാഭ് ബച്ചൻ വെളിപ്പെടുത്തിയിരുന്നു.

ലക്ഷക്കണക്കിന് ഫോളോവേഴ്‌സ് ഉണ്ടായിട്ടും ട്വിറ്ററിന്റെ ബ്ലൂ ടിക്കിന്റെ പ്രതിമാസ ഫീസ് നൽകാൻ ബിഗ് ബിയെപ്പോലുള്ള സെലിബ്രിറ്റികൾ സമ്മതിച്ചപ്പോൾ, തുക ഫീസ് നൽകാത്ത മറ്റ് സെലിബ്രിറ്റികൾക്കും അവരുടെ ബ്ലൂ ടിക്ക് (blue tick) ട്വിറ്റർ തിരികെ കൊടുത്തു. ട്വിറ്റർ ബ്ലൂ സബ്‌സ്‌ക്രൈബ് ചെയ്‌ത സെലിബ്രിറ്റികൾക്ക് ഇത് അന്യായമാണെന്ന് തോന്നുന്നു. 

മൊബൈൽ ഉപയോക്താക്കൾക്ക് ട്വിറ്റർ ബ്ലൂ സബ്‌സ്‌ക്രിപ്‌ഷന് പ്രതിമാസം 900 രൂപയാണ് നൽകേണ്ടത്. വെബിൽ അംഗത്വത്തിന് പ്രതിമാസം 650 രൂപയോ പ്രതിവർഷം 6,800 രൂപയോ ആണ്. സെലിബ്രിറ്റികളുടെ ബ്ലൂ ടിക്ക് തിരികെ നൽകി എലോൺ മസ്ക് പത്രപ്രവർത്തകനും എഴുത്തുകാരനുമായ കാര സ്വിഷർ, മുൻ ജമ്മു കശ്മീർ മുഖ്യമന്ത്രി ഒമർ അബ്ദുള്ള, സ്റ്റീഫൻ കിംഗ് എന്നിവരാണ് ബ്ലൂ ടിക്ക് തിരികെ ലഭിക്കുകയും അതിന് പണം നൽകിയിട്ടില്ലെന്ന് സ്ഥിരീകരിക്കുകയും ചെയ്ത ചില സെലിബ്രിറ്റികൾ.

കൂടാതെ, അന്തരിച്ച സെലിബ്രിറ്റികളുടെ അക്കൗണ്ടുകളും അവരുടെ ബ്ലൂ ടിക്ക് തിരികെ വന്നതിനാൽ അവർ ട്വിറ്റർ ബ്ലൂ സബ്‌സ്‌ക്രൈബ് ചെയ്തതായി കാണിക്കുന്നു. ഈ അക്കൗണ്ടുകളിൽ ചിലത് അന്തരിച്ച നടൻ സുശാന്ത് സിംഗ് രാജ്പുത്, ചാഡ്‌വിക്ക് ബോസ്‌മാൻ, മൈക്കൽ ജാക്‌സൺ, കിർസ്റ്റി അല്ലെ, ജോൺ മക്കാഫി, നോം മക്‌ഡൊണാൾഡ്, കോബി ബ്രയാന്റ് എന്നിവരുടേതാണ്. ട്വിറ്ററിന്റെ നീല ടിക്ക് ഒരു കാലത്ത് ആധികാരികതയുടെ അടയാളമായിരുന്നു, കാരണം ശ്രദ്ധേയരായ വ്യക്തികൾക്ക് മാത്രമേ തികച്ചും സൗജന്യമായി അപേക്ഷിച്ചാൽ നീല ടിക്ക് ലഭിക്കൂ. ഇപ്പോൾ പണമുള്ള ആർക്കും മുന്നോട്ട് പോയി ബ്ലൂ ടിക്ക് വാങ്ങാം.