RailTel-ന്റെ RailWire Wi-Fi ഇന്ത്യയിലുടനീളമുള്ള റെയിൽവേ സ്റ്റേഷനുകളിൽ സൗജന്യ ഇന്റർനെറ്റ് ആക്സസ് നൽകി പുത്തൻ ഡിജിറ്റൽ വിപ്ലവത്തിന് തുടക്കം കൊണ്ടുവന്നു. റെയിൽടെൽ ഒരു കാറ്റഗറി-I കേന്ദ്ര പൊതുമേഖലാ സ്ഥാപനമാണ്. ഒരു ഐസിടി പ്രൊവൈഡറാണ് കമ്പനി. കൂടാതെ റെയിൽവേ ട്രാക്കിൽ എക്‌സ്‌ക്ലൂസീവ് റൈറ്റ് ഓഫ് വേയിൽ (ROW) എന്ന പാൻ-ഇന്ത്യ ഒപ്‌റ്റിക് ഫൈബർ നെറ്റ്‌വർക്ക് സ്വന്തമായുള്ള രാജ്യത്തെ ഏറ്റവും വലിയ്ന്യൂട്രൽ ടെലികോം ഇൻഫ്രാസ്ട്രക്ചർ ഗ്രൂപ്പുകളിൽ ഒന്നാണ് ഇവരുടേത്. നിലവിൽ ഇന്ത്യയിലുടനീളം റെയിൽവെയറിന് 4.82 ലക്ഷം വരിക്കാരുണ്ട്. അർദ്ധ നഗര/ഗ്രാമീണ മേഖലകളിൽ 50% വരിക്കാരുണ്ട് RailWire-ന്.
കണക്റ്റിവിറ്റി വളരെ കുറഞ്ഞ തോതിൽ ലഭിക്കുന്ന പ്രദേശങ്ങളിൽപ്പോലും ഈ സൗജന്യ ഇന്റർനെറ്റ് സംവിധാനം യാത്രക്കാർക്കും വിദ്യാർത്ഥികൾക്കും ആശയവിനിമയം നടത്താനും വിവരങ്ങളുമായി അപ്‌ഡേറ്റ് ചെയ്യാനും സഹായകമായി. 2015 ലെ റെയിൽ ബജറ്റിൽ വിഭാവനം ചെയ്ത ഈ പദ്ധതി ലോകത്തിലെ ഏറ്റവും വലുതും വേഗതയേറിയതുമായ പൊതു വൈ-ഫൈ നെറ്റ്‌വർക്കുകളിൽ ഒന്നിന് ജന്മം നൽകി. 6100 റെയിൽവേ സ്റ്റേഷനുകളിൽ 5000-ലധികം ഗ്രാമപ്രദേശങ്ങളിലാണ്, കശ്മീർ താഴ്‌വരയിലെ 15 സ്റ്റേഷനുകളും വടക്കുകിഴക്കൻ മേഖലയിലെ നിരവധി സ്റ്റേഷനുകളും ഉൾപ്പെടെ രാജ്യത്തുടനീളമുള്ള പല വിദൂര സ്റ്റേഷനുകളിലും വൈ-ഫൈ സൗകര്യം ലഭ്യമാക്കുന്നു.
RailTel-ന്റെ RailWire Wi-Fi ഇന്ത്യയിലെ റെയിൽവേ സ്റ്റേഷനുകളിൽ അത്യാധുനിക സൗജന്യ വൈഫൈ നൽകുന്നു. 6100-ലധികം റെയിൽവേ സ്റ്റേഷനുകൾ ഇതിനകം കണക്‌റ്റ് ചെയ്‌തിരിക്കുന്നതിനാൽ, ലോകത്തിലെ ഏറ്റവും വലുതും വേഗതയേറിയതുമായ പൊതു വൈ-ഫൈ നെറ്റ്‌വർക്കുകളിൽ ഒന്നാണ് റെയിൽവയർ, ഹാൾട്ട് സ്റ്റേഷനുകൾ ഒഴികെ എല്ലാ സ്റ്റേഷനുകളിലും വൈ-ഫൈ ആക്സസ് നൽകാനാണ് കമ്പനി ലക്ഷ്യമിടുന്നത്.
1 Mbps വേഗതയിൽ എല്ലാ ദിവസവും ആദ്യത്തെ 30 മിനിറ്റ് ഉപയോഗത്തിന് Wi-Fi നെറ്റ്‌വർക്ക് സൗജന്യമാണ്,നാമമാത്രമായ ഫീസ് നൽകി ഉപയോക്താക്കൾക്ക് വിവിധ പ്ലാനുകൾ തിരഞ്ഞെടുക്കാം. ഈ പ്ലാനുകൾ Rs. 10/ദിവസം (5 GB @ 34 Mbps) മുതൽ Rs. 75/30 ദിവസത്തേക്ക് (60 GB @ 34 Mbps) GST ഒഴികെ, കൂടാതെ നെറ്റ് ബാങ്കിംഗ്, വാലറ്റ്, ക്രെഡിറ്റ് കാർഡ് എന്നിവയുൾപ്പെടെ വിവിധ പേയ്‌മെന്റ് ഓപ്ഷനുകളിലൂടെ വാങ്ങാം. RailWire Wi-Fi നെറ്റ്‌വർക്ക് യാത്രക്കാർക്കും വിദ്യാർത്ഥികൾക്കും ഒരു അനുഗ്രഹമാണ്.
മത്സര പരീക്ഷകൾക്ക് തയ്യാറെടുക്കാനും യാത്രയിലായിരിക്കുമ്പോൾ വിവരങ്ങളുമായി അപ്‌ഡേറ്റ് ചെയ്യാനും നെറ്റ്‌വർക്ക് അവരെ സഹായിക്കുന്നു. യാത്രക്കാർക്ക് ഹൈ-ഡെഫനിഷൻ വീഡിയോകൾ സ്ട്രീം ചെയ്യാനും സിനിമകൾ, പാട്ടുകൾ, ഗെയിമുകൾ എന്നിവ ഡൗൺലോഡ് ചെയ്യാനും സ്റ്റേഷൻ പരിസരത്ത് അവരുടെ ഓഫീസ് ജോലികൾ ഓൺലൈനായി ചെയ്യാനും വൈഫൈ സൗകര്യം ഉപയോഗിക്കാം.