ജൂൺ 1 മുതൽ ഇലക്ട്രിക് വാഹനങ്ങളുടെ വിലയിൽ വർധനവുണ്ടാകും
ഇലക്ട്രിക് ഇരുചക്രവാഹനങ്ങൾക്കുള്ള ഇൻസെന്റീവ് കുറയ്‌ക്കുന്നതിനാലാണിത്
ഇൻസെന്റീവ് പരിധി 40 ശതമാനത്തിന് പകരം 15 ശതമാനമായിരിക്കും
ഇന്ത്യയിൽ ഇലക്ട്രിക് ഇരുചക്രവാഹനങ്ങളുടെ (E2W) ഉപയോഗത്തിൽ വർധനയുണ്ടായിട്ടുണ്ട്. എന്നിരുന്നാലും, ജൂൺ 1 മുതൽ ഇലക്ട്രിക് വാഹനങ്ങളുടെ വിലയിൽ വർധനവുണ്ടാകും. ഇലക്ട്രിക് ഇരുചക്രവാഹനങ്ങൾക്കുള്ള ഇൻസെന്റീവ് പരിധി ഇന്ത്യാ ഗവൺമെന്റ് കുറയ്‌ക്കുന്നതിനാലാണിത്. ഇന്ത്യയിലെ ഇലക്ട്രിക് വാഹനങ്ങളുടെ ഫാസ്റ്റർ അഡോപ്ഷൻ ആൻഡ് മാനുഫാക്ചറിംഗ് ഇൻ ഇന്ത്യ ഫേസ് II (ഫെയിം 2) പദ്ധതിക്ക് കീഴിലാണ് ഇൻസെന്റീവ് വാഗ്ദാനം ചെയ്യുന്നത്.
ഇൻസെന്റീവ് പരിധി 40 ശതമാനത്തിന് പകരം 15 ശതമാനമായിരിക്കും
മന്ത്രാലയം പുറത്തിറക്കിയ വിജ്ഞാപനമനുസരിച്ച് ഇരുചക്രവാഹനങ്ങൾക്കുള്ള ഇൻസെന്റീവ് പരിധി 40 ശതമാനത്തിന് പകരം 15 ശതമാനമായിരിക്കും. അതുപോലെ, ഡിമാൻഡ് ഇൻസെന്റീവ് ഒരു kWh-ന് 15,000 രൂപയിൽ നിന്ന് 10,000 രൂപയായി കുറയ്ക്കും. FAME ഇന്ത്യ സംരംഭം 2019 ഏപ്രിൽ 1-ന് 3 വർഷത്തേക്ക് ആരംഭിച്ചു. പിന്നീട് ഇത് അടുത്ത 2 വർഷത്തേക്ക് 2024 മാർച്ച് 31 വരെ നീട്ടി. FAME രണ്ടാം ഘട്ടത്തിന്റെ മൊത്തത്തിലുള്ള ചിലവ് 10,000 കോടി രൂപയാണ്.
കുറഞ്ഞ പ്രാദേശികവൽക്കരണ ആവശ്യകതകൾ ലംഘിച്ച് E2W നിർമ്മാതാക്കൾ FAME-II സബ്‌സിഡികൾ ക്ലെയിം ചെയ്യുന്നതായി കണ്ടെത്തിയതിനെ തുടർന്നാണ് സർക്കാർ ഈ തീരുമാനമെടുത്തതെന്ന് കരുതുന്നു. ചാർജറുകളും പ്രൊപ്രൈറ്റി സോഫ്‌റ്റ്‌വെയറുകളും ഉൾപ്പെടുത്താതെ വാഹനങ്ങളുടെ വില കുറച്ചുകൊണ്ടുവന്നതിന് ഒല ഇലക്ട്രിക്, ആതർ എനർജി, ടിവിഎസ് മോട്ടോർ, ഹീറോ മോട്ടോകോർപ്പ് തുടങ്ങിയ കമ്പനികൾക്കെതിരെ ആരോപണങ്ങൾ ഉയർന്നു.
Follow Us
