ആധാർകാർഡി (Aadhaar)ലെ വിവരങ്ങൾ അപ്ഡേറ്റ് ചെയ്യാൻ അവസരം. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) അടുത്ത മൂന്ന് മാസത്തിനുള്ളിൽ മൈ ആധാർ (Aadhaar) പോർട്ടലിൽ വിവരങ്ങൾ സൗജന്യമായി അപ്ഡേറ്റ് ചെയ്യാൻ അനുവദിച്ചിട്ടുണ്ട്. അക്ഷയ കേന്ദ്രങ്ങളിലൂടെ രേഖകൾ അപ്ഡേറ്റ് ചെയ്യുന്നതിന് 50 രൂപ ഈടാക്കും 18 വയസ്സിനു മുകളിലുള്ളവർ എത്രയും പെട്ടെന്ന് ആധാർ ( Aadhaar)പുതുക്കാൻ നിർദ്ദേശം. എറണാകുളം ജില്ലാ കലക്ടർ ഉമേഷിന്റെ നേതൃത്വത്തിൽ നടന്ന ആധാർ ഡോക്യുമെന്റ് അപ്ഡേഷനുമായി ബന്ധപ്പെട്ട യോഗത്തിലാണ് തീരുമാനം.
ആഗസ്റ്റ് മാസത്തോടെ 18 വയസ്സിനു മുകളിലുള്ളവരുടെ ആധാർ (Aadhaar) പുതുക്കൽ പൂർത്തിയാക്കാൻ ലക്ഷ്യമിട്ട് നടപടികൾ പുരോഗമിക്കുകയാണ്. അക്ഷയ കേന്ദ്രത്തിന്റെ നേതൃത്വത്തിൽ പെരുമ്പാവൂരിൽ അതിഥി തൊഴിലാളികൾക്കായി തൊഴിലിടങ്ങളിൽ ആധാർ (Aadhaar) പുതുക്കൽ സേവനം ആരംഭിച്ചിട്ടുണ്ട്. ഇലക്ഷൻ ഐഡി കാർഡ്, റേഷൻ കാർഡ്, ഡ്രൈവിംഗ് ലൈസൻസ്, പാൻ കാർഡ്, സർവീസ്/ പെൻഷൻ ഫോട്ടോ ഐഡി കാർഡ്, പാസ്സ്പോർട്ട്‌, ഭിന്നശേഷി ഐഡി കാർഡ്, ട്രാൻസ്‍ജെൻഡർ ഐഡി കാർഡ്, തുടങ്ങിയവയിൽ ഏതെങ്കിലും പേര് തെളിയിക്കുന്ന രേഖയുമായി ആധാർ (Aadhaar) കേന്ദ്രത്തിലെത്തുക.
പാസ്സ്പോർട്ട്‌, ഇലക്ഷൻ ഐഡി കാർഡ്, റേഷൻ കാർഡ്, കിസാൻ ഫോട്ടോ പാസ്സ്ബുക്ക്, സർവീസ്/ പെൻഷൻ ഫോട്ടോ ഐഡി കാർഡ്, ഭിന്നശേഷി ഐഡി കാർഡ്, വിവാഹ സർട്ടിഫിക്കറ്റ്, ബാങ്ക് പാസ്സ്ബുക്ക്, ട്രാൻസ്‍ജെൻഡർ ഐഡി കാർഡ്, ഇലക്ട്രിസിറ്റി/വാട്ടർ/ഗ്യാസ് കണക്ഷൻ/ ടെലിഫോൺ, കെട്ടിട നികുതി ബില്ലുകൾ, തുടങ്ങിയ വിലാസം തെളിയിക്കുന്ന രേഖയും സഹിതം ആധാർ (Aadhaar) സേവന കേന്ദ്രത്തിലെത്തി ആധാർ പുതുക്കാവുന്നതാണ്.
ആധാർ കാർഡ് അപ്ഡേറ്റ് തടസ്സമില്ലാത്തതും എളുപ്പമുള്ളതുമായ ഒരു പ്രക്രിയയാണ്, 18 വയസ്സിന് മുകളിലുള്ളവർക്ക് അത് ഓൺലൈനിലും ഓഫ്‌ലൈനിലും ചെയ്യാം. ആധാർ കാർഡ് അപ്ഡേറ്റുമായി ബന്ധപ്പെട്ട സേവനങ്ങൾക്കായി ഡിസൈൻ ചെയ്ത മൊബൈൽ ആപ്ലിക്കേഷൻ വഴിയും ആധാർ കാർഡ് അപ്ഡേറ്റ് ചെയ്യാവുന്നതാണ്.