വൺപ്ലസിന്റെ പുറത്തിറങ്ങുന്ന ഓരോ സ്മാർട്ട്ഫോണും മികച്ചതാണ്. നിരവധി സ്മാർട്ട്ഫോണുകൾ വൺപ്ലസിന്റേതായി പുറത്തിറങ്ങുന്നുണ്ട്. അതിൽ 20,000 രൂപയിൽ താഴെ വില വരുന്ന സ്മാർട്ട്ഫോണുകൾ ഒന്ന് പരിശോധിക്കാം
വൺപ്ലസ് നോർഡ് സിഇ 3 ലൈറ്റ് 5ജിയുടെ 8 ജിബി റാമും 128 ജിബി സ്റ്റോറേജുമുള്ള ബേസ് വേരിയന്റിന് ഇന്ത്യയിൽ 19,999 രൂപയാണ് വില. വൺപ്ലസ് നോർഡ് സിഇ 3 ലൈറ്റ് 5ജി സ്മാർട്ട്ഫോണിൽ 20:9 ആസ്പാക്ട് റേഷിയോ, 91.4 ശതമാനം സ്‌ക്രീൻ-ടു-ബോഡി റേഷിയോ, 391 പിപിഐ പിക്‌സൽ ഡെൻസിറ്റി, 120Hz ഡൈനാമിക് റിഫ്രഷ് റേറ്റ് എന്നിവയുള്ള 6.72-ഇഞ്ച് ഫുൾ-എച്ച്‌ഡി+ (1,080×2,400 പിക്‌സൽ) എൽസിഡി ഡിസ്‌പ്ലേയാണുള്ളത്.
ഒക്ട-കോർ സ്‌നാപ്ഡ്രാഗൺ 695 എസ്ഒസിയുടെ കരുത്തിലാണ് ഈ സ്മാർട്ട്ഫോൺ പ്രവർത്തിക്കുന്നത്. ഫോണിലെ റാം 8 ജിബി വരെ എക്സ്പാൻഡ് ചെയ്യാനും ഫോണിൽ ഓപ്ഷനുണ്ട്. മൂന്ന് പിൻ ക്യാമറകളുമായിട്ടാണ് വൺപ്ലസ് നോർഡ് സിഇ 3 ലൈറ്റ് 5ജി സ്മാർട്ട്ഫോൺ വരുന്നത്.
വൺപ്ലസിന്റെ ഏറ്റവും ജനപ്രിയമായ സ്മാർട്ട്ഫോൺ സീരീസാണ് നോർഡ്. നോർഡ് സീരീസിലെ കമ്പനിയുടെ ഏറ്റവും പുതിയ ഡിവൈസാണ് വൺപ്ലസ് നോർഡ് സിഇ 2 ലൈറ്റ് 5ജി സ്മാർട്ട്ഫോൺ. വൺപ്ലസിന്റെ ഏറ്റവും വില കുറഞ്ഞ സ്മാർട്ട്ഫോൺ കൂടിയാണിത്. 8 ജിബി വരെ റാമും 128 ജിബി ഇന്റേണൽ സ്റ്റോറേജും ഫോണിലുണ്ട്. ക്വാൽകോം സ്‌നാപ്ഡ്രാഗൺ 695 എസ്ഒസിയാണ് വൺപ്ലസ് നോർഡ് സിഇ 2 ലൈറ്റ് 5ജി സ്മാർട്ട്‌ഫോണിന് കരുത്ത് പകരുന്നത്. OnePlus പുറത്തിറക്കിയ ഈ 5G ഫോണിന് 18,990 രൂപയാണ് വില വരുന്നത്. പോർട്രെയ്റ്റ് ഷോട്ടുകൾക്കും വീഡിയോകൾക്കും ഈ ഫോൺ മികച്ച ഓപ്ഷനാണ്. ഫോണിന്റെ മറ്റ് ഫീച്ചറുകൾ പരിശോധിച്ചാൽ 5000mAh ബാറ്ററിയും, Android 12 ഓപ്പറേറ്റിങ് സിസ്റ്റവും ഇതിൽ വരുന്നു.
വൺപ്ലസ് നോർഡ് സിഇ 2 5ജി സ്മാർട്ട്ഫോണിൽ മീഡിയാടെക്ക് ഡൈമൻസിറ്റി 900 എസ്ഒസി, 65 വാട്ട് സൂപ്പർവൂക്ക് ഫാസ്റ്റ് ചാർജിങ് സപ്പോർട്ട്, 64 എംപി മെയിൻ ക്യാമറ തുടങ്ങിയ ഫീച്ചറുകളാണ് വൺപ്ലസ് നോർഡ് സിഇ 2 5ജി സ്മാർട്ട്ഫോണിനെ ആകർഷകം ആക്കുന്നത്.