ഹുവാവെ വൈ 7 വിപണിയിലെത്തി

താരതമ്യേന  വില കുറഞ്ഞ 'വൈ' ശ്രേണിയിലെ പുതിയ ഫോൺ വൈ 3  ഹുവാവെ ചൈനയിൽ അവതരിപ്പിച്ചതിന് പിന്നാലെ ഈ പരമ്പരയിലെ മറ്റൊരു ഫോണും  ഹുവാവെ വിപണിയിലെത്തിച്ചു. ഹുവാവെ വൈ 7 -നും ചൈനയിലാണ് പുറത്തിറങ്ങിയത്; താമസിയാതെ മറ്റു രാജ്യങ്ങളിലെത്തുമെന്നു പ്രതീക്ഷിക്കുന്ന ഫോണിന്റെ വില സംബന്ധിച്ച വിവരങ്ങൾ ലഭ്യമായിട്ടില്ല. 

1280 x 720 പിക്സൽ റെസല്യൂഷനുള്ള 5.5 ഇഞ്ച് ഐ.പി.എസ് ഡിസ്പ്ലെയാണ് ഇതിന്റേത്. ഒക്ടാ  കോർ സ്നാപ്ഡ്രാഗൺ 435 പ്രൊസസർ കരുത്ത് പകരുന്ന ഫോണിന്  2 ജിബി റാം, 16 ജിബി ഇന്റേണൽ സ്റ്റോറേജ് എന്നീ സവിശേഷതകളാണുള്ളത്. 

ഹുവാവേ വൈ 7 സ്മാർട്ട് ഫോണിന്  എൽഇഡി ഫ്ളാഷ്, പിഡിഎ എഫ്  പ്രത്യേകതകളുള്ള 12 മെഗാപിക്സൽ  ഓട്ടോഫോക്കസ് ക്യാമറയുമുണ്ട്. 8 എം.പി മുൻ ക്യാമറയുള്ള ഈ ഫോണിന്റെ ബാറ്ററി  4000 എം.എ.എച്ച് ശേഷിയുള്ളതാണ്. ആൻഡ്രോയിഡ് നൗഗട്ട് പതിപ്പിൽ പ്രവർത്തിക്കുന്ന  ഈ ഫോൺ  4 ജി എൽടിഇ കണക്റ്റിവിറ്റിയുള്ള  ഇരട്ട സിം സപ്പോർട്ടോടു കൂടിയതാണ്.