Blocked: Cyber Crime പ്രതിരോധത്തിന്റെ ഭാഗമായി 6 ലക്ഷം മൊബൈൽ ഫോണുകൾ ഡീആക്ടീവേറ്റ് ചെയ്തു. കേന്ദ്ര ആഭ്യന്തരമന്ത്രാലയത്തിന്റേതാണ് നടപടി. മൊബൈൽ ഫോണുകൾക്ക് എതിരെയും URL, ആപ്ലിക്കേഷനുകൾക്ക് എതിരെയും കേന്ദ്രനടപടി എടുത്തു. MHA-യുടെ സൈബർ വിഭാഗമായ I4C ആണ് സൈബർ കുറ്റകൃത്യങ്ങൾക്ക് എതിരെ ശക്തമായ നടപടിയെടുത്തത്.
സൈബർ തട്ടിപ്പുകൾ തടയുന്നതിന്റെ ഭാഗമായി 6 ലക്ഷം മൊബൈൽ ഫോണുകൾ നിർജ്ജീവമാക്കി. 65,000 യുആർഎല്ലുകളും സൈബർ വിംഗ് ബ്ലോക്ക് ചെയ്തു. ഇതുപോലെ 800 ഓളം ആപ്ലിക്കേഷനുകളും ബ്ലോക്ക് ചെയ്തതായി വൃത്തങ്ങൾ അറിയിച്ചു. സൈബർ തട്ടിപ്പിൽ ഉൾപ്പെട്ട സൈറ്റുകളും ആപ്പുകളുമാണിവ.
2023-ൽ നിക്ഷേപ തട്ടിപ്പുകളുമായി ബന്ധപ്പെട്ട് 1 ലക്ഷത്തിലധികം പരാതികൾ NCRP-യ്ക്ക് ലഭിച്ചു. രാജ്യവ്യാപകമായി 17,000 എഫ്ഐആറുകളും പരാതികൾക്ക് മേൽ സ്വീകരിച്ചിരുന്നു. 2024 ജനുവരി മുതൽ സെപ്റ്റംബർ വരെ 6,000 ഡിജിറ്റൽ അറസ്റ്റ് പരാതികളും രേഖപ്പെടുത്തി.
ഇതിന് പുറമെ തട്ടിപ്പ് നടത്തിയ അക്കൗണ്ടുകളെയും കേന്ദ്ര ഗവൺമെന്റ് നിർത്തലാക്കി. കഴിഞ്ഞ നാല് മാസത്തിനിടെ 3.25 ലക്ഷം മ്യൂൾ അക്കൗണ്ടുകൾ ഡെബിറ്റ് ഫ്രീസ് ചെയ്തു. 3,401 സോഷ്യൽ മീഡിയ പ്ലാറ്റ്ഫോമുകളും വെബ്സൈറ്റുകളും അടച്ചുപൂട്ടി. കൂടാതെ ആഭ്യന്തരമന്ത്രാലയും വാട്ട്സ്ആപ്പ് ഗ്രൂപ്പുകളും അടച്ചുപൂട്ടി.
സൈബർ തട്ടിപ്പുകളിലൂടെ നഷ്ടമാകുന്ന പണം വീണ്ടെടുക്കാനും സാധിച്ചു. ഇങ്ങനെ സൈബർ തട്ടിപ്പിൽ നിന്ന് 2,800 കോടി രൂപ വീണ്ടെടുത്തു. 8.5 ലക്ഷം സൈബർ ക്രൈം തട്ടിപ്പുകൾ തടയാൻ എംഎച്ച്എയ്ക്ക് സാധിച്ചു.
Read More: New iPhone: പരാതിയുമായി ഉപയോക്താക്കൾ, iPhone 16 പ്രോ പ്രശ്നമാണ്!