51990 രൂപയ്ക്ക് വിപണിയിലെത്തിയ എൽജി ജി 6 ഇപ്പോൾ 41990 രൂപയ്ക്ക് വാങ്ങാം
എൽജി ജി 6 ഇന്ത്യയിൽ ലോഞ്ച് ചെയ്തതിന് ശേഷം ഏറെ താമസിയാതെ കമ്പനി ഈ ഫോണുകൾക്ക് വിലകുറച്ചു. ഇപ്പോൾ ഒരു നിശ്ചിത കാലയളവിലേക്കാണ് എൽജിയിൽ നിന്നുള്ള മുൻനിര സ്മാർട്ട്ഫോണായ ജി 6 ന്റെ വില കുറച്ചിരിക്കുന്നത്. ആമസോൺ വഴി വാങ്ങുന്നവർക്കും കുറഞ്ഞ വിലയിൽ ഈ കിടിലൻ ഫോൺ ഇപ്പോൾ സ്വന്തമാക്കാം.
മുംബൈ ആസ്ഥാനമായുള്ള റീട്ടെയിലിങ് കമ്പനിയായ മഹേഷ് ടെലികോം പുറത്തിറക്കിയ ഒരു പരസ്യമാണ് ഈ വിലക്കുറവ് ജനങ്ങളിലെത്തിച്ചത്. എൽജി ഒരു താല്ക്കാലിക വിലക്കുറവ് പ്രഖ്യാപിച്ചു എന്നതാണ് ഈ പരസ്യം വ്യക്തമാക്കിയിരിക്കുന്നത് .പുതിയ BYOD ഓഫർ പ്രകാരമായിരിക്കും 10000 രൂപ വിലക്കുറവിൽ എൽജി ജി 6 വാങ്ങാനാവുക . ജൂൺ 15 വരെ ഈ ഓഫർ ലഭ്യമായിരിക്കും.
എൽ ജി പുറത്തിറക്കിയ ഈ മുൻനിര സ്മാർട്ട്ഫോൺ 51990 രൂപയ്ക്കാണ്‌ രാജ്യത്തെ വിപണിയിലെത്തിയത് വില വെട്ടിക്കുറച്ചതോടെ ഫലത്തിൽ 41990 രൂപയ്ക്ക് ഈ ഫോൺ ഇപ്പോൾ സ്വന്തമാക്കാൻ കഴിയും. ഏപ്രിൽ അവസാന വാരം ഇന്ത്യൻ വിപണിയിലെത്തിയ ഈ മുൻനിര സ്മാർട്ട് ഫോൺ ഒരു മാസം തികയും മുൻപേ വില കുറച്ചത് വിപണിയിലെ മത്സരത്തിനു ചൂടേറിയിട്ടുണ്ടെന്ന സൂചനയാണ് നൽകുന്നത്.