Kerala Piravi Wishes: നവംബർ 1, പ്രിയപ്പെട്ടവർക്ക് കേരളപ്പിറവി ആശംസകൾ അയക്കാൻ 20+ മനോഹരമായ Quotes, വരികൾ, ഫോട്ടോകൾ ഇതാ…

Kerala Piravi Wishes: ഇന്ന് നവംബർ 1, കേരളത്തിന്റെ ജന്മദിനം. മലയാള മണ്ണിൽ ജനിച്ചതിൽ ഓരോ കേരളീയനും അഭിമാനിക്കുന്ന ദിനം. ദൈവത്തിന്റെ സ്വന്തം നാടിന് ഇന്ന് 68 വയസ്. കേളികൊട്ടിൽ ഉണരുന്ന കഥകളിയുടെ നാടിന് ഇന്ന് കേരളപ്പിറവി.

Kerala Piravi Wishes

നമ്മുടെ നാടിന്റെ പിറന്നാൾ ദിനം (Kerala Day) ആഘോഷമാക്കാം. കുറച്ച് മാസങ്ങൾക്ക് മുമ്പ് വിങ്ങലായ വയനാടിന്റെ മണ്ണിനെയും മനസിനെയും ചേർത്തുപിടിച്ചുകൊണ്ടുള്ള ആഘോഷാം. പരസ്പരം സ്നേഹിച്ചും സഹായിച്ചും സഹകരിച്ചും ഈ ദിവസത്തെ ആദരിക്കാം. പ്രവാസി മലയാളികൾക്ക് അവരുടെ ഗൃഹാതുരത്വവും മനസ്സിലെ പച്ചപ്പുമാണ് കേരളം.

പരശുരാമൻ മഴു എറിഞ്ഞാണ് കേരളമുണ്ടായെന്ന് ഐതിഹ്യം. തിരുവിതാംകൂറും കൊച്ചിയും മലബാറും ചേർന്ന് കേരളമെന്ന സ്വതന്ത്ര സംസ്ഥാനമായ ദിനമാണിന്ന്. 1956 നവംബർ ഒന്നിനാണ് നാട്ടുരാജ്യങ്ങൾ ചേർന്ന് മലയാളമണ്ണ് രൂപികരിച്ചത്. ഇതേ ദിവസമാണ് നമ്മുടെ അയൽസംസ്ഥാനം കർണാടകയുടെ രാജ്യോത്സവം (ജന്മദിനം) ആഘോഷിക്കുന്നതും.

നിങ്ങളുടെ പ്രിയപ്പെട്ടവരുമായി കേരളപ്പിറവി ആശംസകൾ ഷെയർ ചെയ്യാം. മനോഹരമായ ഫോട്ടോകളും വീഡിയോകളും വാക്കുകളും അവരിലേക്ക് പകരാം. പ്രത്യേകിച്ചും ദൂരെയുള്ള നിങ്ങളുടെ കുടുംബാംഗങ്ങൾക്കും സുഹൃത്തുക്കൾക്കും ഈ ആശംസ ഗൃഹാതുരത്വത്തിന്റെ മധുരമായിരിക്കും.

നമ്മുടെ കേരളത്തനിമയും ഗൃഹാതുരത്വവും നിറയുന്ന ആശംസകൾ WhatsApp വഴി പങ്കുവയ്ക്കാം. അതുപോലെ AI ഉപയോഗിച്ച് വാട്സ്ആപ്പ് സ്റ്റാറ്റസുകളും വീഡിയോകളും ക്രിയേറ്റ് ചെയ്യാം.

മെറ്റ എഐ വഴിയും മറ്റ് എഐ സൈറ്റുകളിലൂടെയും മനോഹരമായ ഫോട്ടോകൾ സൃഷ്ടിക്കാം. ഇത് നിങ്ങളുടെ സ്റ്റാറ്റസുകളാക്കാം. നിങ്ങളുടെ പ്രിയപ്പെട്ടവരിലേക്കും സുഹൃത്തുക്കളിലേക്കും പങ്കുവയ്ക്കാനുള്ള ആശംസകൾ ഇതാ…

കേരളപ്പിറവി ആശംസകൾ, quotes

ഒരു മലയാളിയായതിൽ ഞാൻ അഭിമാനിക്കുന്നു. കേരളത്തിന്റെ 68-ാം പിറന്നാൾ. എല്ലാ കേരളീയർക്കും ആശംസകൾ! 😍❤️

സഹ്യസാനു ശ്രുതി ചേർത്തുവച്ച മണിവീണയാണെന്റെ കേരളം, സംഗീതം പോലെ സ്ഭുരിക്കുന്ന സ്നേഹവും ഓർമകളും. എല്ലാവർക്കും കേരളപ്പിറവി ആശംസകൾ! 🌸😍

കേര നിരകളാടും ഒരു ഹരിത ചാരു തീരം
പുഴയോരം കള മേളം കവിത പാടും തീരം..
ലോകമെമ്പാടുമുള്ള എല്ലാ മലയാളികൾക്കും ആശംസകൾ നേരുന്നു ❤️😍

“ഭാരതമെന്നു കേട്ടാല്‍ അഭിമാനപൂരിതമാവണം അന്തരംഗം; കേരളമെന്ന് കേട്ടാലോ തിളയ്ക്കണം ചോര നമുക്ക് ഞരമ്പുകളില്‍,” കേരളപ്പിറവി ആശംസകൾ! 🌸

ഉത്സവ തുടി താള കൊടിയേറ്റം
മത്സര കളിവള്ള തിരയോട്ടം
കായലും കടലും കാനനവും കോട്ടകളും നിറഞ്ഞ കേരളം. ദൈവത്തിന്റെ സ്വന്തം നാടിന്റെ മക്കൾക്ക് ആശംസകൾ.😍

കേരളത്തിനും കേരളീയനും മണ്ണിന്റെ മണമുള്ള ഓർമകൾക്കും പിറന്നാൾ ആശംസകൾ! 🌸

ലോകത്തിന്റെ ഏതു കോണിൽ ആണെങ്കിലും മലയാളിയുടെ പ്രിയപ്പെട്ട ദിനം, ഏവർക്കും കേരളപ്പിറവി ആശംസകൾ!

“മറ്റുള്ള ഭാഷകൾ കേവലം ധാത്രിമാർ മർത്യന് പെറ്റമ്മ തൻ ഭാഷ താൻ,” വള്ളത്തോളിന്റെ കേരനാടിന് ഇന്ന് പിറന്നാൾ. ഏവർക്കും കേരളപ്പിറവി ആശംസകൾ

ഐക്യത്തിന്റെയും സഹോദര്യത്തിന്റെയും കേരളം. 💪🏽 ഏവർക്കും സ്നേഹം നിറഞ്ഞ കേരളപ്പിറവി ആശംസകൾ ❤️🥳

കലയും കവിതയും തനിമയും പ്രകൃതിയും ചേരുന്ന കേരളം. സ്നേഹത്തിന്റെയും സന്തോഷത്തിന്റെയും കേരളപ്പിറവി ദിനാശംസകൾ

മലയാളമണ്ണ് 68-ന്റെ നിറവിൽ 🎂. എല്ലാ കേരളീയർക്കും കേരള പിറന്നാൾ ആശംസകൾ!🥳

പ്രിയപ്പെട്ട എല്ലാ സുഹൃത്തുകൾക്കും മധുരമുള്ള മലയാളം പോലെ കേരളപ്പിറവി ആശംസകൾ നേരുന്നു!

ശ്യാമസുന്ദര കേരകേദാര ഭൂമിയ്ക്ക് ഇന്ന് പിറന്നാൾ. ഏവർക്കും ഹൃദയം നിറഞ്ഞ കേരളപ്പിറവി ആശംസകൾ😍🥳

കിഴക്കു സഹ്യപർവ്വത നിരയുടെ കുളിരും, പടിഞ്ഞാറ് അറബിക്കടലിന്റെ അലയും ഏറ്റ് വാങ്ങി സമ്പന്നഭൂമിയായ കേരളനാട്. ഏവർക്കും കേരളപ്പിറവി ആശംസകൾ!

മാനവർക്കു സമത നൽകിയ മാവേലി തൻ ഭൂമി. കേരളയീൻ ആയി ജനിച്ചതിൽ ഓരോ മലയാളിയും സ്മരിക്കുന്ന ദിനം. കേരളപ്പിറവി ആശംസകൾ🥳!

മധുര മഹിത ലളിത കലകൾ നിറഞ്ഞ മലയാളനാട്. ഏവർക്കും കേരളപ്പിറവി ആശംസകൾ!

നാളികേരത്തിന്റെ 🌴 നാട്ടിലെനിക്കൊരു നാലിടങ്ങഴി മണ്ണുണ്ട്, അത് തന്നെയാണ് ഓരോ മലയാളിയുടെ കരുത്തും💪🏽😍. എല്ലാവർക്കും സ്നേഹത്തിന്റെ കേരളപ്പിറവി ആശംസകൾ!

പെരിയാറും ഭാരതപ്പുഴയും പമ്പയും ഭവാനിയും സമ്പുഷ്ടമാക്കിയ കേരനാട്🌴. ഏവർക്കും കേരളപ്പിറവി ആശംസകൾ നേരുന്നു…

ഐക്യകേരളത്തിന് ഇന്ന് 🎂 68-ാം ജന്മദിനം. ഏവർക്കും സ്നേഹം നിറഞ്ഞ കേരളപ്പിറവി ആശംസകൾ!

ദൈവത്തിന്റെ സ്വന്തം നാട്, നമ്മുടെയും. എല്ലാ മലയാളികൾക്കും ഹൃദയപൂർവ്വം കേരളപ്പിറവി ആശംസകൾ അറിയിക്കുന്നു😍🌸

മലയാളവും മലയാളമണ്ണും മറക്കാത്ത, ലോകമെമ്പാടുമുള്ള മലയാളിസഹോദരങ്ങൾക്ക് 🎂 കേരളപ്പിറവി ആശംസകൾ!❤️

ഏത് ധൂസര സങ്കല്‍പ്പങ്ങളില്‍ വളര്‍ന്നാലും, ഏത് യന്ത്രവത്കൃത ലോകത്തില്‍ പുലര്‍ന്നാലും മനസ്സിലുണ്ടാകട്ടെ ഗ്രാമത്തിന്‍ വെളിച്ചവും മണവും മമതയും ഇത്തിരിക്കൊന്നപ്പൂവും…. 🌸കേരളപ്പിറവി ദിനാശംസകൾ

കേരളപ്പിറവി ആശംസകളും 🎂 കർണാക രാജ്യോത്സവ ആശംസകളും നേരുന്നു… ❤️😍

Also Read: WhatsApp തന്നെ തരും നല്ല അടിപൊളി Happy Diwali Stickers, നിമിഷങ്ങൾക്കുള്ളിൽ…