ഇൻട്രാ സർക്കിൾ സഹകരണവുമായി ബിഎസ്എൻഎല്ലും റിലയൻസ് ജിയോയും. പുതിയ സഹകരണത്തിലൂടെ ബിഎസ്എൻഎല്ലിന്റെ ടുജി സേവനങ്ങൾ റിലയൻസ് ജിയോ വോയ്സ് കോളിനായി ഉപയോഗിക്കും.തിരികെ റിലയൻസ് ജിയോയുടെ 4 ജി സേവനം ബിഎസ്എൻഎല്ലിനും ലഭിക്കും. പിന്നെ ഇതിൽ ഏറ്റവും എടുത്തു പറയേണ്ടത് ജിയോയുടെ 4 ജി സേവനമാണ്
.ഇനി ജിയോയുടെ ഉയർന്ന വേഗത്തിലുള്ള ഇന്റർനെറ്റ് സേവനം ബിഎസ്എൻഎൽ ഉപയോക്താക്കൾക്കും ലഭിക്കുമെന്നു വ്യക്തമാക്കി .ബിഎസ്എൻഎൽ സിഎംഡി അനുപം ശ്രീവാസ്തവയാണ് ഈ കാര്യം അറിയിച്ചത് .ബിഎസ്എൻഎല്ലിനു ഹൈസ്പീഡ് മൊബൈൽ ഡേറ്റ സേവനം എത്തിക്കാൻ ഇതു വഴി സാധിക്കുമെന്നും അദ്ദേഹം പറഞ്ഞു.ഏതായാലും ബി എസ് എൻ എൽ ഉപഭോതാക്കൾക്ക് ഇത് ഒരു സന്തോഷം പകരുന്ന കാര്യം തന്നെയാണ് .