ഐക്യൂ നിയോ 6ന്റെ പിൻഗമായിയി എത്തുന്ന ഈ സ്മാർട്ട്ഫോണിൽ ആകർഷകമായ സവിശേഷതകളാണുള്ളത്. കരുത്തും അഴകും ഒരുമിക്കുന്ന ഈ സ്മാർട്ട്ഫോണിൽ മികച്ച ക്യാമറ ഫീച്ചറുകളും വലിയ ബാറ്ററിയുമുണ്ട്. ഐക്യൂ നിയോ 7 (iQOO Neo 7)ൽ 120W ഫാസ്റ്റ് ചാർജിങ് സപ്പോർട്ട്, മീഡിയടെക്ക് ഡൈമെൻസിറ്റി 8200 SoC, 6.7 ഇഞ്ച് ഡിസ്പ്ലേ, 64 എംപി പ്രൈമറി ക്യാമറയുള്ള പിൻ ക്യാമറ സെറ്റപ്പ് തുടങ്ങിയ സവിശേഷതകളുണ്ട്.
ഐക്യൂ നിയോ 7 (iQOO Neo 7) സ്മാർട്ട്ഫോണിൽ 6.7 ഇഞ്ച് ഡിസ്‌പ്ലേയാണുള്ളത്. ഈ ഡിസ്പ്ലേ ഫുൾ HD+ (2400×1080 പിക്‌സൽ) റെസല്യൂഷനുമായി വരുന്നു. 120 ഹെർട്‌സ് റിഫ്രഷ് റേറ്റും 300 ഹെർട്‌സ് ടച്ച് സാംപ്ലിങ് റേറ്റും ഡിസ്പ്ലെയിൽ ഉണ്ട്. ഫോണിൽ ഗെയിം കളിക്കുമ്പോഴും മൾട്ടി ടാസ്കിങ് ചെയ്യുമ്പോഴും മികച്ച ടച്ച് ഇൻപുട്ട് ലഭിക്കും. ഈ ഡിസ്പ്ലേയ്ക്ക് HDR 10+ സർട്ടിഫിക്കേഷനും ബ്ലൂ ലൈറ്റ് സർട്ടിഫിക്കേഷനും ഉണ്ട്.
256 ജിബി വരെ UFS 3.1 സ്റ്റോറേജും 12 ജിബി വരെ LPDDR5 റാം സാങ്കേതികവിദ്യയുമുള്ള ഐകൂ നിയോ 7 (iQOO Neo 7) സ്മാർട്ട്ഫോണിന് കരുത്ത് നൽകുന്നത് മീഡിയടെക് ഡൈമൻസിറ്റി 8200 എസ്ഒസിയാണ്. ഏത്രനേരം നീണ്ടുനിൽക്കുന്ന ഗെയിമിങ് സെഷനുകളിലും ഫോൺ ചൂടാകാതിരിക്കാൻ വലിയൊരു വേപ്പർ ചേമ്പറും മൾട്ടി-ലെയർ ഗ്രാഫൈറ്റ് ഷീറ്റുകളും ഫോണിൽ നൽകിയിട്ടുണ്ട്. ഇത് ഫോണിന്റെ താപനില ക്രമീകരിക്കുന്നു.
മൂന്ന് പിൻ ക്യാമറകളുമായിട്ടാണ് ഐക്യൂ നിയോ 7 (iQOO Neo 7)സ്മാർട്ട്ഫോൺ വരുന്നത്. ഒഐഎസ് ഉള്ള 64 മെഗാപിക്സൽ പ്രൈമറി ക്യാമറയ്ക്കൊപ്പം രണ്ട് 2 മെഗാപിക്സൽ ക്യാമറകളും കമ്പനി നൽകിയിട്ടടുണ്ട്. സെൽഫികൾക്കും വീഡിയോ കോളുകൾക്കുമായി ഈ ഡിവൈസിൽ 16 മെഗാപിക്സൽ ക്യാമറയാണുള്ളത്. ക്യാമറ ആപ്പിൽ ചില പുതിയ ഫീച്ചറുകളും നൽകിയിട്ടുണ്ട്. ഇൻസ്റ്റാഗ്രാം-റീൽ സ്റ്റൈലിൽ വീഡിയോകൾ നിർമ്മിക്കാൻ സഹായിക്കുന്ന വ്ളോഗ് മോഡ് അടക്കമുള്ള സവിശേഷതകളാണ് ഇതിലുള്ളത്.
ഐക്യൂ നിയോ 7 (iQOO Neo 7) സ്മാർട്ട്ഫോണിൽ 120W ചാർജിങ് സപ്പോർട്ടുള്ള 5,000mAh ബാറ്ററിയാണ് നൽകിയിട്ടുള്ളത്. ടൈപ്പ്-സി പോർട്ട് വഴിയാണ് ചാർജ് ചെയ്യേണ്ടത്. 11 5ജി ബാൻഡുകൾ സപ്പോർട്ട് ചെയ്യുന്ന ഈ സ്മാർട്ട്ഫോണിൽ കണക്റ്റിവിറ്റി ഓപ്ഷനുകളായി ഡ്യുവൽ സിം, ബ്ലൂടൂത്ത് 5.3, ഡ്യുവൽ-ബാൻഡ് വൈ-ഫൈ, എൻഎഫ്‌സി എന്നിവയുണ്ട്. സുരക്ഷയ്ക്കായി അണ്ടർ ഡിസ്പ്ലേ ഫിംഗർപ്രിന്റ് സ്കാനറും ഫോണിൽ നൽകിയിട്ടുണ്ട്.
ഐക്യൂ നിയോ 7 (iQOO Neo 7)സ്മാർട്ട്ഫോണിന്റെ 8 ജിബി റാമും 128 ജിബി സ്റ്റോറേജുമുള്ള മോഡലിന് ഇന്ത്യയിൽ 29,999 രൂപയാണ് വില. ഫോണന്റെ 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 33,999 രൂപ വിലയുണ്ട്. ഇന്റർസ്റ്റെല്ലാർ ബ്ലാക്ക് അല്ലെങ്കിൽ ഫ്രോസ്റ്റ് ബ്ലൂ എന്നീ നിറങ്ങളിൽ ഈ ഡിവൈസ് വാങ്ങാം. തിരഞ്ഞെടുത്ത ബാങ്ക് കാർഡുകൾ ഉപയോഗിച്ച് പോൺ വാങ്ങുന്നവർക്ക് 1,500 രൂപ ഡിസ്കൌണ്ട് ലഭിക്കും. ഫോണിന്റെ വിൽപ്പന ആരംഭിച്ചിട്ടുണ്ട്.