റുപേ ക്രെഡിറ്റ് കാർഡുകൾ ഉപയോഗിച്ച് UPI പേയ്‌മെന്റുകൾ നടത്താം
ഗൂഗിൾ പേയുമായി ലിങ്ക് ചെയ്ത് റുപേ ക്രെഡിറ്റ് കാർഡുകൾ സ്വീകരിക്കാം
എല്ലാ വ്യാപാരികൾക്കും റുപേ ക്രെഡിറ്റ് കാർഡ് ഉപയോഗിച്ച് പണമടയ്ക്കാനാകും
റുപേ ക്രെഡിറ്റ് കാർഡുകൾ ഉപയോഗിച്ച് UPI പേയ്‌മെന്റുകൾ നടത്താനുള്ള സൗകര്യം ഉപയോക്താക്കൾക്ക് നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയുടെ (NPCI) പങ്കാളിത്തത്തോടെ നൽകുമെന്ന് ഗൂഗിൾ പേ (Google Pay) പ്രഖ്യാപിച്ചു. ഉപയോക്താക്കൾക്ക് അവരുടെ റുപെ ക്രെഡിറ്റ് കാർഡുകൾ ഗൂഗിൾ പേയുമായി ലിങ്ക് ചെയ്ത് റുപേ ക്രെഡിറ്റ് കാർഡുകൾ സ്വീകരിക്കുന്ന എല്ലാ ഓൺലൈൻ, ഓഫ്‌ലൈൻ വ്യാപാരികൾക്കും പണമടയ്ക്കാനാകും.
റുപേ ക്രെഡിറ്റ് കാർഡുകൾ ഉപയോഗിക്കാവുന്ന ബാങ്കുകൾ
ആക്‌സിസ് ബാങ്ക്, ബാങ്ക് ഓഫ് ബറോഡ, കാനറ ബാങ്ക്, എച്ച്‌ഡിഎഫ്‌സി ബാങ്ക്, ഇന്ത്യൻ ബാങ്ക്, കൊട്ടക് മഹീന്ദ്ര ബാങ്ക്, പഞ്ചാബ് നാഷണൽ ബാങ്ക്, യൂണിയൻ ബാങ്ക് ഓഫ് ഇന്ത്യ എന്നിവയുടെ റുപേ ക്രെഡിറ്റ് കാർഡ് ഉടമകൾക്ക് ഈ ഫീച്ചർ ഇപ്പോൾ ലഭ്യമാണ്. കൂടുതൽ ബാങ്കുകൾ ഉടൻ തന്നെ പിന്തുടരുമെന്ന് ഗൂഗിൾ പേ പ്രസ്താവനയിൽ പറഞ്ഞു.
റുപേ നെറ്റ്‌വർക്കിൽ പേടിഎം എസ്‌ബിഐ കാർഡ് അവതരിപ്പിക്കാൻ എസ്‌ബിഐ കാർഡുമായി സഹകരിച്ചതായി പേയ്മെന്റ് ആൻഡ് ഫിനാൻഷ്യൽ സർവീസ് കമ്പനിയായ പേടിഎം അറിയിച്ചിരുന്നു. രാജ്യത്ത് യുപിഐയില്‍ റുപേ ക്രെഡിറ്റ് കാര്‍ഡുകള്‍ ഉപയോഗിച്ച് ഇടപാടുകള്‍ സാധ്യമാക്കുന്നതിനായി ഭാരത്പേ, കാഷ്ഫ്രീ പേയ്മെന്റ്, ഗൂഗിള്‍ പേ, റേസര്‍പേ, പേടിഎം, പേയു, പൈന്‍ ലാബ്സ് തുടങ്ങിയവ പ്രവര്‍ത്തനക്ഷമമാക്കിയതായി എന്‍പിസിഐ (NPCI) ഈ മാർച്ചിലാണ് അറിയിച്ചത്. റുപേ ക്രെഡിറ്റ് കാര്‍ഡുകള്‍ യുപിഐ(UPI)യുമായി ബന്ധിപ്പിക്കുന്നതിനുള്ള ആര്‍ബിഐയുടെ തീരുമാനത്തിന് പിന്നാലെയാണ് എൻപിസിഐ (NPCI) ഇത്തരമൊരു നീക്കം നടത്തിയത്.
ഭാവിയില്‍ സുഗമവും കൂടുതല്‍ വിശ്വസനീയവും കൂടുതല്‍ സുരക്ഷിതവുമായ ക്രെഡിറ്റ് അധിഷ്ഠിത ഇടപാടുകള്‍ക്കായി യുപിഐ(UPI)യില്‍ ക്രെഡിറ്റ് കാര്‍ഡുകള്‍ വഴിയുള്ള ഡിജിറ്റല്‍ പേയ്മെന്റുകള്‍ സഹായിക്കുമെന്നതിനാലാണ് എൻപിസിഐ(NPCI) ഇത്തരത്തിൽ ഒരു പുതിയ നീക്കം നടത്തിയത്. നിലവിൽ ഏകദേശം 250 ദശലക്ഷം ഇന്ത്യക്കാര്‍ അവരുടെ ദൈനംദിന ഇടപാടുകള്‍ക്കായി യുപിഐ ഉപയോഗിക്കുന്നുണ്ട്. അഞ്ച് കോടിയിലധികം വ്യാപാരികളും യുപിഐ ഉപയോഗിക്കുന്നുണ്ട്.
റുപേ ക്രെഡിറ്റ് കാർഡുകൾ എങ്ങനെ ഉപയോഗിക്കാം
ഉപയോക്താക്കൾക്ക് അവരുടെ പ്രൊഫൈലിലെ "RuPay Credut Card on UPI" എന്ന ഓപ്‌ഷനിൽ ടാപ്പുചെയ്‌ത് അവരുടെ റുപേ ക്രെഡിറ്റ് കാർഡ് നൽകിയ ബാങ്ക് തിരഞ്ഞെടുക്കാം. അതിനുശേഷം, ഉപയോക്താക്കൾ യുപിഐ പിൻ നമ്പർ സജ്ജീരികരിക്കണം. അതിനായി കാർഡിന്റെ അവസാന
അക്കവും, എക്സപയറി തിയ്യതിയും നൽകം. ശേഷം രജിസ്റ്റർ ചെയ്ത മൊബൈൽ നമ്പറിൽ വന്ന ഒടിപി നൽകണം.
ഇപ്പോൾ, ഉപയോക്താക്കൾക്ക് അവരുടെ റുപേ ക്രെഡിറ്റ് കാർഡ് ഉപയോഗിച്ച് യുപിഐ വഴി വ്യാപാരികൾക്ക് പണം നൽകാൻ സാധിക്കും. മറ്റ് യുപിഐ ഇടപാടുകൾക്കായി അവർ ചെയ്യുന്നതുപോലെ, സജ്ജീകരിച്ച യുപിഐ പിൻ നൽകാവുന്നതാണ്. ഈ ഫീച്ചർ ഗൂഗിൾ പേ ഉപയോക്താക്കൾക്ക് പേയ്‌മെന്റുകൾ നടത്തുന്നതിന് കൂടുതൽ വഴക്കവും തിരഞ്ഞെടുപ്പും നൽകുകയും രാജ്യത്ത് ഡിജിറ്റൽ പേയ്‌മെന്റുകൾ കൂടുതൽ സ്വീകരിക്കാൻ പ്രേരിപ്പിക്കുകയും ചെയ്യും. ഗൂഗിളിന്റെ പ്രൊഡക്‌ട് മാനേജ്‌മെന്റ് ഡയറക്ടർ ശരത് ബുലുസു പറഞ്ഞു.
യുപിഐ വഴി നടത്തുന്ന ഇടപാടുകളുടെ എണ്ണത്തിൽ വലിയ വർധനയാണ് ഇന്ത്യയിൽ ഉണ്ടായിട്ടുള്ളത്. 2023 മാർച്ചിൽ യുപിഐ ഇടപാടുകൾ 8.7 ബില്യണിലെത്തിയതോടെ പ്രതിമാസ ഇടപാടുകളുടെ എണ്ണത്തിൽ എൻപിസിഐ കുതിച്ചുചാട്ടം റിപ്പോർട്ട് ചെയ്തു. രാജ്യത്തെ ഡിജിറ്റൽ പേയ്‌മെന്റുകളുടെ വളർച്ചയെ കൂടുതൽ ശക്തിപ്പെടുത്തുന്നതിനാണ്, 2022 ജൂണിൽ റുപേ ക്രെഡിറ്റ് കാർഡുകൾ യുപിഐ പ്ലാറ്റ്‌ഫോമുമായി ബന്ധിപ്പിക്കാൻ റിസർവ് ബാങ്ക് (ആർബിഐ) അനുമതി നൽകിയത്.
Follow Us
