ആഗോള ടെക് കമ്പനിയായ Google ആൻഡ്രോയിഡ് ഫോൺ ഉപയോഗിക്കുന്നവർക്കായി കൊണ്ടുവന്നിരിക്കുന്നത് വളരെ മികച്ചൊരു ഫീച്ചറാണ്. ഈ വർഷം അവസാനത്തോടെ eSIM ട്രാൻസ്ഫർ ഫീച്ചർ അവതരിപ്പിക്കുമെന്നാണ് Google അറിയിച്ചിരിക്കുന്നത്. സ്പെയിനിലെ ബാഴ്സലോണയിൽ നടന്നുകൊണ്ടിരിക്കുന്ന മൊബൈൽ വേൾഡ് കോൺഗ്രസിൽ (എംഡബ്ല്യുസി) വച്ചായിരുന്നു പ്രഖ്യാപനം.
അതായത്, ഫിസിക്കൽ സിം മാറ്റാതെ മൊബൈൽ പ്ലാൻ ഒരു പുതിയ ഫോണിലേക്ക് മാറ്റുന്നതിന് സഹായിക്കുന്നതാണ് ഈ പുതിയ ഫീച്ചർ. ഈ വർഷം അവസാനത്തോടെ ഈ വർഷം അവസാനത്തോടെ അവതരിപ്പിക്കുമെന്നാണ് പറയുന്നത്. ഗൂഗിൾ അതിന്റെ പങ്കാളി ബ്രാൻഡുകളായ Samsung, OnePlus, Oppo, Xiaomi എന്നീ ഫോണുകളിലായിരിക്കും ഈ ഫീച്ചർ ആദ്യം വരുന്നത്.
ഡച്ച് ടെലികോമായിരിക്കും ഈ ഫീച്ചർ കൊണ്ടുവരിക. DT നെറ്റ്വർക്കിലെ eSIM ട്രാൻസ്ഫർ ഫീച്ചറിന്റെ പ്രയോജനം ആദ്യം നേടുന്നത് ഗൂഗിൾ Pixel 7 ഫോൺ ഉപഭോക്താക്കളായിരിക്കും. ഈ വർഷം അവസാനം ഇത് ലഭ്യമാകും. ഭാവിയിൽ കൂടുതൽ ഉപഭോക്താക്കൾ eSIM-കൾ അവരുടെസിമ്മായി തിരഞ്ഞെടുക്കുമെന്നാണ് പ്രതീക്ഷ. ഭാവിയിൽ ആൻഡ്രോയിഡ് മുതൽ iOS വരെ eSIM ട്രാൻസ്ഫർ ചെയ്യുന്നതിനുള്ള സംവിധാനം വരും. പല രാജ്യങ്ങളിലെയും ഐഫോണുകൾ ഇപ്പോൾ eSIM-സപ്പോർട്ടീവ് ഉള്ളവയാണ്. പല രാജ്യങ്ങളിലും ഐഫോണുകൾക്ക് ഒരു ഫിസിക്കൽ സിം സ്ലോട്ടും മറ്റൊരു eSIM സ്ലോട്ടും ഉണ്ട്.