സ്വകാര്യ ടെലിക്കോം കമ്പനികളുടെ പല പ്ലാനുകളെക്കാളും മെച്ചപ്പെട്ട ആനുകൂല്യങ്ങൾ ലഭിക്കുന്ന പ്ലാനുകൾ കുറഞ്ഞ നിരക്കിൽ ബിഎസ്എൻഎൽ (BSNL) പുറത്തിറക്കിയിട്ടുണ്ട്. അ‌തിൽ ഒടിടി സേവനങ്ങൾ ലഭിക്കുന്ന പ്ലാനുകളുമുണ്ട്. നിരവധി പേർ ഇഷ്ടപ്പെടുന്ന ഒടിടി പ്ലാറ്റ്ഫോമായ ഇറോസ് നൗ എന്റർടൈൻമെന്റ് സേവനങ്ങൾ സൗജന്യമായി ലഭ്യമാക്കുന്ന 4 ബിഎസ്എൻഎൽ (BSNL) പ്ലാനുകൾ ലഭ്യമാണ്. ഡാറ്റ, കോളിങ്, എസ്എംഎസ് എന്നീ ആനുകൂല്യങ്ങൾക്ക് പുറമെ അ‌ധിക ആനുകൂല്യം എന്ന നിലയിലാണ് ഈ പ്ലാനുകളിൽ ഇറോസ് നൗ എന്റർടൈൻമെന്റ് സേവനങ്ങൾ ഇടംപിടിച്ചിരിക്കുന്നത്.
ഓവർ-ദി-ടോപ്പ് പ്ലാറ്റ്ഫോമുകളിലെ ഒരു പ്രധാന സാന്നിധ്യമായ ഇറോസ് നൗ എന്റർടൈൻമെന്റിൽ നിരവധി സിനിമകളും ടിവി ഷോകളും ലഭ്യമാകും. പ്രധാന ആനുകൂല്യങ്ങൾക്കൊപ്പം അ‌ധിക ചെലവില്ലാതെ ലഭ്യമാകുന്ന ഈ പ്ലാറ്റ്ഫോമിന്റെ സേവനം ബിഎസ്എൻഎൽ (BSNL) വരിക്കാർക്ക് മികച്ച രീതിയിൽ ഉപയോഗപ്പെടുത്താവുന്നതാണ്. പ്രധാന ആനുകൂല്യങ്ങൾക്കൊപ്പം ഇറോസ് നൗ എന്റർടൈൻമെന്റും ലഭിക്കുന്ന ബിഎസ്എൻഎൽ (BSNL) പ്ലാനുകൾ പരിചയപ്പെടാം.
ഇറോസ് നൗ എന്റർടൈൻമെന്റിന്റെ ഒടിടി ആനുകൂല്യം ലഭിക്കുന്ന ഏറ്റവും താങ്ങാനാവുന്ന വോയിസ് വൗച്ചറാണ് 247 രൂപയുടെ പ്ലാൻ. ഈ പ്ലാൻ ഉപഭോക്താക്കൾക്ക് അൺലിമിറ്റഡ് വോയ്‌സ് കോളിംഗിനൊപ്പം 50GB ഡാറ്റയും പ്രതിദിനം 100 എസ്എംഎസും 30 ദിവസ വാലിഡിറ്റിയിൽ നൽകുന്നു.
28 ദിവസ വാലിഡിറ്റിയിൽ എത്തുന്ന ബിഎസ്എൻഎൽ (BSNL) പ്ലാൻ ആണ് 269 രൂപയുടേത്. അൺലിമിറ്റഡ് കോളിങ് ആനുകൂല്യങ്ങളും അ‌തോടൊപ്പം തന്നെ പ്രതിദിനം 2GB ഡാറ്റയും ഈ പ്ലാൻ നൽകുന്നുണ്ട്. ഇതോടൊപ്പം തന്നെ 100 സൗജന്യ എസ്എംഎസും ഈ പ്രീപെയ്ഡ് ബിഎസ്എൻഎൽ(BSNL) പ്ലാനിൽ അ‌ടങ്ങിയിരിക്കുന്നു. ഈ പ്രധാന ആനുകൂല്യങ്ങളോടൊപ്പം ഇറോസ് നൗ എന്റർടൈൻമെന്റ്, ലിസ്റ്റ്ൺ പോഡ്കാസ്റ്റ് സർവീസസ്, ഹാർഡി മൊബൈൽ ഗെയിം സേവനം, ലോക്ധുൻ, സിങ് എന്നിങ്ങനെ നിരവധി അ‌ധിക ആനുകൂല്യങ്ങളും 269 രൂപ പ്ലാനിനോടൊപ്പം ലഭ്യമാകും. ഒരു മാസത്തേക്ക് ഉപയോക്താവിന്റെ കോളിങ്, ഡാറ്റ ആവശ്യങ്ങൾ നിറവേറ്റാൻ ആവശ്യമായ എല്ലാ ആനുകൂല്യങ്ങളും ഈ പ്ലാനിൽ ഉൾപ്പെടുന്നുണ്ട് എന്നത് ശ്രദ്ധേയമാണ്.
52 ദിവസം വാലിഡിറ്റിയുള്ള ബിഎസ്എഎൻഎൽ (BSNL) പ്ലാൻ ആണിത്. അൺലിമിറ്റഡ് വോയ്‌സ് കോളിംഗും 1GB പ്രതിദിന ഡാറ്റ, പ്രതിദിനം 100 എന്നിവ ഈ പ്ലാനിലെ പ്രധാന ആനുകൂല്യങ്ങളായി ലഭ്യമാകുന്നു. ഇതോടൊപ്പംതന്നെ ഇറോസ് നൗ എന്റർടൈൻമെന്റ് സേവനങ്ങളും നൽകുന്നു. മികച്ച ആനുകൂല്യങ്ങളാണ് കൂടുതൽ വാലിഡിറ്റിയിലും കുറഞ്ഞ നിരക്കിലും ഈ പ്ലാൻ നൽകുന്നു.
84 ദിവസത്തെ വാലിഡിറ്റിയോടെ ഏതാനും മാസങ്ങൾക്ക് മുമ്പാണ് ബിഎസ്എൻഎൽ (BSNL) ഈ പ്രീപെയ്ഡ് പ്ലാൻ അ‌വതരിപ്പിച്ചത്. 769 രൂപയുടെ ഈ ബിഎസ്എൻഎൽ (BSNL) പ്ലാനിൽ പ്രതിദിനം 2GB ഡാറ്റ, 100 എസ്എംഎസ് എന്നിവ പ്രധാന ആനുകൂല്യങ്ങളായി നൽകിയിരിക്കുന്നു. പ്രധാന ആനുകൂല്യങ്ങൾക്ക് പുറമെ ഇറോസ് നൗ എന്റർടൈൻമെന്റ് ആക്‌സസ്, ലോക്ധൂൺ ആപ്ലിക്കേഷനിൽ നിന്നുള്ള കണ്ടന്റുകൾ, സിങ് ആപ്പ് ആക്‌സസ്, എന്നിവ ഈ 769 രൂപ പ്ലാനിലും ഉള്ളടങ്ങിയിരിക്കുന്നു. ഡാറ്റ ഉപയോഗം പ്രതിദിനം 2GBയിൽ താഴെയുള്ളവർക്ക് ഈ പ്ലാൻ മികച്ച ഒരു ഓപ്ഷനാണ്.