30000 രൂപയിൽ താഴെ വിലയുള്ള മികച്ച ക്യാമറ സ്മാർട്ട്ഫോണുകൾ താഴെ കൊടുക്കുന്നു
നത്തിങ്, iQOO, റെഡ്മി, സാംസങ് എന്നീ ബ്രാന്റുകളുടെ ഡിവൈസുകളാണ് ഉള്ളത്
30000 രൂപയിൽ താഴെ വിലയുള്ള മികച്ച ക്യാമറയുള്ള സ്മാർട്ട്ഫോണുകളാണ് ഇവിടെ പരിചയപ്പെടുന്നത്. നത്തിങ്, iQOO, റെഡ്മി, സാംസങ് എന്നീ ബ്രാന്റുകളുടെ ഡിവൈസുകളാണ് ഇതിലുള്ളത്. ഈ ഫോണുകൾ ഒന്ന് പരിചയപ്പെടാം
Redmi Note 12 Pro+ 5G
റെഡ്മി നോട്ട് ഡിവൈസുകൾ ഇന്ത്യൻ വിപണിയിലെ ഏറ്റവും ജനപ്രിയമായ ഫോണുകളാണ്. സാധാരണ നിലവിൽ കുറഞ്ഞ വിലയിൽ ലഭിക്കുന്ന റെഡമി നോട്ട് സീരീസിലെ കഴിഞ്ഞ വർഷം പുറത്തിറങ്ങിയ റെഡ്മി നോട്ട് 12 പ്രോ+ 30,000 രൂപ വില വിഭാഗത്തിലേക്ക് കടന്നു. 12 ജിബി റാം ഓപ്ഷനുമായി വരുന്ന ആദ്യത്തെ നോട്ട് ഫോൺ കൂടിയാണ് ഇത്. ഒഐഎസ് ഉള്ള 200എംപി പ്രൈമറി റിയർ ക്യാമറയാണ് റെഡ്മി നോട്ട് 12 പ്രോ+ 5ജിയുടെ ഏറ്റവും വലിയ ആകർഷണം. വിവിധ ലൈറ്റിങ് സാഹചര്യങ്ങളിൽ മികച്ച ഫോട്ടോകളും വീഡിയോകളും എടുക്കാൻ ഈ ക്യാമറയ്ക്ക് സാധിക്കുന്നു. 120W ഫാസ്റ്റ് ചാർജറുള്ള സ്മാർട്ട്ഫോൺ 5,000mAh ബാറ്ററി 20 മിനിറ്റിനുള്ളിൽ പൂർണ്ണമായി ചാർജ് ചെയ്യാൻ സാധിക്കും. 29,999 രൂപ മുതലാണ് ഈ ഡിവൈസിന്റെ വില ആരംഭിക്കുന്നത്.
Nothing Phone 1
നത്തിങ് ഫോൺ 1ന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 778G പ്രോസസറാണ്. 12 ജിബി വരെ റാമുമായിട്ടാണ് ഈ ഡിവൈസ് വരുന്നത്. എഡ്ജ്-ടു-എഡ്ജ് 120Hz AMOLED ഡിസ്പ്ലെയും ഫോണിലുണ്ട്. മികച്ച ഫോട്ടോകളും വീഡിയോകളും പകർത്താൻ സഹായിക്കുന്ന ക്യാമറ സെറ്റപ്പും നത്തിങ് ഫോൺ 1ൽ ഉണ്ട്. ഫോണിന്റെ വില ആരംഭിക്കുന്നത് 29,999 രൂപ മുതലാണ്.
Samsung Galaxy S20 FE 5G
Samsung Galaxy S20 FE 5G- ക്ക് 6.5-ഇഞ്ച് 120Hz ഫുൾ HD + ഡിസ്പ്ലേ ഉണ്ട്. ഇതൊരു സൂപ്പർ അമോലെഡ് പാനലാണ്, മധ്യത്തിൽ ഒരു പഞ്ച്ഹോൾ ഉണ്ട്. ക്വാൽകോം സ്‌നാപ്ഡ്രാഗൺ 865 ചിപ്‌സെറ്റിലാണ് ഈ സ്മാർട്ട്ഫോൺ പ്രവർത്തിക്കുന്നത്. ഫോട്ടോഗ്രാഫിക്കായി ട്രിപ്പിൾ റിയർ ക്യാമറ സജ്ജീകരണം ഈ സ്മാർട്ട്ഫോണിൽ നൽകിയിരിക്കുന്നു. പ്രൈമറി ലെൻസ് 12 മെഗാപിക്സലാണ്, രണ്ടാമത്തേത് 12 മെഗാപിക്സൽ അൾട്രാ വൈഡ് ആണ്. മൂന്നാമത്തേത് 8 മെഗാപിക്സൽ ടെലിഫോട്ടോ ലെൻസാണ്. സെൽഫിക്കായി, ഈ സ്മാർട്ട്‌ഫോണിന് 30 മെഗാപിക്സൽ ഫ്രണ്ട് ക്യാമറയുണ്ട്. 4,500 എംഎഎച്ച് ബാറ്ററിയുണ്ട്, കൂടാതെ 15W ഫാസ്റ്റ് ചാർജിംഗ് പിന്തുണയുമുണ്ട്.
Realme 11 Pro 5G
റിയൽമി 11 പ്രോ 5ജി സീരീസിലെ രണ്ട് ഫോണുകളിലും 360Hz ടച്ച് സാംപ്ലിങ് റേറ്റുള്ള 6.7-ഇഞ്ച് ഫുൾ-എച്ച്ഡി+ (1,080 x 2,412 പിക്സൽസ്) കർവ്ഡ് ഡിസ്പ്ലേകളാണുള്ളത്. മാലി-G68 ജിപിയുവുള്ള ഫോണുകൾക്ക് കരുത്ത് നൽകുന്നത് ഒക്ടാ-കോർ 6nm മീഡിയടെക് ഡൈമൻസിറ്റി 7050 എസ്ഒസി പ്രോസസറാണ്. റിയൽമി 11 പ്രോ സ്മാർട്ട്ഫോണിന്റെ പിൻവശത്ത് രണ്ട് ക്യാമറകളാണുള്ളത്. ഒപ്റ്റിക്കൽ ഇമേജ് സ്റ്റെബിലൈസേഷനുള്ള 200 മെഗാപിക്സൽ പ്രൈമറി സെൻസറും 2 മെഗാപിക്സൽ സെക്കൻഡറി സെൻസറുമടങ്ങുന്നതാണ് ഈ ഫോണിന്റെ ക്യാമറ സെറ്റപ്പ്. സെൽഫികൾക്കും വീഡിയോ കോളുകൾക്കുമായി ഈ ഡിവൈസിൽ 16 മെഗാപിക്സൽ ഫ്രണ്ട് ക്യാമറ സെൻസറാണ് നൽകിയിട്ടുള്ളത്.
Oppo Reno 8
ഓപ്പോ റെനോ 8 5ജി സ്മാർട്ട്ഫോണിൽ 6.4 ഇഞ്ച് OLED ഡിസ്‌പ്ലേയാണ് ഉള്ളത്. FHD റെസല്യൂഷനും 90Hz റിഫ്രഷ് റേറ്റുമുള്ള ഡിസ്പ്ലെയാണ് ഇത്.
ഒഐഎസ് സപ്പോർട്ടുള്ള 50 എംപി സോണി IMX766 സെൻസറുമായിട്ടാണ് ഈ ഡിവൈസ് വരുന്നത്. പിൻഭാഗത്തെ ട്രിപ്പിൾ ക്യാമറ സെറ്റപ്പിൽ വൈഡ് ആംഗിളും മാക്രോ ലെൻസും നൽകിയിട്ടുണ്ട്. സെൽഫികൾക്കും വീഡിയോ കോളുകൾക്കുമായി 32 എംപി സോണി സെൽഫി ക്യാമറയാണ് ഫോണിൽ നൽകിയിട്ടുള്ളത്.
Follow Us
