ചാറ്റ് ഹിസ്റ്ററി പുതിയ ഫോണിലേക്ക് ട്രാൻസ്ഫർ ചെയ്യാം
ഗൂഗിൾ ഡ്രൈവ് ഉപയോഗിക്കാതെ തന്നെ ഉപഭോക്ക്താക്കൾക്ക് ചാറ്റ് ഹിസ്റ്ററി മാറ്റാം
QR കോഡ് സ്കാൻ ചെയ്‌ത ശേഷം ചാറ്റ് ഹിസ്റ്ററി ട്രാൻസ്ഫർ ചെയ്യപ്പെടും
ഇൻസ്റ്റന്റ് മെസേജിങ് ആപ്ലിക്കേഷനായ വാട്സ്ആപ്പ് (Whatsapp) പഴയ ആൻഡ്രോയിഡ് ഉപകരണങ്ങളിൽ നിന്ന് ചാറ്റ് ഹിസ്റ്ററി മാറ്റാൻ ഉപയോക്താക്കൾക്ക് വളരെ എളുപ്പത്തിലുള്ള ഒരു പുതിയ ഫീച്ചർ അവതരിപ്പിക്കുന്നു. ഈ ഫീച്ചർ പഴയ ആൻഡ്രോയിഡ് ഫോണിൽ നിന്നും പുതിയ ഫോണിലേക്ക് ചാറ്റ് ഹിസ്റ്ററി മാറ്റാൻ സഹായിക്കുന്നു. ഫീച്ചർ ഇപ്പോഴും വികസിപ്പിച്ചു കൊണ്ടിരിക്കുകയാണെങ്കിലും വരും മാസങ്ങളിൽ ഇത് പുറത്തിറക്കുമെന്നാണ് വാട്സ്ആപ്പ് (Whatsapp) അവകാശപ്പെടുന്നത്.
ഈ ഫീച്ചർ ഉപയോഗിച്ച്, ഗൂഗിൾ ഡ്രൈവ് ഉപയോഗിക്കാതെ തന്നെ ഉപഭോക്ക്താക്കൾക്ക് ചാറ്റ് ഹിസ്റ്ററി ഒരു പുതിയ ആൻഡ്രോയിഡ് ഉപകരണത്തിലേക്ക് ട്രാൻസ്ഫർ ചെയ്യാൻ സാധിക്കുമെന്ന് വാട്സ്ആപ്പ് ട്രാക്ക് ചെയ്യുന്ന വെബ്‌സൈറ്റായ WABetaInfo റിപ്പോർട്ട് ചെയ്യുന്നു. ക്യുആർ കോഡുകൾ സ്കാൻ ചെയ്ത് പഴയ ആൻഡ്രോയിഡ്(Android) ഉപകരണത്തിൽ ചാറ്റ് ഹിസ്റ്ററി മൈഗ്രേറ്റ് ചെയ്യാൻ ഉപയോക്താക്കളെ അനുവദിക്കാൻ മെറ്റാ ഉടമസ്ഥതയിലുള്ള ആപ്ലിക്കേഷൻ പദ്ധതിയിടുന്നു.
ഈ സ്ക്രീൻഷോട്ടിൽ കാണിച്ചിരിക്കുന്നതുപോലെ, പുതിയ Android ഉപകരണത്തിൽ QR കോഡ് ദൃശ്യമാകും. QR കോഡ് സ്കാൻ ചെയ്‌ത ശേഷം, ചാറ്റ് ഹിസ്റ്ററി ഒടുവിൽ പുതിയ Android ഉപകരണത്തിലേക്ക് ട്രാൻസ്ഫർ ചെയ്യപ്പെടും. ചാറ്റ് ട്രാൻസ്ഫർ ഫീച്ചർ നിലവിൽ വികസിപ്പിച്ചുകൊണ്ടിരിക്കുകയാണ്.
പുതിയ ഫീച്ചർ എന്ന് അവതരിപ്പിക്കും എന്ന് വ്യക്തമാക്കിയിട്ടില്ല. അടുത്ത ഏതാനും മാസങ്ങൾക്കുള്ളിൽ പരിശോധനയ്ക്കായി ഈ ഫീച്ചർ പുറത്തിറക്കുമെന്ന് പ്രതീക്ഷിക്കാം.
Whatsapp ആൻഡ്രോയിഡ് ഉപയോക്താക്കൾക്ക് ഉടൻ തന്നെ രണ്ട് പുതിയ ഫീച്ചറുകൾ ലഭിക്കും. അത് ആപ്പ് ഉപയോഗിക്കുന്നത് കൂടുതൽ സൗകര്യപ്രദമാക്കും. മെസേജ് നോട്ടിഫിക്കേഷൻ നിന്ന് തന്നെ കോൺടാക്റ്റ് ബ്ലോക്ക് ചെയ്യാനുള്ള ഓപ്ഷനാണ് ആദ്യ ഫീച്ചർ. ഈ സവിശേഷത സംഭാഷണം തുറക്കാതെ സമയം ലാഭിക്കാൻ സാധിക്കും. അനാവശ്യ കോൺടാക്റ്റുകൾ തടയുന്നത് മുമ്പത്തേതിനേക്കാൾ എളുപ്പവും വേഗത്തിലുള്ളതുമായിരിക്കും. രണ്ടാമത്തെ ഫീച്ചർ ഫോട്ടോകൾ എടുക്കുന്നതിനും വീഡിയോകൾ റെക്കോർഡ് ചെയ്യുന്നതിനും പ്രത്യേക ടാബുകൾ വാഗ്ദാനം ചെയ്യും. വേഗത്തിൽ റെക്കോർഡുചെയ്യുന്നതിന് മറ്റൊരു മോഡിലേക്ക് മാറുന്നത് സാധ്യമാകും.
അതിനിടെ, iOS 16-ലെ നിങ്ങളുടെ സംഭാഷണങ്ങളിലെ ചിത്രങ്ങളിലെ ടെക്‌സ്‌റ്റ് കണ്ടെത്താനുള്ള സൗകര്യവും വാട്സ്ആപ്പ് അവതരിപ്പിക്കുന്നു. എന്നിരുന്നാലും, ബീറ്റ ടെസ്റ്റർമാർക്ക് മാത്രമേ ഇപ്പോൾ ഈ പുതിയ ഫീച്ചർ ഉപയോഗിക്കാൻ കഴിയൂ.
Follow Us
