പ്രീപെയ്ഡ് പ്ലാനുകളിൽ OTT പ്ലാറ്റ്‌ഫോമുകളിലേക്കുള്ള സൗജന്യ സബ്സ്ക്രിപ്ഷൻ
ഡിസ്നി പ്ലസ് ഹോട്ട്സ്റ്റാർ, ആമസോൺ പ്രൈം എന്നിവയിലേക്ക് സൗജന്യ ആക്സസ്
5G കണക്റ്റിവിറ്റിയുള്ള എയർടെൽ ഉപയോക്താക്കൾക്ക് OTT സൗജന്യമായി സ്ട്രീം ചെയ്യാം
ഇന്ത്യൻ പ്രീമിയർ ലീഗ് 2023 സീസൺ തത്സമയം സ്ട്രീം ചെയ്യാൻ തയ്യാറാവുകയാണ്. OTT പ്ലാറ്റ്‌ഫോമിൽ പ്രതിമാസം മുതൽ ഒരു വർഷം വരെയുള്ള വ്യത്യസ്ത പ്ലാനുകൾ ഉപയോക്താക്കൾക്ക് ലഭിക്കും. OTT പ്ലാറ്റ്‌ഫോമിൽ ഐപിഎൽ മത്സരങ്ങളും കാണാനാകും.എന്നാൽ ഒരു എയർടെൽ (Airtel) പ്രീപെയ്ഡ് സിം ഉണ്ടെങ്കിൽ ഡിസ്നി പ്ലസ് ഹോട്ട്സ്റ്റാർ (Disney + Hotstar) സബ്സ്ക്രിപ്ഷൻ സൗജന്യമായി ലഭിക്കും.
ഡിസ്നി പ്ലസ് ഹോട്ട്‌സ്റ്റാറി (Disney + Hotstar) ലേക്കുള്ള സൗജന്യ സബ്സ്ക്രിപ്ഷൻ ഉൾപ്പെടെയുള്ള ചില പ്രീപെയ്ഡ് മൊബൈൽ റീചാർജ് പ്ലാനുകൾക്കൊപ്പം എയർടെൽ (Airtel) OTT ആനുകൂല്യങ്ങളും വാഗ്ദാനം ചെയ്യുന്നു. എയർടെൽ (Airtel) 5G പിന്തുണയുള്ള നഗരങ്ങളിൽ താമസിക്കുന്ന ഉപയോക്താക്കൾക്ക് 5G വേഗതയിൽ അൺലിമിറ്റഡ് കോളിംഗ്, SMS, ഡാറ്റാ ആനുകൂല്യങ്ങൾ ലഭിക്കും.
399 രൂപയുടെ പ്ലാൻ
ഈ പ്ലാൻ 28 ദിവസത്തെ വാലിഡിറ്റി ലഭിക്കുന്ന ഒരു പ്ലാനാണ്. മൊബൈലിൽ ഡിസ്നി പ്ലസ് ഹോട്ട്‌സ്റ്റാറി (Disney + Hotstar) ന് 3 മാസത്തെ സബ്‌സ്‌ക്രിപ്ഷനും എല്ലാ ലോക്കൽ, എസ്ടിഡി, റോമിംഗ് നെറ്റ്‌വർക്കുകളിലേക്ക് പരിധിയില്ലാത്ത കോളിംഗ്, പ്രതിദിനം 100 എസ്എംഎസ്, 2.5 ജിബി പ്രതിദിന ഡാറ്റ എന്നിവ നൽകുന്നു. എക്‌സ്‌ട്രീം ആപ്പിലേക്കുള്ള ആക്സസ്, അപ്പോളോ 24|7 സർക്കിൾ സബ്സ്ക്രിപ്ഷൻ എന്നിവയും അതിലേറെയും അധിക ആനുകൂല്യങ്ങൾ ഉൾപ്പെടുന്നു.
499 രൂപ പ്ലാൻ
ഈ പ്ലാനിൽ, എയർടെൽ 28 ദിവസത്തെ വാലിഡിറ്റി, ഡിസ്നി പ്ലസ് ഹോട്ട്സ്റ്റാർ (Disney + Hotstar) മൊബൈലിനായി 3 മാസത്തെ സൗജന്യ അംഗത്വം, 3 ജിബി പ്രതിദിന ഡാറ്റ, പ്രതിദിനം 100 എസ്എംഎസ്, അൺലിമിറ്റഡ് കോളിംഗ് എന്നിവ വാഗ്ദാനം ചെയ്യുന്നു. Xstream ആപ്പിൽ സൗജന്യ സബ്സ്ക്രിപ്ഷൻ, അപ്പോളോ 24|7 സർക്കിൾ സബ്സ്ക്രിപ്ഷൻ, സൗജന്യ ഹലോ ട്യൂണുകൾ എന്നിവയും മറ്റും ഉൾപ്പെടുന്നു.
719 രൂപ പ്ലാൻ
ഈ പ്രീപെയ്ഡ് പ്ലാനിലൂടെ, എയർടെൽ ഉപയോക്താക്കൾക്ക് 84 ദിവസത്തെ വാലിഡിറ്റി, എയർടെൽ ആപ്പിലും വെബിലും ഡിസ്നി പ്ലസ് ഹോട്ട്സ്റ്റാർ (Disney + Hotstar) മൊബൈലിലേക്കുള്ള 3 മാസത്തെ സൗജന്യ സബ്സ്ക്രിപ്ഷൻ, എക്‌സ്‌ട്രീം ആപ്പിലേക്കുള്ള ആക്സസ്, 1.5 ജിബി പ്രതിദിന ഡാറ്റ, അൺലിമിറ്റഡ് കോളിംഗ്, 100 എസ്എംഎസ് എന്നിവ നൽകുന്നു.
779 രൂപയുടെ പ്ലാൻ
ഈ പ്ലാൻ 90 ദിവസത്തെ വാലിഡിറ്റി, 1.5 ജിബി പ്രതിദിന ഇന്റർനെറ്റ് ഡാറ്റ, അൺലിമിറ്റഡ് കോളിംഗ്, പ്രതിദിനം 100 എസ്എംഎസ്, എയർടെൽ ആപ്പിലും വെബിലും ഡിസ്നി പ്ലസ് ഹോട്ട്സ്റ്റാർ (Disney + Hotstar) മൊബൈലിനായി 3 മാസത്തെ സൗജന്യ അംഗത്വവും നൽകുന്നു.
Follow Us
