എയർടെൽ ഫൈബർ ബ്രോഡ്‌ബാൻഡ് സെഗ്‌മെന്റിൽ ഒരു പുതിയ പ്ലാൻ അവതരിപ്പിച്ചു. 219 രൂപ വിലയുള്ള ഈ ഫൈബർ ബ്രോഡ്‌ബാൻഡ് പ്ലാനിനെ 'ബ്രോഡ്‌ബാൻഡ് ലൈറ്റ്' പ്ലാൻ എന്നാണ് വിളിക്കുന്നത്. ഇത് എയർടെൽ ബ്രോഡ്‌ബാൻഡ് ഉപയോക്താക്കൾക്ക് ലഭ്യമായ ഏറ്റവും വിലകുറഞ്ഞ എയർടെൽ എക്‌സ്ട്രീം ഫൈബർ പ്ലാനായാണ് കണക്കാക്കുന്നത്. വേഗതയേറിയ ഇന്റർനെറ്റും അധിക ആനുകൂല്യങ്ങളും ഉള്ളതിനാൽ, ബ്രോഡ്‌ബാൻഡ് സെഗ്‌മെന്റിൽ ഇ പ്ലാൻ ഉപയോക്താക്കൾക്ക് മികച്ച ഒരു ഓപ്ഷനാണ്.
എയർടെൽ എക്‌സ്ട്രീം ബ്രോഡ്‌ബാൻഡ് ലൈറ്റ് പ്ലാനിന് പ്രതിമാസം 219 രൂപ ചിലവാകും ഇത് വാർഷിക സബ്‌സ്‌ക്രിപ്‌ഷന് മാത്രമേ ലഭ്യമാകൂ. പുതിയ ലൈറ്റ് പ്ലാൻ ഉപയോക്താക്കൾക്ക് 10Mbps ബ്രോഡ്‌ബാൻഡ് വേഗത നൽകുന്നു കൂടാതെ ഒരു സൗജന്യ റൂട്ടറും നൽകുന്നു. പുതിയ എയർടെൽ ബ്രോഡ്‌ബാൻഡ് ലൈറ്റ് പ്ലാൻ ബീഹാർ, ഉത്തർപ്രദേശ് ഈസ്റ്റ്, ആന്ധ്രാപ്രദേശ് എന്നിവിടങ്ങളിൽ മാത്രമേ ലഭ്യമാകൂ. കൂടാതെ OTT അല്ലെങ്കിൽ തത്സമയ ടിവി ആനുകൂല്യങ്ങൾ ഉൾപ്പെടുന്നില്ല. പിന്നീട് രാജ്യത്തെ മറ്റ് നഗരങ്ങളിൽ ഇത് ലഭ്യമാകുമോ എന്നതിനെക്കുറിച്ചുള്ള അപ്‌ഡേറ്റ് ഒന്നുമില്ല.
കൂടുതൽ ആനുകൂല്യങ്ങളുള്ള മറ്റ് ബ്രോഡ്‌ബാൻഡ് പ്ലാനുകൾക്കായി തിരയുകയാണെങ്കിൽ, മറ്റ് Xstream ഫൈബർ ബ്രോഡ്‌ബാൻഡ് പ്ലാനുകളിൽ നിന്ന് നിങ്ങൾക്ക് തിരഞ്ഞെടുക്കാം. മറ്റ് എയർടെൽ എക്‌സ്ട്രീം ഫൈബർ വ്യത്യസ്‌ത വേഗതയും ആനുകൂല്യങ്ങളും ഉള്ള നിരവധി പ്ലാനുകൾ വാഗ്ദാനം ചെയ്യുന്നു.
Xstream ഫൈബർ ബ്രോഡ്‌ബാൻഡ് പ്ലാനുകളിൽ 499 രൂപയുടെ പ്ലാനിൽ കൂടാതെ 40 Mbps വേഗതയും പരിധിയില്ലാത്ത ഇന്റർനെറ്റും കോളുകളും അപ്പോളോ 24/7, FASTag, Wynk Music എന്നിവയിലേക്കുള്ള സബ്സ്ക്രിപ്ഷനുകളും ഉൾപ്പെടുന്നു. Xstream ഫൈബർ ബ്രോഡ്‌ബാൻഡ് പ്ലാനുകളിൽ സ്റ്റാൻഡേർഡ് പ്ലാനിന് പ്രതിമാസം 799 രൂപയും 100 Mbps വേഗതയും Xstream പ്രീമിയം പാക്കിന്റെ സബ്സ്ക്രിപ്ഷനും വാഗ്ദാനം ചെയ്യുന്നു.Xstream ഫൈബർ ബ്രോഡ്‌ബാൻഡ് പ്ലാനുകളിൽ വിനോദ പ്ലാനിന് പ്രതിമാസം 999 രൂപ യാണ് വേണ്ടത്. 200 Mbps വേഗതയും Disney+ Hotstar, Amazon Prime, Xstream Premium പാക്ക് എന്നിവയിലേക്കുള്ള സബ്സ്ക്രിപ്ഷനുകളും ഉൾപ്പെടുന്നു.
Xstream ഫൈബർ ബ്രോഡ്‌ബാൻഡ് പ്ലാനുകളിൽ പ്രൊഫഷണൽ പ്ലാനിന് പ്രതിമാസം 1,498 രൂപയും 300 Mbps വേഗതയും നെറ്റ്ഫ്ലിക്സ് സബ്സ്ക്രിപ്ഷനും വാഗ്ദാനം ചെയ്യുന്നു. Xstream ഫൈബർ ബ്രോഡ്‌ബാൻഡ് പ്ലാനുകളിൽ ഏറ്റവും ചെലവേറിയ പ്ലാനിന് പ്രതിമാസം 3,999 രൂപ ചിലവാകും കൂടാതെ 1Gbps വരെ വേഗതയുള്ള എല്ലാ ആനുകൂല്യങ്ങളും ഉൾപ്പെടുന്നു.
ജിയോയും കഴിഞ്ഞ മാസം ബ്രോഡ്‌ബാൻഡ് ബാക്ക്-അപ്പ് പ്ലാൻ എന്ന പേരിൽ ഒരു ബജറ്റ് ബ്രോഡ്‌ബാൻഡ് പ്ലാൻ അവതരിപ്പിച്ചു. പ്രതിമാസം 198 രൂപയാണ് പ്ലാൻ വില, 10 Mbps-ന്റെ ഉയർന്ന ഇന്റർനെറ്റ് വേഗത വാഗ്ദാനം ചെയ്യുന്നു. ഉപയോക്താക്കൾക്ക് അവരുടെ വേഗത അപ്‌ഗ്രേഡ് ചെയ്യാനും അധിക തുക നൽകി OTT ആനുകൂല്യങ്ങൾ നേടാനുമുള്ള ഓപ്ഷനുമുണ്ട്. ജിയോ ബ്രോഡ്‌ബാൻഡ് ഉപയോക്താക്കൾക്ക് 30 അല്ലെങ്കിൽ 100 Mbps വരെ അപ്‌ഗ്രേഡ് ചെയ്യാനും സൗജന്യ STB, 500 വരെ തത്സമയ ടിവി ചാനലുകൾ, 14 OTT ആപ്പുകൾ വരെ നേടാനും കഴിയും.