എയർടെൽ പേയ്മെന്റ് ബാങ്ക് ഫേസ് ഓതന്റിക്കേഷൻ നടപ്പിലാക്കാൻ തീരുമാനിച്ചു
ബാങ്കിംഗ് ലൈസൻസുള്ള ഏക ലാഭകരമായ മൾട്ടി-സെഗ്‌മെന്റ് ബാങ്കാണ്
ഫേസ് ഓതന്റിക്കേഷൻ വഴി സേവനങ്ങൾ നൽകുന്ന ആദ്യത്തെ നാല് ബാങ്കുകളിൽ ഒന്നാണ്
എയർടെൽ പേയ്മെന്റ് ബാങ്ക് (Airtel Payment Bank) അതിന്റെ 500,000 ബാങ്കിംഗ് ഇടപാടുകളിൽ ആധാർ അധിഷ്‌ഠിത പേയ്മെന്റ് സിസ്റ്റം നടപ്പിലാക്കാനായി ഫേസ് ഓതന്റിക്കേഷൻ (face authentication) അവതരിപ്പിക്കാൻ നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയുമായി (NPCI) സഹകരിക്കാൻ തീരുമാനിച്ചു. ബാങ്കിംഗ് ലൈസൻസുള്ള ഇന്ത്യയിലെ ഏക ലാഭകരമായ മൾട്ടി-സെഗ്‌മെന്റ് ബാങ്കായ എയർടെൽ പേയ്മെന്റ് ബാങ്ക് (Airtel Payment Bank). ഇന്ത്യയിൽ ഫേസ് ഓതന്റിക്കേഷൻ (face authentication) വഴി മികച്ച സേവനങ്ങൾ വാഗ്ദാനം ചെയ്യുന്ന ആദ്യത്തെ നാല് ബാങ്കുകളിൽ ഒന്നാണ്.
ആധാർ നമ്പറോ വെർച്വൽ ഐഡിയോ ഉപയോഗിച്ച് ഇടപാടുകളും നടത്താം
AePS (Aadhaar Enabled Payment System) ആധാർ നമ്പർ വഴിയുള്ള സാമ്പത്തിക ഇടപാടുകൾ അനുവദിക്കുന്നു. NPCI-ൽ നിന്നുള്ള AePS ഉപഭോക്താക്കൾക്ക് അവരുടെ ആധാർ-ലിങ്ക്ഡ് ബാങ്ക് അക്കൗണ്ട് ആക്‌സസ് ചെയ്യുന്നതിന് അവരുടെ ആധാർ നമ്പറോ വെർച്വൽ ഐഡിയോ ഉപയോഗിച്ച് ഏത് ബാങ്കിംഗ് പോയിന്റിലും സാമ്പത്തിക ഇടപാടുകളും നടത്താൻ സാധിക്കും. UIDAI രേഖകളിലെ ഇടപാടുകൾ ആധികാരികമാക്കുന്നതിന് ഉപഭോക്താക്കൾ അവരുടെ ആധാർ നമ്പറും വിരലടയാളമോ ഐറിസ് മാച്ചോ ഉപയോഗിക്കേണ്ടതുണ്ട്.
ഫേസ് ഓതന്റിക്കേഷൻ (face authentication) അവരുടെ ആധാർ നമ്പറിലൂടെയും ഇടപാടുകൾ നടത്താൻ ഈ പുതിയ പേയ്മെന്റ് സിസ്റ്റം ഉപഭോക്താക്കളെ അനുവദിക്കും. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (UIDAI) ഫെയ്‌സ് ഓതന്റിക്കേഷൻ ആർഡി ആപ്ലിക്കേഷൻ ഉപയോഗിച്ചാണ് സാമ്പത്തിക ഇടപാടുകൾ നടത്തുന്നത്.
തുടക്കത്തിൽ ലഭിക്കുന്ന സേവനങ്ങൾ
തുടക്കത്തിൽ എയർടെൽ പേയ്മെന്റ് ബാങ്ക് ഉപഭോക്താക്കൾക്കുള്ള ബാലൻസ് അന്വേഷണം, മിനി സ്‌റ്റേറ്റ്‌മെന്റുകൾ തുടങ്ങിയ സാമ്പത്തികേതര ഇടപാടുകൾക്ക് മാത്രമേ ഈ സൗകര്യം ലഭ്യമാകൂ. ഭാവിയിൽ സാമ്പത്തിക ഇടപാടുകൾ കൂടി ഉൾപ്പെടുത്തി സേവനം വ്യാപിപ്പിക്കാനാണ് ബാങ്ക് പദ്ധതിയിടുന്നത്. എൻ‌പി‌സി‌ഐയുടെ മാർഗനിർദേശപ്രകാരം, എയർടെൽ പേയ്മെന്റ് ബാങ്ക് മറ്റ് ബാങ്ക് ഉപഭോക്താക്കൾക്കും മറ്റ് ബാങ്കിംഗ് ഔട്ട്‌ലെറ്റുകളിലെ ബാങ്കിന്റെ ഉപഭോക്താക്കൾക്കും പ്രവർത്തനം സാധ്യമാക്കും.
എയർടെൽ പേയ്മെന്റ് ബാങ്ക് (Airtel Payment Bank) എഇപിഎസ് ഇടപാടുകൾക്കുള്ള സാങ്കേതികവിദ്യ നടപ്പിലാക്കുന്നത് ആധാർ അടിസ്ഥാനമാക്കിയുള്ള ഇടപാടുകൾ രാജ്യത്തുടനീളം വ്യാപിപ്പിക്കാൻ സഹായിക്കുമെന്ന് എയർടെൽ അവകാശപ്പെടുന്നു. ബാങ്കിന്റെ നിലവിലെ സുരക്ഷിതവും ലളിതവുമായ ബാങ്കിംഗ് സേവനങ്ങളെ സംരക്ഷിക്കാൻ ഒരു പ്രധാന കൂട്ടിച്ചേർക്കലായിരുന്നു ഫേസ് ഓതന്റിക്കേഷൻ (face authentication) നടപ്പിലാക്കുക എന്ന നടപടി.
എയർടെൽ ഫേസ് ഓതന്റിക്കേഷൻ എങ്ങനെ രജിസ്റ്റർ ചെയ്യാം
ബാങ്കിന്റെ ബിസിനസ് ആപ്പിൽ ഉപഭോക്താവിന്റെആധാർ നമ്പർ നൽകുക
ബാങ്കിന്റെ ആപ്പ് ഉപഭോക്താവിനോട് ഫേസ് ഓതന്റിക്കേഷൻ എന്ന ഓപ്ഷൻ തിരഞ്ഞെടുക്കാൻ ആവശ്യപ്പെടും
ഉപഭോക്താവിന്റെ ഫോട്ടോ പകർത്താൻ ഫേസ് ഓതന്റിക്കേഷൻ RD ആപ്പ് തുറക്കും.
ഉപഭോക്താവിന്റെ മുഖം വിജയകരമായി പകർത്തിക്കഴിഞ്ഞാൽ, mPIN നൽകി ഇടപാട് പൂർത്തിയാക്കാൻ ആവശ്യപ്പെടും
ഫേസ് ഓതന്റിക്കേഷൻ (face authentication) പ്രവർത്തനക്ഷമമാക്കിയിട്ടുള്ള ബാങ്ക് ഉപഭോക്താക്കൾക്ക് മാത്രമേ ഈ സേവനം ലഭ്യമാകൂ.ഫേസ് ഓതന്റിക്കേഷൻ (face authentication) മോഡാലിറ്റിക്കായി പ്രവർത്തനക്ഷമമാക്കിയിട്ടുള്ള ബാങ്ക് ഉപഭോക്താക്കൾക്ക് മാത്രമേ ഈ സേവനം ഉപയോഗിക്കാൻ കഴിയൂ എന്നത് ശ്രദ്ധിക്കേണ്ടതാണ്. എയർടെൽ പേയ്മെന്റ് ബാങ്ക് ഇന്ത്യയിലുടനീളം ശക്തമായ ഒരു ഡിജിറ്റൽ പേയ്മെന്റ് ഇക്കോസിസ്റ്റം നിർമ്മിച്ചിട്ടുണ്ട്.
Follow Us
