വാട്സ്ആപ്പി (WhatsApp)ലെ ഏറ്റവും പുതിയ ഫീച്ചറുകളിൽ ഒന്നാണ് വാട്സ്ആപ്പ് അവതാറുകൾ. ഫേസ്ബുക്കിൽ ലഭ്യമാക്കിയിരുന്ന ഫീച്ചർ അടുത്തിടെയാണ് മെറ്റ വാട്സ്ആപ്പി (WhatsApp) ലേക്കും കൊണ്ട് വന്നത്. പൂർണമായും കസ്റ്റമൈസ് ചെയ്യാൻ കഴിയുന്ന ആനിമേറ്റഡ് അവതാറുകൾ സൃഷ്ടിച്ചെടുക്കാൻ വാട്സ്ആപ്പ് (WhatsApp) യൂസേഴ്സിനെ ഈ ഫീച്ചർ സഹായിക്കുന്നു. അവതാറു (Avatars)കൾ പിന്നീട് വേണമെങ്കിൽ വാട്സ്ആപ്പ് (WhatsApp) പ്രൊഫൈൽ പിക്ചറുകൾ ആക്കാൻ സാധിക്കും. കസ്റ്റമൈസ്ഡ് സ്റ്റിക്കറുകൾ അയയ്ക്കാനും വാട്സ്ആപ്പ് (WhatsApp) അവതാറുകൾ ഉപയോഗിക്കാം.
വാട്സ്ആപ്പ് നാല് പുതിയ ഫീച്ചറുകളുള്ള അവതാർ (Avatar) സ്റ്റിക്കറുകളാണ് പുതിയതായി അവതരിപ്പിച്ചത്. സുഹൃത്തുക്കളുമായി പങ്കിടുന്നതിനും, പ്രൊഫൈൽ ചിത്രമായി ഉപയോഗിക്കുന്നതിനും നിങ്ങളുടെ സ്വന്തം അവതാർ (Avatars) ഇനി ഉപയോഗിക്കാനാകും. ഈ പുതിയ ഫീച്ചർ ഉപയോഗിച്ച് ഉപയോക്താക്കൾക്ക് അവരുടെ ഡിജിറ്റൽ രൂപവും ഭാവവും ഇഷ്ടാനുസൃതമാക്കി സൃഷ്ടിക്കാനും പങ്കുവക്കാനും സാധിക്കുന്നു. അവതാറി (Avatar) ന്റെ ആകൃതി, നിറം, വസ്ത്രങ്ങൾ, ആക്സസറികൾ എന്നിവ സ്വയം തിരഞ്ഞെടുക്കാം.
ഒരു അവതാർ (Avatar) സൃഷ്ടിച്ചുകഴിഞ്ഞാൽ, അത് ഒരു പ്രൊഫൈൽ ഫോട്ടോയായി ഉപയോഗിക്കാം. കൂടാതെ ഒരു കൂട്ടം സ്റ്റിക്കറുകൾ സൃഷ്ടിക്കുകയും ചെയ്യാം. ഉപയോക്താക്കൾക്ക് ഇപ്പോൾ പുതിയ സ്റ്റിക്കറുകൾ ഷെയർ ചെയ്യാനാകും. ചില സ്റ്റിക്കറുകൾ അവയുടെ ദൃശ്യഭംഗി മെച്ചപ്പെടുത്തുന്നതിന് മാറ്റി ഡിസൈൻ ചെയ്യുകയും മാറ്റി സ്ഥാപിക്കുകയും ചെയ്യുന്നു. കൂടാതെ ഉപയോക്താക്കൾ അവരുടെ സുഹൃത്തുക്കളെ അറിയിക്കാൻ ആഗ്രഹിക്കുന്ന വികാരങ്ങളുടെയും ഭാവങ്ങളുടെയും വിശാലമായ ശ്രേണി പ്രതിഫലിപ്പിക്കുന്നുമുണ്ട്.
സുഹൃത്തുക്കളുമായും കുടുംബാംഗങ്ങളുമായും ആശയവിനിമയം നടത്താൻ കൂടുതൽ വ്യക്തിപരവും ആവിഷ്‌കൃതവുമായ അവതാർ സ്റ്റിക്കറുകളാണ് അവതരിപ്പിച്ചിട്ടുള്ളത്. പുതിയ സ്റ്റിക്കർ പായ്ക്ക് Android, iOS എന്നിവയിലെ എല്ലാ ഉപയോക്താക്കൾക്കും ഇപ്പോൾ ലഭ്യമാണ്. അതിന്റെ പ്ലാറ്റ്‌ഫോം തുടർച്ചയായി മെച്ചപ്പെടുത്തുന്നതിനും നവീകരിക്കുന്നതിനുമുള്ള വാട്സ്ആപ്പിന്റെ പ്രതിബദ്ധത സാധ്യമായ ഏറ്റവും മികച്ച ഉപയോക്തൃ അനുഭവം നൽകാനുള്ള അതിന്റെ സമർപ്പണത്തിന്റെ തെളിവാണ്. ലോകമെമ്പാടുമുള്ള പ്രിയപ്പെട്ടവരുമായി ബന്ധം നിലനിർത്തുന്നതിന് വാട്സ്ആപ്പ് കൂടുതൽ ഫീച്ചറുകൾ അവതരിപ്പിച്ചുകൊണ്ടേയിരിക്കുന്നു.