Jio vs Airtel vs Vi ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಗಳ ಬೆಲೆ ಮತ್ತು ಪ್ರಯೋಜನ ಒಂದಕ್ಕೊಂದು ಹೋಲಿಕೆ ಇಲ್ಲಿದೆ ನೋಡಿ!

ದೇಶದ ಎಲ್ಲಾ ಖಾಸಾಗಿ ಟೆಲಿಕಾಂ ಕಂಪೆನಿಗಳು ಪ್ರಿಪೇಯ್ಡ್ ಯೋಜನೆಗಳ ಬೆಲೆಗಳನ್ನು ಹೆಚ್ಚಿಸಿರುವುದು ನಿಮೆಲ್ಲಾ ತಿಳಿದಿದೆ ಎಂದುಕೊಂಡಿದ್ದೇವೆ. ಅದರಲ್ಲೂ ದೇಶದ ಪ್ರಮುಖ ಮೂರು ಖಾಸಾಗಿ ಕಂಪೆನಿಗಳಾದ ರಿಲಯನ್ಸ್ ಜಿಯೋ ಏರ್‌ಟೆಲ್ ಮತ್ತು ವೊಡಾಫೋನ್-ಐಡಿಯಾ ಎಲ್ಲವೂ ತಮ್ಮ ಅಧಿಕೃತ ಸೈಟ್‌ನಲ್ಲಿ ಈಗಾಗಲೇ ಹೆಚ್ಚು ಬೆಲೆಯನ್ನು ಹೊಂದಿರುವ ತಮ್ಮ ರೀಚಾರ್ಜ್ ಯೋಜನೆಗಳನ್ನು ಪರಿಷ್ಕರಿಸಿವೆ. ಒಂದು ವೇಳೆ ನೀವು 250 ರೂ. ಒಳಗಿನ ರೀಚಾರ್ಜ್ ಯೋಜನೆಗಳನ್ನು ಆಯ್ದುಕೊಳ್ಳುವುದಾದರೆ ಜಿಯೋ ವಿ ಮತ್ತು ಏರ್‌ಟೆಲ್ ರೀಚಾರ್ಜ್ ಯೋಜನೆಗಳಲ್ಲಿ 250ರೂ.ಅಡಿಯಲ್ಲಿ ಲಭ್ಯವಿರುವ ಪ್ರಿಪೇಯ್ಡ್ ಪ್ಲಾನ್ ಇತ್ತೀಚಿನ ಹೋಲಿಕೆಯನ್ನು ಇಂದಿನ ಲೇಖನದಲ್ಲಿ ನೋಡಬಹುದು.

250 ರೂ. ರಿಲಯನ್ಸ್ ಜಿಯೋ ಪ್ರಿಪೇಯ್ಡ್ ಯೋಜನೆಗಳು:

Airtel ಮತ್ತು Vi ಗೆ ಹೋಲಿಸಿದರೆ ರಿಲಯನ್ಸ್ ಜಿಯೋ ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ ಸ್ವಲ್ಪ ಉತ್ತಮ ಪ್ರಯೋಜನಗಳನ್ನು ನೀಡುತ್ತಿದೆ. ಜಿಯೋವಿನ ರೂ 179 ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯು ದಿನಕ್ಕೆ 1GB ಡೇಟಾ ಅನಿಯಮಿತ ಧ್ವನಿ ಕರೆಗಳು ಮತ್ತು 100 SMS ಅನ್ನು 24 ದಿನಗಳವರೆಗೆ ನೀಡುತ್ತಿದೆ. ಇನ್ನು 1.5GB ದೈನಂದಿನ ಡೇಟಾವನ್ನು ಬಯಸುವವರು 239 ರೂ.ಗಳ ಜಿಯೋ ಪ್ರಿಪೇಯ್ಡ್ ಯೋಜನೆಯನ್ನು ಖರೀದಿಸಬಹುದು. ಈ ಯೋಜನೆಯು ಅನಿಯಮಿತ ಧ್ವನಿ ಕರೆಗಳು ಮತ್ತು ದಿನಕ್ಕೆ 100 SMSಗಳನ್ನು ಹೊಂದಿದೆ.

ಈ ಯೋಜನೆಯು 28 ದಿನಗಳ ಮಾನ್ಯತೆಯ ಅವಧಿಯೊಂದಿಗೆ ಬರುತ್ತದೆ. ವೈ-ಫೈ ಬಳಸುತ್ತಿರುವವರು ಮತ್ತು ಹೆಚ್ಚಿನ ಡೇಟಾ ಅಗತ್ಯವಿಲ್ಲದವರು 155 ರೂ.ಗಳ ಜಿಯೋ ಯೋಜನೆಯನ್ನು ಪರಿಶೀಲಿಸಬಹುದು. ಇದು 2GB ಒಟ್ಟು ಡೇಟಾ ಅನಿಯಮಿತ ಧ್ವನಿ ಕರೆ ಪ್ರಯೋಜನಗಳು ಮತ್ತು 50 SMS ನೀಡುತ್ತದೆ. ಒಮ್ಮೆ ನೀವು ಖರೀದಿಸಿದ ಯೋಜನೆಯು 28 ದಿನಗಳವರೆಗೆ ಮಾನ್ಯವಾಗಿರುತ್ತದೆ.

250 ರೂ.ಏರ್‌ಟೆಲ್ ಪ್ರಿಪೇಯ್ಡ್ ಪ್ಲಾನ್‌ಗಳು:

250 ರೂ.ಅಡಿಯಲ್ಲಿ ಏರ್‌ಟೆಲ್ ರೂ 179 ಪ್ರಿಪೇಯ್ಡ್ ಯೋಜನೆಯನ್ನು ಸಹ ನೀಡುತ್ತಿದೆ ಇದು 2GB ಡೇಟಾ 300 SMS ಮತ್ತು 28 ದಿನಗಳವರೆಗೆ ಅನಿಯಮಿತ ಧ್ವನಿ ಕರೆಗಳೊಂದಿಗೆ ರವಾನಿಸುತ್ತದೆ. ಜಿಯೋಗೆ ಹೋಲಿಸಿ ನೋಡುವುದಾರೆ ಜಿಯೋ 155 ರೂ.ಗಳಲ್ಲಿ ಇದೇ ರೀತಿಯ ಯೋಜನೆಯನ್ನು ನೀಡುತ್ತಿದೆ. ಆದರೆ ಇಲ್ಲಿ SMS ಸಂಖ್ಯೆಗಳು ಹೆಚ್ಚಿವೆ.

24 ದಿನಗಳವರೆಗೆ ವ್ಯಾಲಿಡಿಟಿ ಹೊಂದಿರುವ 239 ರೂ. ಏರ್‌ಟೆಲ್ ಪ್ಲಾನ್ ಸಹ ಇದ್ದು ಈ ಯೋಜನೆಯಲ್ಲಿ ದಿನಕ್ಕೆ 1GB ಡೇಟಾ ದಿನಕ್ಕೆ 100 SMS ಮತ್ತು ಅನಿಯಮಿತ ಕರೆಗಳು ಸೇರಿವೆ. ಎರಡೂ ಯೋಜನೆಗಳು ಅಮೆಜಾನ್ ಪ್ರೈಮ್ ಮೊಬೈಲ್ ಆವೃತ್ತಿ ಚಂದಾದಾರಿಕೆಗೆ ಉಚಿತ ಪ್ರವೇಶವನ್ನು ತರುತ್ತವೆ. ಉಚಿತ ಹೆಲೋಟ್ಯೂನ್ಸ್ ಮತ್ತು ವಿಂಕ್ ಸಂಗೀತ ಸಿಗಲಿದೆ.

250 ರೂ. Vi ರೀಚಾರ್ಜ್ ಯೋಜನೆಗಳು:

250 ರೂ. ಅಡಿಯಲ್ಲಿ ವೊಡಾಫೋನ್ ಐಡಿಯಾ ಕೇವಲ ಒಂದು ಪ್ರಿಪೇಯ್ಡ್ ಯೋಜನೆಯನ್ನು ಹೊಂದಿದೆ ಮತ್ತು ಅದು ರೂ 179 ರೀಚಾರ್ಜ್ ಪ್ಯಾಕ್ ಆಗಿದೆ. ಇದು 28 ದಿನಗಳ ಮಾನ್ಯತೆಯ ಅವಧಿಯೊಂದಿಗೆ ಬರುತ್ತದೆ. ಈ ಯೋಜನೆಯಲ್ಲಿ ಅನಿಯಮಿತ ಕರೆ ಪ್ರಯೋಜನ ಮತ್ತು 300 SMS ಗಳಳು ಲಭ್ಯವಿವೆ. ಈ ಯೋಜನೆಯು 28 ದಿನಗಳವರೆಗೆ ಒಟ್ಟು 2GB ಡೇಟಾವನ್ನು ಮಾತ್ರ ನೀಡುತ್ತದೆ ಎಂಬುದನ್ನು ಗಮನಿಸಬೇಕು. 1GB ದೈನಂದಿನ ಡೇಟಾವನ್ನು ಬಯಸುವವರು ಹೊಸ 269 .ರೂ Vi ರೀಚಾರ್ಜ್ ಯೋಜನೆಯನ್ನು ಖರೀದಿಸಬೇಕಾಗುತ್ತದೆ.