ಇನ್ಮೇಲೆ ಉಚಿತ 5G ಇಂಟರ್ನೆಟ್‌ ಸಿಗೋಲ್ಲ! ಇದೆ ಕಾರಣಕ್ಕಾಗಿ Airtel-Jio ತಮ್ಮ 5G ಪ್ಲಾನ್‌ಗಳು ದುಬಾರಿಯಾಗಲಿದೆ

ಭಾರತದ ಅತಿದೊಡ್ಡ ಟೆಲಿಕಾಂ ಕಂಪನಿಗಳಾದ Airtel-Jio ಪ್ರಸ್ತುತ ನೀಡುತ್ತಿರುವ ತಮ್ಮ ಉಚಿತ 5G ಇಂಟರ್ನೆಟ್‌ನ ದಿನಗಳು ಶೀಘ್ರದಲ್ಲೇ ಕೊನೆಗೊಳ್ಳಬಹುದು. Jio ಮತ್ತು Airtel ಒಂದು ವರ್ಷಕ್ಕೂ ಹೆಚ್ಚು ಕಾಲ ಉಚಿತವಾಗಿ ಅನಿಯಮಿತ 5G ಡೇಟಾವನ್ನು ನೀಡುತ್ತಿವೆ. ಆದರೆ ಈಗ ಈ ಸೌಲಭ್ಯ ಕೊನೆಗೊಳ್ಳಬಹುದು. ಟೆಲಿಕಾಂ ಕಂಪನಿಗಳು ಶೀಘ್ರದಲ್ಲೇ 5G ಗಾಗಿ ವಿಭಿನ್ನ ಯೋಜನೆಗಳನ್ನು ಪರಿಚಯಿಸಲಿವೆ. 2024 ರ ದ್ವಿತೀಯಾರ್ಧದಲ್ಲಿ ಏರ್‌ಟೆಲ್ ಮತ್ತು ರಿಲಯನ್ಸ್ ಜಿಯೋ 5G ಚಾರ್ಜ್ ಮಾಡಲು ಪ್ರಾರಂಭಿಸಬಹುದು ಎಂದು ವಿಶ್ಲೇಷಕರು ಅಂದಾಜಿಸಿದ್ದಾರೆ.

Also Read: Amazon ರಿಪಬ್ಲಿಕ್ ಡೇ ಸೇಲ್‌ನಲ್ಲಿ 20,000 ರೂಗಳಲ್ಲಿನ ಲೇಟೆಸ್ಟ್ Washing Machine ಮೇಲೆ ಭಾರಿ ಡಿಸ್ಕೌಂಟ್‌!

Airtel-Jio ಇನ್ಮೇಲೆ ಅನ್ಲಿಮಿಟೆಡ್ 5G ಸೇವೆಗಾಗಿ ಹೆಚ್ಚುವರಿ ಶುಲ್ಕ

ಎಕನಾಮಿಕ್ ಟೈಮ್ಸ್ ವರದಿಯ ಪ್ರಕಾರ ರಿಲಯನ್ಸ್ ಜಿಯೋ ಮತ್ತು ಏರ್‌ಟೆಲ್ 2024 ರ ದ್ವಿತೀಯಾರ್ಧದಿಂದ 5G ಇಂಟರ್ನೆಟ್ ಯೋಜನೆಗಳನ್ನು ಪರಿಚಯಿಸಬಹುದು ಮತ್ತು ಉಚಿತ 5G ಇಂಟರ್ನೆಟ್ ಸೌಲಭ್ಯವನ್ನು ಕೊನೆಗೊಳಿಸಬಹುದು. ಇದರರ್ಥ ಕಂಪನಿಗಳು ಪ್ರೀಮಿಯಂ ಗ್ರಾಹಕರಿಗೆ ತಮ್ಮ ಅನಿಯಮಿತ 5G ಡೇಟಾ ಯೋಜನೆಗಳನ್ನು ಹಿಂಪಡೆಯಬಹುದು ಮತ್ತು 4G ನೆಟ್ವರ್ಕ್ಗೆ ಹೋಲಿಸಿದರೆ 5G ಸೇವೆಗೆ ಕನಿಷ್ಠ 5-10% ಹೆಚ್ಚು ಶುಲ್ಕ ವಿಧಿಸಬಹುದು. ಅಂದರೆ ಈಗಿರುವ ಪ್ಲಾನ್‌ಗಳಿಗಿಂತ 5G ಪ್ಲಾನ್‌ಗಳು ಶೇಕಡಾ 10% ರಷ್ಟು ಹೆಚ್ಚು ದುಬಾರಿಯಾಗಬಹುದು.

ಅನ್ಲಿಮಿಟೆಡ್ 5G ಪ್ಲಾನ್ ಬೆಲೆ ಏರಿಕೆಯಾಗಲು ಕಾರಣ

ದೇಶದ ಈ ಟೆಲಿಕಾಂ ಕಂಪನಿಗಳ ಆದಾಯವನ್ನು ಹೆಚ್ಚಿಸಲು ಟೆಲಿಕಾಂ ಕಂಪನಿಗಳು ಉಚಿತ 5G ಇಂಟರ್ನೆಟ್ ಪ್ರಯೋಗವನ್ನು ನಿಲ್ಲಿಸಬಹುದು ಎಂದು ವಿಶ್ಲೇಷಕರು ಹೇಳುತ್ತಾರೆ. 2024 ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಈ ಎರಡೂ ಟೆಲಿಕಾಂ ಕಂಪನಿಗಳು 5G ವಯಲದಲ್ಲಿ ಮಾಡಿದ ಬೃಹತ್ ಹೂಡಿಕೆಗಳನ್ನು ಮರುಪಡೆಯಲು ಮೊಬೈಲ್ ಯೋಜನೆಗಳ ಸುಂಕಗಳನ್ನು (Plan Rate) ಕನಿಷ್ಠ 20% ವರೆಗೆ ಹೆಚ್ಚಿಸಬಹುದು ಎಂದು ಉದ್ಯಮ ತಜ್ಞರು ನಿರೀಕ್ಷಿಸುತ್ತಿದ್ದಾರೆ.

ಭಾರತೀಯ ಟೆಲಿಕಾಂ ಮಾರುಕಟ್ಟೆಯಲ್ಲಿನ ಇತರ ಎರಡು ಕಂಪನಿಗಳು ವೊಡಾಫೋನ್-ಐಡಿಯಾ ಮತ್ತು ಸರ್ಕಾರಿ ಸ್ವಾಮ್ಯದ BSNL ಇನ್ನೂ ತಮ್ಮ 5G ಸೇವೆಯನ್ನು ಪ್ರಾರಂಭಿಸಿಲ್ಲ. ಹೊಸ 5G ಯೋಜನೆಗಳು ಬರಬಹುದು. Airtel ಮತ್ತು Reliance Jio ಶೀಘ್ರದಲ್ಲೇ ತಮ್ಮ ಹೊಸ 5G ಯೋಜನೆಗಳನ್ನು ಪ್ರಕಟಿಸಬಹುದು. ಇದು 4G ಗಿಂತ 5-10% ಹೆಚ್ಚು. Jio ಮತ್ತು Airtel ಈಗಾಗಲೇ ಸುಮಾರು 125 ಮಿಲಿಯನ್ (12.5 ಕೋಟಿ) 5G ಗ್ರಾಹಕರನ್ನು ಹೊಂದಿದೆ ಮತ್ತು 2024 ರ ಅಂತ್ಯದ ವೇಳೆಗೆ ದೇಶದ ಒಟ್ಟು 5G ಬಳಕೆದಾರರ ಸಂಖ್ಯೆ 200 ಮಿಲಿಯನ್ (20 ಕೋಟಿ) ಮೀರಬಹುದು.

Also Join: ಲೇಟೆಸ್ಟ್ ಕನ್ನಡ ಟೆಕ್ನಾಲಜಿ ನ್ಯೂಸ್ ಅಪ್ಡೇಟ್‌ಗಳಿಗಾಗಿ ನಮ್ಮ WhatsApp ಚಾನಲ್ ಸೇರಿಕೊಳ್ಳಿ

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile