ಏರ್ಟೆಲ್‌ನ 5G ನೆಟ್ವರ್ಕ್ ಈಗ ದೇಶದ 3000 ನಗರಗಳಲ್ಲಿ ಲಭ್ಯ! ಸ್ಪೀಡ್ ಮತ್ತು ಪ್ರಯೋಜನಗಳೇನು?

ಇತ್ತೀಚೆಗೆ ದೇಶದಾದ್ಯಂತ ಭಾರ್ತಿ ಏರ್ಟೆಲ್ (Airtel) ತನ್ನ ಅತಿದೊಡ್ಡ 5G ನೆಟ್ವರ್ಕ್ ಯೋಜನೆಯನ್ನು 3000 ಭಾರತೀಯ ಪಟ್ಟಣಗಳು ಮತ್ತು ನಗರಗಳಲ್ಲಿ ತಲುಪುತ್ತದೆ ಎಂದು ಘೋಷಿಸಿದೆ. ಏರ್ಟೆಲ್ (Airtel) 5G ಪ್ಲಸ್ ಎಂದು ಕರೆಯಲಾಗುವ ಐದನೇ ತಲೆಮಾರಿನ ನೆಟ್‌ವರ್ಕ್ ಸಂಪರ್ಕವು ಏರ್‌ಟೆಲ್ ಬಳಕೆದಾರರಿಗೆ ಜಮ್ಮುವಿನ ಕತ್ರಾದಿಂದ ಕೇರಳದ ಕಣ್ಣೂರು, ಬಿಹಾರದ ಪಾಟ್ನಾದಿಂದ ತಮಿಳುನಾಡಿನ ಕನ್ಯಾಕುಮಾರಿ, ಅರುಣಾಚಲ ಪ್ರದೇಶದ ಇಟಾನಗರದ ಕೇಂದ್ರಾಡಳಿತ ಪ್ರದೇಶಗಳಲ್ಲೂ ಲಭ್ಯವಿದೆ. ಏರ್ಟೆಲ್ (Airtel) ತನ್ನ ಎಲ್ಲಾ ಬಳಕೆದಾರರಿಗೆ ಬಳಕೆಗಾಗಿ 5G ಅನ್ನು ಒದಗಿಸುವ ಭಾರತದ ಮೊದಲ ಮೊಬೈಲ್ ಆಪರೇಟರ್ ಆಗಿದೆ. ಇದರರ್ಥ 5G ನೆಟ್‌ವರ್ಕ್ ಪ್ರದೇಶದಲ್ಲಿನ ಯಾವುದೇ ಏರ್‌ಟೆಲ್ ಬಳಕೆದಾರರು 5G ಸಂಪರ್ಕವನ್ನು ಪ್ರವೇಶಿಸಬಹುದು.

ಏರ್‌ಟೆಲ್ 5G ಪ್ಲಸ್ ಯೋಜನೆಗಳು

ಏರ್‌ಟೆಲ್ 5G ಗಾಗಿ ಯಾವುದೇ ವಿಶೇಷ ಯೋಜನೆಯನ್ನು ಬಿಡುಗಡೆ ಮಾಡಿಲ್ಲ. ಮೊಬೈಲ್ ಆಪರೇಟರ್ ರೂ 239 ಮತ್ತು ಅದಕ್ಕಿಂತ ಹೆಚ್ಚಿನ ಡೇಟಾ ಯೋಜನೆಯೊಂದಿಗೆ ಅನಿಯಮಿತ 5G ಡೇಟಾವನ್ನು ನೀಡುತ್ತಿದೆ. 5G ಸಕ್ರಿಯಗೊಳಿಸಿದ ನಗರಗಳಲ್ಲಿರುವ ಏರ್‌ಟೆಲ್ ಬಳಕೆದಾರರು ಸಕ್ರಿಯ ಪ್ರಿಪೇಯ್ಡ್ ಪ್ಯಾಕ್‌ಗಳಲ್ಲಿ ಒಂದನ್ನು ಹೊಂದಿದ್ದರೆ ದೈನಂದಿನ ಡೇಟಾ ಕ್ಯಾಪ್ ಬಗ್ಗೆ ಚಿಂತಿಸದೆ ಅನಿಯಮಿತ 5G ಡೇಟಾವನ್ನು ಆನಂದಿಸಬಹುದು.

ಏರ್‌ಟೆಲ್ 5ಜಿ ಪ್ಲಸ್ ಅನ್ನು ಹೇಗೆ ಸಕ್ರಿಯಗೊಳಿಸುವುದು

ನಿಮ್ಮ ಫೋನ್‌ನಲ್ಲಿ ಏರ್‌ಟೆಲ್ 5ಜಿ ಪ್ಲಸ್ ಅನ್ನು ಸಕ್ರಿಯಗೊಳಿಸಲು ಸೆಟ್ಟಿಂಗ್‌ಗಳು > ನೆಟ್‌ವರ್ಕ್ ಮತ್ತು ಕನೆಕ್ಟಿವಿಟಿಗೆ ಹೋಗಿ > ಏರ್‌ಟೆಲ್ ಸಿಮ್ ಮೇಲೆ ಟ್ಯಾಪ್ ಮಾಡಿ > 5ಜಿ ಸಕ್ರಿಯಗೊಳಿಸಿ. ಏರ್‌ಟೆಲ್ ಥ್ಯಾಂಕ್ಸ್ ಅಪ್ಲಿಕೇಶನ್ ಬಳಸಿಕೊಂಡು ನಿಮ್ಮ ಪ್ರದೇಶದಲ್ಲಿ 5G ಲಭ್ಯವಿದೆಯೇ ಎಂದು ನೀವು ಪರಿಶೀಲಿಸಬಹುದು.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile