ಭಾರತದಲ್ಲಿ ವಿವೋ (Vivo) ತನ್ನ ಲೇಟೆಸ್ಟ್ Vivo T3 Lite 5G ಸ್ಮಾರ್ಟ್ಫೋನ್ ಅನ್ನು ಅತಿ ಕಡಿಮೆ ಬೆಲೆಗೆ ಇಂದು 27ನೇ ಜೂನ್ 2024 ರಂದು ಅಧಿಕೃತವಾಗಿ ಬಿಡುಗಡೆಗೊಳಿಸಿದೆ. ಇದರ ವಿಶೇಷತೆ ನೋಡುವುದಾದರೆ 50MP ಪ್ರೈಮರಿ ಕ್ಯಾಮೆರಾ ಮತ್ತು MediaTek ಪ್ರೊಸೆಸರ್‌ನೊಂದಿಗೆ ಬಿಡುಗಡೆ ಮಾಡಲಾಗಿದೆ. ಈ ಸ್ಮಾರ್ಟ್ಫೋನ್ 4ನೇ ಜುಲೈ 2024 ರಂದು ಮಧ್ಯಾಹ್ನ 12:00 ಗಂಟೆಯಿಂದ ಮೊದಲ ಮಾರಾಟವಾಗಲಿದೆ. Vivo T3 Lite 5G ಇದು ಕಂಪನಿಯ ಜಾಗತಿಕ ಸೈಟ್‌ನಲ್ಲಿ ಪಟ್ಟಿ ಮಾಡಲಾದ Vivo Y28s 5G ಸ್ಮಾರ್ಟ್ಫೋನ್ ಮರುಬ್ರಾಂಡ್ ಆಗಿ ಮಾಡಿದ ಆವೃತ್ತಿಯಾಗಿದೆ.
Also Read: Vodafone Idea ನೀಡುತ್ತಿರುವ ಈ ರಿಚಾರ್ಜ್ ಯೋಜನೆಯಲ್ಲಿ ಪ್ರತಿದಿನ 3GB ಡೇಟಾದೊಂದಿಗೆ 48GB ಹೆಚ್ಚುವರಿ ಡೇಟಾ ಲಭ್ಯ!
Vivo T3 Lite 5G ಆರಂಭಿಕ ಬೆಲೆಯನ್ನು 4GB ಮತ್ತು 128GB ರೂಪಾಂತರಕ್ಕೆ 10,499 ರುಗಳಾದರೆ ಇದರ 6GB ಮತ್ತು 128GB ರೂಪಾಂತರಕ್ಕೆ 11,499 ರೂಗಳಾಗಿವೆ. ಅಲ್ಲದೆ ಗ್ರಾಹಕರು ಫ್ಲಿಪ್‌ಕಾರ್ಟ್, ವಿವೋ ಇಂಡಿಯಾ ವೆಬ್‌ಸೈಟ್‌ನಿಂದ ಫೋನ್ ಖರೀದಿಸಲು ಮತ್ತು ಆಫ್‌ಲೈನ್ ರಿಟೇಲ್ ಸ್ಟೋರ್‌ಗಳನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ. HDFC, ICICI ಬ್ಯಾಂಕ್ ಮತ್ತು ಫ್ಲಿಪ್‌ಕಾರ್ಟ್ ಆಕ್ಸಿಸ್ ಕ್ರೆಡಿಟ್ ಕಾರ್ಡ್ ಬಳಕೆದಾರರು 500 ರೂಪಾಯಿಗಳ ತ್ವರಿತ ರಿಯಾಯಿತಿಯನ್ನು ಸಹ ಪಡೆಯುತ್ತಾರೆ ಎಂದು ವಿವೋ ಘೋಷಿಸಿದೆ. ಈ ಫೋನ್‌ನ ಪರಿಣಾಮಕಾರಿ ಬೆಲೆ ರೂ 9,999 ಕ್ಕೆ ಇಳಿಯುತ್ತದೆ.
ಈ ಸ್ಮಾರ್ಟ್ಫೋನ್ 6.56 ಇಂಚಿನ HD+ (1,612 x 720 ಪಿಕ್ಸೆಲ್‌ಗಳು) LCD ಡಿಸ್‌ಪ್ಲೇಯನ್ನು 90Hz ರಿಫ್ರೆಶ್ ರೇಟ್ ಮತ್ತು 840nits ಬ್ರೈಟ್‌ನೆಸ್ ಹೊಂದಿದೆ. ಈ ಸ್ಮಾರ್ಟ್ಫೋನ್ ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 6300 ಪ್ರೊಸೆಸರ್ ಅನ್ನು 6GB RAM ಮತ್ತು 128GB ಸ್ಟೋರೇಜ್ ಹೊಂದಿದೆ. ವರ್ಚುವಲ್ ಮೋಡ್ ಮೂಲಕ ಈ RAM ಅನ್ನು ಹೆಚ್ಚುವರಿ 6GB ವರೆಗೆ ವಿಸ್ತರಿಸಬಹುದು. ಈ ಫೋನ್ ಅನ್ನು ಕಪ್ಪು ಮತ್ತು ಹಸಿರು ಬಣ್ಣದ ಆಯ್ಕೆಗಳಲ್ಲಿ ಬಿಡುಗಡೆ ಮಾಡಲಾಗಿದೆ.
Vivo T3 Lite 5G ಸ್ಮಾರ್ಟ್ಫೋನ್ ಲೇಟೆಸ್ಟ್ ಆಂಡ್ರಾಯ್ಡ್ 14 ಆಧಾರಿತ Funtouch OS 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಫೋನ್‌ನ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ಒದಗಿಸಲಾಗಿದೆ. ಇದರ ಪ್ರೈಮರಿ ಕ್ಯಾಮೆರಾ 50MP ಮತ್ತು 2MP ಡೆಪ್ತ್ ಸೆನ್ಸರ್ ಕೂಡ ಇದೆ. ಸೆಲ್ಫಿಗಾಗಿ ಫೋನ್‌ನ ಮುಂಭಾಗದಲ್ಲಿ 8MP ಕ್ಯಾಮೆರಾ ಇದೆ. Vivo T3 Lite 5G ಬ್ಯಾಟರಿಯು 5000mAh ಆಗಿದೆ ಮತ್ತು ಇದು ಧೂಳು ಮತ್ತು ಸ್ಪ್ಲಾಶ್ ಪ್ರತಿರೋಧಕ್ಕಾಗಿ IP64 ಅನ್ನು ರೇಟ್ ಮಾಡಲಾಗಿದೆ. ಸ್ಮಾರ್ಟ್ಫೋನ್ ಭದ್ರತೆಗಾಗಿ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಇಲ್ಲಿ ಜೋಡಿಸಲಾಗಿದೆ. ಅಲ್ಲದೆ ಈ ಸ್ಮಾರ್ಟ್ಫೋನ್ ಡ್ಯುಯಲ್ 5G ಸಂಪರ್ಕವನ್ನು ಸಹ ಇಲ್ಲಿ ಬೆಂಬಲಿಸಲಾಗುತ್ತದೆ.