POCO X6 Pro vs POCO X7 Pro ಹೊಸ ಫೋನಲ್ಲಿ ಏನೆಲ್ಲಾ ತುಂಬಿದೆ? ಬೆಲೆ ಹೆಚ್ಚಿಸಲು ಯಾವ ಫೀಚರ್ಗಳು ಕಾರಣ!

POCO X6 Pro vs POCO X7 Pro: ಚೀನಾದ ಜನಪ್ರಿಯ ಮತ್ತು ಬಜೆಟ್ ಸ್ಮಾರ್ಟ್ ಫೋನ್ ಬ್ರಾಂಡ್ ಆಗಿರುವ ಈ ಪೊಕೊ (POCO) ಕಂಪನಿ ಭಾರತದಲ್ಲಿ ತನ್ನ ಲೇಟೆಸ್ಟ್ POCO X7 Series ಬಿಡುಗಡೆಗೊಳಿಸಿದೆ. ಈ ಸರಣಿಯಲ್ಲಿ ಒಟ್ಟು ಎರಡು POCO X7 ಮತ್ತು POCO X7 Pro ಎಂಬ ಹೊಸ 5G ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆಗೊಳಿಸಿದೆ. ಪ್ರಸ್ತುತ ಕಳೆದ ವರ್ಷ ಬಿಡುಗಡೆಯಾಗಿರುವ POCO X6 Pro ಸ್ಮಾರ್ಟ್ಫೋನ್ ಈ ಹೊಸ ವರ್ಷದಲ್ಲಿ ಬಿಡುಗಡೆಯಾಗಿರುವ POCO X7 Pro ಹೋಲಿಸಿ ಟಾಪ್ ಹೈಲೈಟ್ ಫೀಚರ್ ಮತ್ತು ಬೆಲೆಯಲ್ಲಿ ಏನೇನು ಹೊಸ ಬದಲಾವಣೆಗಳನ್ನು ಕಂಪನಿ ನೀಡುತ್ತಿದೆ ಎನ್ನವುದರ ಸಂಪೂರ್ಣ ಮಾಹಿತಿಯನ್ನು ಈ ಕೆಳಗೆ ಪಟ್ಟಿ ಮಾಡಲಾಗಿದೆ.

POCO X6 Pro vs POCO X7 Pro ಡಿಸ್ಪ್ಲೇಗಳಲ್ಲಿ ವ್ಯತ್ಯಾಸಗಳೇನು?

ಮೊದಲಿಗೆ POCO X6 Pro ಸ್ಮಾರ್ಟ್ ಫೋನ್ ನಿಮಗೆ 6.67 ಇಂಚಿನ CrystalRes 1.5K Flow AMOLED ಡಾಟ್ ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 1800 ನಿಟ್ಸ್ ಬ್ರೈಟ್‌ನೆಸ್ ಅನ್ನು ಸಪೋರ್ಟ್ ಮಾಡುತ್ತದೆ. ಮತ್ತೊಂದೆಡೆಯಲ್ಲಿ ಈ ಹೊಸ POCO X7 Pro ಸ್ಮಾರ್ಟ್ ಫೋನ್ 6.67 CrystalRes AMOLED ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 3200 ನಿಟ್ಸ್ ಗರಿಷ್ಠ ಹೊಳಪನ್ನು ಹೊಂದಿದೆ ಅಂದರೆ ಹೊರಗಡೆ ಸೂರ್ಯನ ಬೆಳಕಿನಲ್ಲೂ POCO X7 Pro ಸ್ಮಾರ್ಟ್ ಫೋನ್ ಉತ್ತಮವಾಗಿ ಬಳಸಬಹುದೆಂದು ಅರ್ಥ.

POCO X6 Pro vs POCO X7 Pro ಕ್ಯಾಮೆರಾಗಳಲ್ಲಿ ವ್ಯತ್ಯಾಸಗಳೇನು?

ಮೊದಲಿಗೆ POCO X6 Pro ಸ್ಮಾರ್ಟ್ ಫೋನ್ ಹಿಂಭಾಗದಲ್ಲಿ ಒಟ್ಟು 3 ಕ್ಯಾಮೆರಾ ಲೆನ್ಸ್ ಹೊಂದಿದ್ದು 64MP+8MP+2MP ಮಾದರಿಯಲ್ಲಿ ಬರುತ್ತದೆ ಮತ್ತು ಮುಂಭಾಗದಲ್ಲಿ ಸೇಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ 16MP ಸೆನ್ಸರ್ ಹೊಂದಿದೆ. ಮತ್ತೊಂಡೆಯಲ್ಲಿ POCO X7 Pro ಸ್ಮಾರ್ಟ್ ಫೋನ್ ಡ್ಯುಯಲ್ ಕ್ಯಾಮೆರಾದೊಂದಿಗೆ 50MP + 8MP ಸೆನ್ಸರ್ ಹೊಂದಿದೆ ಮತ್ತು ಮುಂಭಾಗದಲ್ಲಿ ಸೇಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ 20MP ಸೆನ್ಸರ್ ಹೊಂದಿದೆ.

Also Read: ಅಮೆಜಾನ್ ಸೇಲ್‌ನಲ್ಲಿ ಈ ಲೇಟೆಸ್ಟ್ Smart TV ಮೇಲೆ ಜಬರ್ದಸ್ತ್ ಡಿಸ್ಕೌಂಟ್‌ಗಳು ಲಭ್ಯ

POCO X6 Pro vs POCO X7 Pro ಹಾರ್ಡ್ವೇರ್ ವ್ಯತ್ಯಾಸಗಳೇನು?

ಮೊದಲಿಗೆ POCO X6 Pro ಕುರಿತು ಮಾತನಾಡುವುದಾದರೆ ಇದು MediaTek Dimensity 8300-Ultra ಪ್ರೊಸೆಸರ್‌ನಿಂದ 12GB RAM ಮತ್ತು 512GB ಸಂಗ್ರಹದೊಂದಿಗೆ ಜೋಡಿಸಲ್ಪಟ್ಟಿದೆ. ಮತ್ತೊಂದೆಡೆಯಲ್ಲಿ Poco X7 Pro ಸಹ ಅದೇ MediaTek Dimensity 8400-Ultra ಪ್ರೊಸೆಸರ್‌ನಿಂದ ಚಾಲಿತವಾಗಿರುವ ಮೊದಲ ಸ್ಮಾರ್ಟ್‌ಫೋನ್‌ಗಳಲ್ಲಿ ಒಂದಾಗಿದೆ. ಫೋನ್ 12GB ಯ LPDDR5X RAM ಮತ್ತು 512GB UFS 4.0 ಸ್ಟೋರೇಜ್ ಪೂರಕವಾಗಿದೆ.

POCO X6 Pro vs POCO X7 Pro ಬ್ಯಾಟರಿ ಮತ್ತು ಸೆನ್ಸರ್ ವ್ಯತ್ಯಾಸಗಳೇನು?

ಬ್ಯಾಟರಿ ವಿಭಾಗದಲ್ಲಿ ಹಳೆಯದಕ್ಕಿಂತ ಹೊಸ ಮಾಡೆಲ್ ಉತ್ತಮವಾಗಿದೆ ಅಂದ್ರೆ POCO X6 Pro ಸ್ಮಾರ್ಟ್ಫೋನ್ ನಿಮಗೆ 5000mAh ಬ್ಯಾಟರಿಯನ್ನು 67W ವೇಗದ ಚಾರ್ಜಿಂಗ್ ಬೆಂಬಲಿಸಿದರೆ POCO X7 Pro ಸ್ಮಾರ್ಟ್ ಫೋನ್ ಬರೋಬ್ಬರಿ 6550mAh ಬ್ಯಾಟರಿಯೊಂದಿಗೆ 90W ಫಾಸ್ಟ್ ಚಾರ್ಜಿಂಗ್ ಅನ್ನು ಸಪೋರ್ಟ್ ಮಾಡುತ್ತದೆ.

POCO X6 Pro vs POCO X7 Pro ಬೆಲೆ ಮತ್ತು ಲಭ್ಯತೆಗಳೇನು?

ಕೊನೆಯದಾಗಿ ಈ POCO X6 Pro vs POCO X7 Pro ಸ್ಮಾರ್ಟ್ ಫೋನ್ಗಳ ಬೆಲೆ ಮತ್ತು ರೂಪಾಂತರಗಳ ಬಗ್ಗೆ ಮಾತನಾಡುವುದಾದರೆ ಇವುಗಳ ಮಾಹಿತಿಯನ್ನು ಈ ಕೆಳಗೆ ಪಟ್ಟಿ ಮಾಡಲಾಗಿದೆ. POCO X6 Pro ಸ್ಮಾರ್ಟ್ಫೋನ್ Black, Yellow ಮತ್ತು Grey ಬಣ್ಣಗಳಲ್ಲಿ ಬಂದ್ರೆ POCO X7 Pro ಸ್ಮಾರ್ಟ್ ಫೋನ್ Black, Green ಮತ್ತು Yellow ಬಣ್ಣಗಳಲ್ಲಿ ಬರುತ್ತದೆ.

POCO X6 Pro 5G

8GB RAM – 256GB ಸ್ಟೋರೇಜ್ ಬೆಲೆ ಫ್ಲಿಪ್‌ಕಾರ್ಟ್‌ನಲ್ಲಿ ₹20,999 ರೂಗಳಾಗಿವೆ.
12GB RAM – 512GB ಸ್ಟೋರೇಜ್ ಬೆಲೆ ಫ್ಲಿಪ್‌ಕಾರ್ಟ್‌ನಲ್ಲಿ ₹24,999 ರೂಗಳಾಗಿವೆ.

POCO X7 Pro 5G

8GB RAM – 256GB ಸ್ಟೋರೇಜ್ ಬೆಲೆ ಫ್ಲಿಪ್‌ಕಾರ್ಟ್‌ನಲ್ಲಿ ₹27,999 ರೂಗಳಾಗಿವೆ.
12GB RAM – 256GB ಸ್ಟೋರೇಜ್ ಬೆಲೆ ಫ್ಲಿಪ್‌ಕಾರ್ಟ್‌ನಲ್ಲಿ ₹29,999 ರೂಗಳಾಗಿವೆ.