8GB RAM ಮತ್ತು 32MP ಸೆಲ್ಫಿ ಕ್ಯಾಮೆರಾವುಳ್ಳ OPPO F27 5G ಬಿಡುಗಡೆ! ಬೆಲೆಯೊಂದಿಗೆ ಟಾಪ್ ಫೀಚರ್‌ಗಳೇನು ತಿಳಿಯಿರಿ!

ಚೀನಾದ ಜನಪ್ರಿಯ ಸ್ಮಾರ್ಟ್ಫೋನ್ ಬ್ರಾಂಡ್ ಒಪ್ಪೋ (OPPO) ಸ್ಮಾರ್ಟ್ಫೋನ್ ಬ್ರಾಂಡ್ ತನ್ನ ಲೇಟೆಸ್ಟ್ 32MP ಸೆಲ್ಫಿ ಕ್ಯಾಮೆರಾವುಳ್ಳ OPPO F27 5G ಬಿಡುಗಡೆಗೊಳಿಸಿದೆ. ಇದನ್ನು ಕಂಪನಿ ಕೇವಲ ಒಂದೇ ಒಂದು 8GB RAM ರೂಪಾಂತರದಲ್ಲಿ ಪರಿಚಯಿಸಿದ್ದು ಸ್ಟೋರೇಜ್ ಎರಡು ವೇರಿಯೆಂಟ್ಗಳಲ್ಲಿ ಲಭ್ಯವಿದೆ. ಹೊಸ OPPO F27 5G ಸ್ಮಾರ್ಟ್‌ಫೋನ್ ಅನ್ನು ಹ್ಯಾಲೊ ಲೈಟ್‌ನೊಂದಿಗೆ ಫ್ಲ್ಯಾಗ್‌ಶಿಪ್ ಕಾಸ್ಮೊಸ್ ರಿಂಗ್ ವಿನ್ಯಾಸದೊಂದಿಗೆ ಲಭ್ಯವಾಗುವಂತೆ ಮಾಡಲಾಗಿದೆ. ಈ OPPO F27 5G ಸ್ಮಾರ್ಟ್‌ಫೋನ್ MediaTek Dimensity 6300 ಪ್ರೊಸೆಸರ್ ಫೀಚರ್ಗಳನ್ನು ಹೊಂದಿದೆ. ಈ OPPO F27 5G ಬೆಲೆ ಮತ್ತು ವೈಶಿಷ್ಟ್ಯಗಳ ಬಗ್ಗೆ ಒಂದಿಷ್ಟು ಮಾಹಿತಿಯನ್ನು ಈ ಕೆಳಗೆ ಪಟ್ಟಿ ಮಾಡಲಾಗಿದೆ.

OPPO F27 5G ಬೆಲೆ ಮತ್ತು ಆಫರ್ಗಳೇನು?

OPPO F27 5G ಸ್ಮಾರ್ಟ್‌ಫೋನ್‌ನ 8GB RAM ಮತ್ತು 128GB ಸ್ಟೋರೇಜ್ ರೂಪಾಂತರದ ಬೆಲೆ 22,999 ರೂಗಳಿಗೆ ಲಭ್ಯವಾದರೆ ಇದರ 8GB RAM ಮತ್ತು 256GB ಸ್ಟೋರೇಜ್ ರೂಪಾಂತರವನ್ನು 24,999 ರೂಗಳಿಗೆ ಬಿಡುಗಡೆಗೊಳಿಸಿದೆ. ಇತ್ತೀಚಿನ F ಸರಣಿಯ ಸ್ಮಾರ್ಟ್‌ಫೋನ್‌ಗಳು ಒಪ್ಪೋ ಇಂಡಿಯಾದ ಇ-ಸ್ಟೋರ್, ಫ್ಲಿಪ್‌ಕಾರ್ಟ್ ಮತ್ತು ಆಫ್‌ಲೈನ್ ಸ್ಟೋರ್‌ಗಳಲ್ಲಿ ಇಂದಿನಿಂದ ಮಾರಾಟಕ್ಕೆ ಲಭ್ಯವಾಗಲಿವೆ. Federal Bank, SB, ICICI Bank, HDFC Bank, OneCard ಮತ್ತು Bank of Baroda ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ವಹಿವಾಟುಗಳ ಮೂಲಕ ಮಾಡಿದ ಖರೀದಿಗಳ ಮೇಲೆ ನೀವು ರೂ 2500 ರ ತ್ವರಿತ ಬ್ಯಾಂಕ್ ರಿಯಾಯಿತಿಯನ್ನು ಪಡೆಯುತ್ತೀರಿ.

OPPO F27 5G ವೈಶಿಷ್ಟ್ಯ ಮತ್ತು ವಿಶೇಷಣಗಳೇನು?

OPPO F27 5G ಸ್ಮಾರ್ಟ್‌ಫೋನ್ 6.67 ಇಂಚಿನ AMOLED FullHD+ (2400×1080 ಪಿಕ್ಸೆಲ್‌ಗಳು) ರೆಸಲ್ಯೂಶನ್ ಸ್ಕ್ರೀನ್ ಹೊಂದಿದೆ. ಡಿಸ್ಪ್ಲೇಯ ರಿಫ್ರೆಶ್ ದರ 120Hz ಮತ್ತು ಟಚ್ ಸ್ಯಾಂಪ್ಲಿಂಗ್ ದರ 240Hz ಆಗಿದೆ. ಸ್ಕ್ರೀನ್-ಟು-ಬಾಡಿ ಅನುಪಾತವು 92.2% ಪ್ರತಿಶತ ಮತ್ತು ಆಕಾರ ಅನುಪಾತವು 20:9 ಆಗಿದೆ. ಸ್ಕ್ರೀನ್ 2100 ನಿಟ್ಸ್ ಗರಿಷ್ಠ ಹೊಳಪನ್ನು ನೀಡುತ್ತದೆ.

Also Read: Motorola G45 5G ಸ್ಮಾರ್ಟ್‌ಫೋನ್ ಇಂದು ₹9999 ರೂಗಳಿಗೆ ಬಿಡುಗಡೆಯಾಗಿದೆ! ಟಾಪ್ 5 ಫೀಚರ್‌ಗಳೇನು?

ಸ್ಮಾರ್ಟ್ಫೋನ್ 50MP ಮೆಗಾಪಿಕ್ಸೆಲ್ Omnivision OVSOD primary ಪ್ರೈಮರಿ ಮತ್ತು 2 ಮೆಗಾಪಿಕ್ಸೆಲ್ Omnivision OVO2BIB ಪೋಟ್ರೇಟ್ ಕ್ಯಾಮೆರಾ ಸೆನ್ಸಾರ್ ಜೊತೆಗೆ ಅಪರ್ಚರ್ F/1.8 ಹೊಂದಿದೆ. ಸ್ಮಾರ್ಟ್ಫೋನ್ 32MP ಮೆಗಾಪಿಕ್ಸೆಲ್ ಸೋನಿ IMX615 ಸೆಲ್ಫಿ ಸೆನ್ಸರ್ ಅನ್ನು ಅಪರ್ಚರ್ F/2.4 ಹೊಂದಿದೆ. ಈ OPPO F27 5G ಸ್ಮಾರ್ಟ್‌ಫೋನ್‌ MediaTek Dimensity 6300 ಪ್ರೊಸೆಸರ್ ಮತ್ತು Mali G57 MP2 GPU ಹೊಂದಿದೆ. ಫೋನ್ 8GB RAM ಅನ್ನು ಹೊಂದಿದೆ. ಸ್ಮಾರ್ಟ್ಫೋನ್ 128GB ಮತ್ತು 256GB ಇಂಟರ್ನಲ್ ಸ್ಟೋರೇಜ್‌ನೊಂದಿಗೆ ಲಭ್ಯವಿದೆ.

ಅಲ್ಲದೆ ಮೈಕ್ರೋ SD ಕಾರ್ಡ್ ಮೂಲಕ 2TB ವರೆಗೆ ಸ್ಟೋರೇಜ್ ವಿಸ್ತರಿಸಬಹುದು. ಈ ಫೋನ್ ಆಂಡ್ರಾಯ್ಡ್ 14 ಆಧಾರಿತ ColorOS 14 ನೊಂದಿಗೆ ಬರುತ್ತದೆ. ಭದ್ರತೆಗಾಗಿ ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಮತ್ತು ಫೇಸ್ ಅನ್‌ಲಾಕ್‌ನಂತಹ ವೈಶಿಷ್ಟ್ಯಗಳನ್ನು ಫೋನ್‌ನಲ್ಲಿ ಒದಗಿಸಲಾಗಿದೆ. OPPO F27 5G ಫೋನ್ IP64 ಧೂಳು ಮತ್ತು ನೀರಿನ ನಿರೋಧಕ ರೇಟಿಂಗ್ ಜೊತೆಗೆ 45W SuperVOOC ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ ದೊಡ್ಡ 5000mAh ಬ್ಯಾಟರಿಯನ್ನು ಒದಗಿಸಲಾಗಿದೆ. ಫೋನ್ ಸುಮಾರು 44 ನಿಮಿಷಗಳಲ್ಲಿ 0% ರಿಂದ 100% ಪ್ರತಿಶತದಷ್ಟು ಚಾರ್ಜ್ ಆಗುತ್ತದೆ.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile