ಭಾರತದಲ್ಲಿ ಐಕ್ಯೂ ಸ್ಮಾರ್ಟ್ಫೋನ್ ಬ್ರಾಂಡ್ ತನ್ನ ಹೊಚ್ಚ ಹೊಸ ಸ್ಮಾರ್ಟ್ಫೋನ್ iQoo Z7s 5G ಅನ್ನು ಪರಿಚಯಿಸಿದೆ. ಈ ಸ್ಮಾರ್ಟ್ಫೋನ್ ಈಗಾಗಲೇ ಬಿಡುಗಡೆಯಾಗಿರುವ Z7 ಸರಣಿಯ ಮತ್ತೊಂದು ವಿಶೇಷ ಗೇಮಿಂಗ್ ಸ್ಮಾರ್ಟ್ಫೋನ್ ಆಗಿದೆ. ಅಲ್ಲದೆ ಅದೇ ಮಾದರಿಯ ಎಲ್ಲ ಫೀಚರ್ಗಳನ್ನು ಕಂಪನಿ ಇದರಲ್ಲಿಯೂ ನೀಡುತ್ತಿದೆ. 44W ಫಾಸ್ಟ್ ಚಾರ್ಜ್ ಬೆಂಬಲದೊಂದಿಗೆ 4500mAh ಬ್ಯಾಟರಿಯೊಂದಿಗೆ MediaTek ಡೈಮೆನ್ಸಿಟಿ 920 ಪ್ರೊಸೆಸರ್ ಬದಲಿಗೆ ಇದರಲ್ಲಿ ನಿಮಗೆ ಪವರ್ಫುಲ್ Qualcomm ಆಕ್ಟಾ-ಕೋರ್ ಸ್ನಾಪ್ಡ್ರಾಗನ್ 695 ಪ್ರೊಸೆಸರ್ ಅನ್ನು ನೀಡಲಾಗಿದೆ. ಈ ಹೊಸ iQoo Z7s 5G ಸ್ಮಾರ್ಟ್ಫೋನ್ ನಿಮಗೆ ಒಟ್ಟಾರೆಯಾಗಿ 2 ರೂಪಾಂತರ ಮತ್ತು 2 ಬಣ್ಣಗಳಲ್ಲಿ ಲಭ್ಯವಿದೆ.
iQoo ತನ್ನ ಇತ್ತೀಚಿನ Z ಸರಣಿಯ ಸ್ಮಾರ್ಟ್ಫೋನ್ ಅನ್ನು ಎರಡು ವಿಭಿನ್ನ RAM ಕಾನ್ಫಿಗರೇಶನ್‌ಗಳಲ್ಲಿ ಲಭ್ಯಗೊಳಿಸಿದೆ. ಈ ಸ್ಮಾರ್ಟ್ಫೋನ್ ನಿಮಗೆ 6GB ಮತ್ತು 8GB ಎಂಬ ಎರಡು ವೇರಿಯಂಟ್ ಜೊತೆಗೆ 128GB ಇಂಟರ್ನಲ್ ಸ್ಟೋರೇಜ್ ಬರುತ್ತದೆ. iQoo Z7s 5G ಆರಂಭಿಕ ಬೆಲೆ 18,999 ರೂಗಳಾಗಿದೆ. ಇದರ ಕ್ರಮವಾಗಿ 8GB ರೂಪಾಂತರದ ಬೆಲೆ 19,999 ರೂಗಳಾಗಿದೆ. ಗ್ರಾಹಕರು ಅಧಿಕೃತ iQoo ವೆಬ್‌ಸೈಟ್ ಅಥವಾ ಅಮೆಜಾನ್ ಮೂಲಕ ಈ ಸ್ಮಾರ್ಟ್ಫೋನ್ ಅನ್ನು ಖರೀದಿಸಬಹುದು. ಈ ಸ್ಮಾರ್ಟ್ ಫೋನ್ ನಾರ್ವೆ ಬ್ಲೂ ಮತ್ತು ಪೆಸಿಫಿಕ್ ನೈಟ್‌ ಬಣ್ಣಗಳಲ್ಲಿ ಲಭ್ಯವಿದೆ.
iQoo ನಿಂದ ಸ್ಮಾರ್ಟ್ಫೋನ್ ಡ್ಯುಯಲ್ ನ್ಯಾನೊ ಸಿಮ್ ಕಾರ್ಡ್‌ಗಳನ್ನು ಬೆಂಬಲಿಸಲು ಘೋಷಿಸಲಾಗಿದೆ. ಮತ್ತು ಮೈಕ್ರೊ ಎಸ್‌ಡಿ ಕಾರ್ಡ್ ಅನ್ನು ಸರಿಹೊಂದಿಸಲು ಹೈಬ್ರಿಡ್ ಸ್ಲಾಟ್ ಅನ್ನು ನೀಡುತ್ತದೆ. 2400 x 1080 ಪಿಕ್ಸೆಲ್‌ಗಳ ರೆಸಲ್ಯೂಶನ್‌ನೊಂದಿಗೆ 6.38 ಇಂಚಿನ ಪೂರ್ಣ-HD+ ಡಿಸ್‌ಪ್ಲೇಯನ್ನು ಹೊಂದಿರುವ ಈ ಸ್ಮಾರ್ಟ್ಫೋನ್ 90Hz ರಿಫ್ರೆಶ್ ದರವನ್ನು ಹೊಂದಿದೆ. ಇದು ಆಂಡ್ರಾಯ್ಡ್ 13 ಆಪರೇಟಿಂಗ್ ಸಿಸ್ಟಮ್ ಅನ್ನು ಆಧರಿಸಿದ ಫನ್‌ಟಚ್ ಓಎಸ್ 13 ನೊಂದಿಗೆ ನಡೆಯುತ್ತದೆ.
ಕ್ಯಾಮೆರಾ ಸೆಟಪ್‌ಗೆ ಸಂಬಂಧಿಸಿದಂತೆ iQoo Z7s 5G ಸ್ಮಾರ್ಟ್ಫೋನ್ 64 ಮೆಗಾಪಿಕ್ಸೆಲ್ ಪ್ರೈಮರಿ ಸೆನ್ಸರ್ ಮತ್ತು 2-ಮೆಗಾಪಿಕ್ಸೆಲ್ ಸೆನ್ಸರ್ ಒಳಗೊಂಡಿರುವ ಡ್ಯುಯಲ್ ರಿಯರ್ ಕ್ಯಾಮೆರಾವನ್ನು ಹೊಂದಿದೆ. ಇದರ ಮುಂಭಾಗದಲ್ಲಿ ಇದು ಸೆಲ್ಫಿ ಮತ್ತು ವೀಡಿಯೊ ಕರೆಗಳನ್ನು ಸೆರೆಹಿಡಿಯಲು 16-ಮೆಗಾಪಿಕ್ಸೆಲ್ ಸೆನ್ಸರ್ ಅನ್ನು ಹೊಂದಿದೆ.
ಸ್ಮಾರ್ಟ್ಫೋನ್ ಆಕ್ಟಾ-ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 695 5G ಪ್ರೊಸೆಸರ್ ಮತ್ತು ಅಡ್ರಿನೋ 619L GPU ಅನ್ನು ಹೊಂದಿದೆ. ಇದು 8GB ವರೆಗೆ LPDDR4x RAM ಮತ್ತು 128GB UFS 2.2 ಇಂಟರ್ನಲ್ ಸ್ಟೋರೇಜ್ ಅನ್ನು ನೀಡುತ್ತದೆ. ಇದನ್ನು ಮೈಕ್ರೋ SD ಕಾರ್ಡ್ ಬಳಸಿ 1TB ವರೆಗೆ ವಿಸ್ತರಿಸಬಹುದು. iQoo Z7s 5G ವೈರ್ಡ್ ಸಂಪರ್ಕದ ಮೂಲಕ 44W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ 4500mAh ಬ್ಯಾಟರಿಯನ್ನು ಹೊಂದಿದೆ.