ಸಾಮಾನ್ಯವಾಗಿ ಎಲ್ಲರು ಬಳಸದ Google Map ಹೊಂದಿರುವ ಒಂದಿಷ್ಟು ಫೀಚರ್ಗಳ ಬಗ್ಗೆ ತಿಳಿಸಲಿದ್ದೇವೆ.
ನೀವು ಟ್ರಾಫಿಕ್, ಪೆಟ್ರೋಲ್ ಪಂಪ್‌ಗಳು ಮತ್ತು ಇತರ ಸೇವೆಗಳ ಮಾಹಿತಿಯನ್ನು ಸಹ ಪಡೆಯುತ್ತೀರಿ
ಸಾಮಾನ್ಯವಾಗಿ ನಾವು ಹೊರಗಡೆ ಹೋಗುವಾಗ ಗೂಗಲ್ ಮ್ಯಾಪ್ ತೆರೆದು ದೂರ ಮತ್ತು ನಾವು ಸೇರಬೇಕಿರುವ ಲೊಕೇಶನ್ ಮಾತ್ರ ಬಳಸುವುದು ರೂಢಿಯಲ್ಲಿದೆ. ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರ ವ್ಯಕ್ತಿಯ ಕೈಯಲ್ಲಿ ಸ್ಮಾರ್ಟ್ಫೋನ್ ಬಂದಿರುವುದು ನೋಡಬಹುದು. ಅಲ್ಲದೆ ಪ್ರತಿ ಸ್ಮಾರ್ಟ್ಫೋನ್ ಈಗ ಗೂಗಲ್ ನಕ್ಷೆಗಳನ್ನು (Google Maps) ಹೊಂದಿದೆ. ನೀವು ಎಲ್ಲಿಗೆ ಹೋಗಬೇಕೆಂದರೂ Google Maps ನಿಮಗೆ ಮಾರ್ಗವನ್ನು ಕ್ಷಣಮಾತ್ರದಲ್ಲಿ ತಿಳಿಸುತ್ತದೆ ಅಂದ್ರೆ ಇದು ಹಂತ ಹಂತವಾಗಿ ಪ್ರತಿ ಸ್ಥಳಕ್ಕೆ ಮಾರ್ಗವನ್ನು ಹೇಳುತ್ತದೆ. ಅಷ್ಟೇ ಅಲ್ಲ ಈ ಆಪ್‌ನಲ್ಲಿ ನೀವು ಟ್ರಾಫಿಕ್, ಪೆಟ್ರೋಲ್ ಪಂಪ್‌ಗಳು ಮತ್ತು ಇತರ ಸೇವೆಗಳ ಮಾಹಿತಿಯನ್ನು ಸಹ ಪಡೆಯುತ್ತೀರಿ. ನಿಮಗೆ ಇಲ್ಲಿ ಸಾಮಾನ್ಯವಾಗಿ ಎಲ್ಲರು ಬಳಸದ Google Map ಹೊಂದಿರುವ ಒಂದಿಷ್ಟು ಫೀಚರ್ಗಳ ಬಗ್ಗೆ ತಿಳಿಸಲಿದ್ದೇವೆ.
ಇಂಟರ್ನೆಟ್ ಇಲ್ಲದಿದ್ದರು ಗೂಗಲ್ ನಕ್ಷೆಗಳನ್ನು (Google Maps) ಬಳಸುವುದು ಹೇಗೆ?
ನಿಮಗೊತ್ತಾ ಕೆಲವೊಮ್ಮೆ ಇಂಟರ್ನೆಟ್ ಅಥವಾ ನೆಟ್‌ವರ್ಕ್ ಉತ್ತಮವಾಗಿಲ್ಲದ ಕಾಡು ಅಥವಾ ಪರ್ವತಗಳಲ್ಲಿ ನೀವು ಎಲ್ಲೋ ಕ್ಯಾಂಪಿಂಗ್‌ಗೆ ಹೋಗುತ್ತಿದ್ದರೆ ಈ ವೈಶಿಷ್ಟ್ಯವು ಅಲ್ಲಿ ತುಂಬಾ ಉಪಯುಕ್ತವಾಗಿದೆ. ಈ ಅಪ್ಲಿಕೇಶನ್‌ನಲ್ಲಿ ನೀವು ಆಫ್‌ಲೈನ್ ನಕ್ಷೆಗಳ ಫೀಚರ್ ಸಹ ಪಡೆಯುತ್ತೀರಿ. ಈ ವೈಶಿಷ್ಟ್ಯದೊಂದಿಗೆ ನೀವು ಇಂಟರ್ನೆಟ್ ಇಲ್ಲದೆಯೂ ನಕ್ಷೆಗಳನ್ನು ಬಳಸಲು ಸಾಧ್ಯವಾಗುತ್ತದೆ.
ಇದಕ್ಕಾಗಿ ನೀವು ಹೋಗುತ್ತಿರುವ ಸ್ಥಳದ ನಕ್ಷೆಯನ್ನು ಮುಂಚಿತವಾಗಿ ಡೌನ್‌ಲೋಡ್ ಮಾಡಬೇಕು. ಇದಕ್ಕಾಗಿ ನೀವು ಆಫ್‌ಲೈನ್ ಗೂಗಲ್ ನಕ್ಷೆಯನ್ನು (Google Maps) ಬಯಸುವ ಸ್ಥಳವನ್ನು ನೀವು ಹುಡುಕಬೇಕಾಗುತ್ತದೆ. ಮೇಲಿನ ಬಲ ಮೂಲೆಯಲ್ಲಿರುವ ಮೂರು ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ನೀವು ಆಫ್‌ಲೈನ್ ನಕ್ಷೆಯನ್ನು ಡೌನ್‌ಲೋಡ್ ಮಾಡುವ ಆಯ್ಕೆಯನ್ನು ಪಡೆಯುತ್ತೀರಿ ಅಷ್ಟೇ.
Google Map best hidden features
Google Map ಸೇವ್ ಪಾರ್ಕಿಂಗ್ ಫೀಚರ್ ಹೆಚ್ಚು ಉಪಯುಕ್ತವಾಗಿದೆ. ಈಗ ಕಛೇರಿಯಿಂದ ಮನೆಗೆ ಹೋಗುವಾಗ ಅಥವಾ ಮಾಲ್ ಪಾರ್ಕಿಂಗ್ ಸ್ಥಳದಲ್ಲಿ ನಿಮ್ಮ ಕಾರನ್ನು ಹುಡುಕುವಲ್ಲಿ ನೀವು ಸಮಸ್ಯೆಯನ್ನು ಎದುರಿಸಿದರೆ ಅದಕ್ಕಾಗಿ ಗೂಗಲ್ ನಕ್ಷೆಗಳ (Google Maps) ಈ ಫೀಚರ್ ಸಮಸ್ಯೆಯನ್ನು ಸಂಪೂರ್ಣವಾಗಿ ನಿವಾರಿಸುತ್ತದೆ.
ಗೂಗಲ್ ನಕ್ಷೆಗಳನ್ನು (Google Maps) ಸೇವ್ ಪಾರ್ಕಿಂಗ್ ಫೀಚರ್ ನಿಮ್ಮ ಕಾರನ್ನು ಸುರಕ್ಷಿತವಾಗಿ ನಿಲುಗಡೆ ಮಾಡಿದ ನಂತರ ಅಪ್ಲಿಕೇಶನ್ ತೆರೆದು ನಿಮ್ಮ ಸ್ಥಳವನ್ನು ತೋರಿಸುವ ನೀಲಿ ಚುಕ್ಕೆಯನ್ನು ಟಚ್ ಮಾಡಬೇಕು. ನಂತರ ನೀವು 7 ಪಾರ್ಕಿಂಗ್ ಆಯ್ಕೆಯನ್ನು ಕಾಣುವಿರಿ. ಆಂಡ್ರಾಯ್ಡ್ ಫೋನ್ ಹೊಂದಿದ್ದರೆ ಸ್ಥಳದೊಂದಿಗೆ ಫೋಟೋಗಳು ಮತ್ತು ನೋಟ್ ಸಹ ಸೇರಿಸಬಹುದು. ಅಲ್ಲದೆ ನಿಮ್ಮ ಕಾಂಟೆಕ್ಟ್ ಲಿಸ್ಟ್ ಒಳಗಿರುವ ಯಾರೊಂದಿಗಾದರೂ ನಿಮ್ಮ ವಾಹನದ ಸ್ಥಳವನ್ನು ನೀವು ಹಂಚಿಕೊಳ್ಳಬಹುದು.
Google Map ನಿಮ್ಮ ಮೆಚ್ಚಿನ ಸ್ಥಳಗಳನ್ನು ಲೇಬಲ್ ಮಾಡಿ
ಈ ಗೂಗಲ್ ನಕ್ಷೆಗಳ (Google Maps) ಲೇಬಲ್‌ಗಳನ್ನು ಸೇರಿಸುವ ಫೀಚರ್ ವಿಷಯಗಳನ್ನು ಹೆಚ್ಚು ಸುಲಭಗೊಳಿಸುತ್ತದೆ. ನೀವು ತುಂಬಾ ಇಷ್ಟಪಡುವ ಸ್ಥಳದಲ್ಲಿದ್ದರೆ ಈ ಫೀಚರ್ ನಿಮಗೆ ಬೇಕಾದಂತೆ ಆ ಸ್ಥಳವನ್ನು ತೋರಿಸುತ್ತದೆ. ಇದಕ್ಕಾಗಿ ನೀವು ಅಪ್ಲಿಕೇಶನ್‌ನಲ್ಲಿ ಸ್ಥಳವನ್ನು ಆರಿಸಬೇಕಾಗುತ್ತದೆ ಮತ್ತು ಅದರ ಹೆಸರಿನ ಮೇಲೆ ಟ್ಯಾಪ್ ಮಾಡಬೇಕು. ನಂತರ ಅದು ನಿಮಗೆ ಅದರ ಸಂಪೂರ್ಣ ಮಾಹಿತಿಯನ್ನು ತೋರಿಸುತ್ತದೆ. ಇದರ ನಂತರ ನೀವು ಮೇಲಿನ ಬಲ ಮೂಲೆಯಲ್ಲಿರುವ ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಬೇಕಾಗುತ್ತದೆ. ನಂತರ ನೀವು ಆಡ್ ಲೇಬಲ್ ಆಯ್ಕೆಯನ್ನು ಕಾಣಬಹುದು. ನಿಮ್ಮ ಆಯ್ಕೆಯ ಪ್ರಕಾರ ಆ ಸ್ಥಳದ ಹೆಸರನ್ನು ನೀಡಬಹುದು.
ವಾಟ್ಸಾಪ್ ಮಾದರಿಯಲ್ಲಿ ಲೈವ್ ಲೊಕೇಶನ್ ಹಂಚಿಕೊಳ್ಳಿ
ನಿಮ್ಮ ಸ್ನೇಹಿತರು ಅಥವಾ ಕುಟುಂಬಕ್ಕೆ ಕರೆ ಮಾಡದೆಯೇ ನೀವು ಎಲ್ಲಿದ್ದೀರಿ ಎಂದು ಹೇಳಲು ನೀವು ಬಯಸಿದರೆ ಅಥವಾ ನೀವು ಯಾರನ್ನಾದರೂ ಭೇಟಿಯಾಗಲು ಹೋಗಬೇಕಾದರೆ ಮತ್ತು ಅವರನ್ನು ಹುಡುಕಲು ಸಾಧ್ಯವಾಗದಿದ್ದರೆ ಅಂತಹ ಸಂದರ್ಭಗಳಲ್ಲಿ ಈ ಫೀಚರ್ ತುಂಬಾ ಉಪಯುಕ್ತವಾಗಿರುತ್ತದೆ. ಇದಕ್ಕಾಗಿ ನೀವು ನಿಮ್ಮ ಪ್ರೊಫೈಲ್ ಐಕಾನ್ ಮೇಲೆ ಕ್ಲಿಕ್ ಮಾಡಬೇಕು. ಇದರ ನಂತರ ಲೊಕೇಶನ್ ಶೇರ್ ಆಯ್ಕೆಯನ್ನು ಆರಿಸಿ ಮತ್ತು ನಿಮ್ಮ ಸ್ಥಳವನ್ನು ಹಂಚಿಕೊಳ್ಳಲು ಬಯಸುವ ವ್ಯಕ್ತಿಯನ್ನು ಆಯ್ಕೆ ಮಾಡಿ. ನೀವು ಇದರ ಅವಧಿಯನ್ನು 15 ನಿಮಿಷದಿಂದ 24 ಗಂಟೆಗಳವರೆಗೆ ಆಯ್ಕೆ ಮಾಡಬಹುದು. ಅವಧಿಯ ಮುಕ್ತಾಯದ ನಂತರ ಲೊಕೇಶನ್ ಶೇರ್ ಸೇವೆ ಸ್ವಯಂಚಾಲಿತವಾಗಿ ನಿಲ್ಲುತ್ತದೆ.
Follow Us
Ravi Rao
Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile
