ಫೋನ್‌ಪೇ ಅಲ್ಲೇ Income Tax Payment ಫೀಚರ್ ಪರಿಚಯ! ಹಾಗಾದ್ರೆ ಈ ಫೀಚರ್ ಬಳಸಿ ಪಾವತಿಸುವುದು ಹೇಗೆ?

ಭಾರತದ ಜನಪ್ರಿಯ ಇ-ವಾಲೆಟ್ PhonePe ಹೊಸದಾಗಿ ಆದಾಯ ತೆರಿಗೆ ಪಾವತಿ ಎಂಬ ಹೊಸ ಫೀಚರ್ ಅನ್ನು ಪರಿಚಯಿಸಿದೆ. ಈ ಫೀಚರ್ ತೆರಿಗೆದಾರರಿಗೆ ಅಪ್ಲಿಕೇಶನ್‌ನಿಂದಲೇ ನೇರವಾಗಿ ಸ್ವಯಂ ಮೌಲ್ಯಮಾಪನ ಮತ್ತು ಮುಂಗಡ ತೆರಿಗೆಯನ್ನು ಪಾವತಿಸಲು ಅನುಮತಿಸುತ್ತದೆ. ಈ ಫೀಚರ್ ಬಳಕೆದಾರರಿಗೆ UPI ಅಥವಾ ಇತರ ಲಭ್ಯವಿರುವ ಪಾವತಿ ವಿಧಾನವನ್ನು ಬಳಸಿಕೊಂಡು ತೆರಿಗೆಗಳನ್ನು ಪಾವತಿಸಲು ಅನುಮತಿಸುತ್ತದೆ. ದೇಶದ ಎಲ್ಲಾ ತೆರಿಗೆದಾರರು ತಮ್ಮ ಆದಾಯ ತೆರಿಗೆಯನ್ನು (ITR) ತುಂಬಲು ತಮ್ಮ ವಾರ್ಷಿಕ ಆದಾಯ ಮತ್ತು ಹಣಕಾಸುಗಳನ್ನು ನಿರ್ಣಯಿಸುವಲ್ಲಿ ನಿರತರಾಗಿರುವ ವರ್ಷದ ಕೊನೆ ಸಮಯ ಹತ್ತಿರದಲ್ಲಿದೆ.

PhonePe ಹೊಸ ಆದಾಯ ತೆರಿಗೆ ಪಾವತಿ ಫೀಚರ್ ಪರಿಚಯ

ಈ ಬಾರಿ ಅಂದ್ರೆ 2022-23ನೇ ಹಣಕಾಸು ವರ್ಷಕ್ಕೆ ಐಟಿಆರ್ ಸಲ್ಲಿಸಲು ಮತ್ತು ಪಾವತಿಸಲು 31ನೇ ಜುಲೈ 2023 ಕೊನೆಯ ದಿನಾಂಕವಾಗಿದೆ. ಈ ದಿನಾಂಕದ ನಂತರ ಐಟಿಆರ್ ಸಲ್ಲಿಸಲು ಗಡುವನ್ನು ವಿಸ್ತರಿಸಲಾಗುವುದಿಲ್ಲ ಎಂದು ಸರ್ಕಾರ ಸ್ಪಷ್ಟವಾಗಿ ಹೇಳಿದೆ. ತೆರಿಗೆ ಪಾವತಿಯಲ್ಲಿ ಮತ್ತಷ್ಟು ಸಹಾಯ ಮಾಡಲು ಭಾರತೀಯ ಡಿಜಿಟಲ್ ಪಾವತಿ ಕಂಪನಿ PhonePe ತನ್ನ ಅಪ್ಲಿಕೇಶನ್‌ನಲ್ಲಿ ಆದಾಯ ತೆರಿಗೆ ಪಾವತಿ ಎಂಬ ಹೊಸ ಫೀಚರ್ ಅನ್ನು ಪರಿಚಯಿಸಿದೆ. ಹೊಸ ಫೀಚರ್ ತೆರಿಗೆದಾರರು ತೆರಿಗೆಯನ್ನು ನೇರವಾಗಿ PhonePe ಅಪ್ಲಿಕೇಶನ್‌ನಿಂದಲೇ ಪಾವತಿಸಬಹುದು. ತೆರಿಗೆದಾರರಿಗೆ ತಡೆರಹಿತ ಅನುಭವವನ್ನು ಸೃಷ್ಟಿಸುವ ಗುರಿಯೊಂದಿಗೆ ತೆರಿಗೆ ಪೋರ್ಟಲ್‌ಗೆ ಲಾಗ್ ಇನ್ ಮಾಡುವ ಅಗತ್ಯವನ್ನು ನಿವಾರಿಸುತ್ತದೆ.

PhonePe ಈ ಫೀಚರ್ ಸಕ್ರಿಯಗೊಳಿಸಲು PayMate, ಡಿಜಿಟಲ್ B2B ಪಾವತಿಗಳು ಮತ್ತು ಸೇವಾ ಪೂರೈಕೆದಾರರೊಂದಿಗೆ ಪಾಲುದಾರಿಕೆ ಹೊಂದಿದೆ. PhonePe ಸೋಮವಾರ ತನ್ನ ಇತ್ತೀಚಿನ ಫೀಚರ್ ಅನ್ನು ಪರಿಚಯಿಸಿತು ಬಳಕೆದಾರರು ತಮ್ಮ ಕ್ರೆಡಿಟ್ ಕಾರ್ಡ್ ಅಥವಾ UPI ಅನ್ನು ಬಳಸಿಕೊಂಡು ಅನುಕೂಲಕರವಾಗಿ ತಮ್ಮ ತೆರಿಗೆಗಳನ್ನು ಪಾವತಿಸಲು ಅನುವು ಮಾಡಿಕೊಡುತ್ತದೆ. ಈ ಫೀಚರ್ ಕ್ರೆಡಿಟ್ ಕಾರ್ಡ್ ಪಾವತಿಗಳಿಗೆ ಹೆಚ್ಚುವರಿ ಪ್ರಯೋಜನಗಳೊಂದಿಗೆ ಬರುತ್ತದೆ. ಏಕೆಂದರೆ ಬಳಕೆದಾರರು 45 ದಿನಗಳ ಬಡ್ಡಿ-ಮುಕ್ತ ಅವಧಿಯನ್ನು ಆನಂದಿಸಬಹುದು ಮತ್ತು ಆಯಾ ಬ್ಯಾಂಕ್‌ಗಳ ಆಧಾರದ ಮೇಲೆ ತಮ್ಮ ತೆರಿಗೆ ಪಾವತಿಗಳ ಮೇಲೆ ರಿವಾರ್ಡ್ ಪಾಯಿಂಟ್‌ಗಳನ್ನು ಪಡೆಯಬಹುದು. 

PhonePe ಅಲ್ಲಿ ಆದಾಯ ತೆರಿಗೆಯನ್ನು ಪಾವತಿಸುವುದು ಹೇಗೆ?

ಹಂತ 1: ಮೊದಲಿಗೆ ಗಮನಾರ್ಹವಾಗಿ ಈ ಹೊಸ PhonePe ಫೀಚರ್ ಮೂಲಕ ತೆರಿಗೆದಾರರು ತಮ್ಮ ತೆರಿಗೆಯನ್ನು ಕೇವಲ ಪಾವತಿಸಬಹುದು ಅಷ್ಟೇ ಫೈಲ್ ಮಾಡಲು ಸಾಧ್ಯವಿಲ್ಲ.

ಹಂತ 2: ನಿಮ್ಮ iPhone ಅಥವಾ Android ಸ್ಮಾರ್ಟ್‌ಫೋನ್‌ನಲ್ಲಿ PhonePe ಅಪ್ಲಿಕೇಶನ್ ತೆರೆಯಿರಿ.

ಹಂತ 3: ಇಲ್ಲಿ ನೀವು 'ಆದಾಯ ತೆರಿಗೆ' ಐಕಾನ್ ಮೇಲೆ ಟ್ಯಾಪ್ ಮಾಡಿ.

ಹಂತ 4: ಮುಂದೆ ನೀವು ಪಾವತಿಸಲು ಬಯಸುವ ತೆರಿಗೆಯ ಪ್ರಕಾರ ಮೌಲ್ಯಮಾಪನ ವರ್ಷ ಮತ್ತು ಪ್ಯಾನ್ ಕಾರ್ಡ್ ವಿವರಗಳನ್ನು ಆಯ್ಕೆಮಾಡಿ ಮತ್ತು ಸೇರಿಸಿ.

ಹಂತ 5: ಒಟ್ಟು ತೆರಿಗೆ ಮೊತ್ತವನ್ನು ನಮೂದಿಸಿ ಮತ್ತು ಪಾವತಿಯ ಆದ್ಯತೆಯ ವಿಧಾನವನ್ನು ಆಯ್ಕೆಮಾಡಿ.

ಹಂತ 6: ಯಶಸ್ವಿ ಪಾವತಿಯ ನಂತರ ಮೊತ್ತವನ್ನು ಕೇವಲ 2 ದಿನಗಳೊಳಗೆ (ರಜೆ ದಿನ ಒರೆತುಪಡಿಸಿ) ತೆರಿಗೆ ಪೋರ್ಟಲ್‌ಗೆ ಕ್ರೆಡಿಟ್ ಮಾಡಲಾಗುತ್ತದೆ.

ಸೂಚನೆ: ಪಾವತಿಯನ್ನು ಮಾಡಿದ ನಂತರ ತೆರಿಗೆದಾರರು ಒಂದು ವರ್ಕಿಂಗ್ ಡೇ ಒಳಗೆ ವಿಶಿಷ್ಟ ವಹಿವಾಟು ಉಲ್ಲೇಖ (UTR) ಸಂಖ್ಯೆಯ ರೂಪದಲ್ಲಿ ಸ್ವೀಕೃತಿಯನ್ನು ತ್ವರಿತವಾಗಿ ಸ್ವೀಕರಿಸುತ್ತಾರೆ ಎಂದು PhonePe ಮತ್ತಷ್ಟು ಗಮನಿಸುತ್ತದೆ. ಇದಲ್ಲದೆ ತೆರಿಗೆ ಪಾವತಿ ಚಲನ್ ಅನ್ನು ಎರಡು ಕೆಲಸದ ದಿನಗಳಲ್ಲಿ ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡುತ್ತದೆ ಇದು ಸುಗಮ ಮತ್ತು ಪರಿಣಾಮಕಾರಿ ತೆರಿಗೆ ಪಾವತಿ ಅನುಭವವನ್ನು ಖಾತ್ರಿಪಡಿಸುತ್ತದೆ.