ಇನ್ಮೇಲೆ ನಿಮ್ಮ ಫೋನ್ ಕಳೆದೋದ್ರೆ ಚಿಂತಿಸ ಬೇಡಿ! ಸಂಚಾರ ಸಾಥಿ ಮೂಲಕ ಮತ್ತೇ ಪಡೆಯಬಹುದು ಹೇಗೆ ಅಂತೀರಾ?

SANCHAR SAATHI: ಭಾರತ ಸರ್ಕಾರವು ಸಂಚಾರ ಸಾಥಿ ಪೋರ್ಟಲ್ ಅನ್ನು ಮೇ 17 ರಿಂದ ಪ್ರಾರಂಭಿಸಲಿದೆ. ಇದು ರಾಷ್ಟ್ರವ್ಯಾಪಿ CEIR ಟ್ರ್ಯಾಕಿಂಗ್ ಸಿಸ್ಟಮ್ ಅನ್ನು ಪರಿಚಯಿಸಲು ಸಿದ್ಧವಾಗಿದ್ದು ಈ Sanchar Saathi ಟ್ರ್ಯಾಕಿಂಗ್ ಅನ್ನು ಬಳಸಿಕೊಂಡು ಸ್ಮಾರ್ಟ್‌ಫೋನ್‌ಗಳ ಬಳಕೆದಾರರು ತಮ್ಮ ಕದ್ದ ಅಥವಾ ಕಳೆದುಹೋದ ಮೊಬೈಲ್ ಫೋನ್‌ಗಳನ್ನು ನಿರ್ಬಂಧಿಸಲು ಮತ್ತು ಪತ್ತೆಹಚ್ಚಲು ಸಾಧ್ಯವಾಗುತ್ತದೆ. ಟೆಲಿಕಾಂ ಸಚಿವ ಅಶ್ವಿನಿ ವೈಷ್ಣವ್ ಅವರು ಪೋರ್ಟಲ್‌ನ ಅಧಿಕೃತವಾಗಿ ಅನಾವರಣಗೊಳಿಸಲಿದ್ದಾರೆ ಎಂದು ವರದಿಯಾಗಿದೆ. ಇದು ರಾಷ್ಟ್ರವ್ಯಾಪಿ ಮತ್ತು ಎಲ್ಲಾ ಟೆಲಿಕಾಂ ವಲಯಗಳಲ್ಲಿ ಲಭ್ಯ. ಸದ್ಯಕ್ಕೆ CEIR ಪೋರ್ಟಲ್ ಮೊದಲು ದೆಹಲಿ, ಮಹಾರಾಷ್ಟ್ರ, ಕರ್ನಾಟಕ ಮತ್ತು ಈಶಾನ್ಯ ರಾಜ್ಯಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ನಂತರದ ದಿನಗಳಲ್ಲಿ ಇದನ್ನು ಭಾರತದಾದ್ಯಂತ ಕಾರ್ಯಗತಗೊಳಿಸಲಾಗುತ್ತದೆ.

Today Hon'ble Union Minister for Communications, Electronics & IT and Railways Shri Ashwini Vaishnaw shall launch a citizen centric portal ‘SANCHAR SAATHI’.
Time: 13:00
Venue : Rail Bhawan, New Delhi.
Watch the Event #live
https://t.co/piO8fxDXCr pic.twitter.com/0qWsn06WHF

— DoT India (@DoT_India) May 16, 2023

ಸಂಚಾರ್ ಸಾಥಿ ಪೋರ್ಟಲ್ ಕಾರ್ಯಾಚರಣೆಗಳು:

➥ಮೊಬೈಲ್ ಚಂದಾದಾರರ ಸುರಕ್ಷತೆಯನ್ನು ಹೆಚ್ಚಿಸುವ ಮೂಲಕ ಮತ್ತು ಸರ್ಕಾರಿ ಚಟುವಟಿಕೆಗಳ ಜಾಗೃತಿಯನ್ನು ಹೆಚ್ಚಿಸುವ ಸಲುವಾಗಿ ದೂರಸಂಪರ್ಕ ಇಲಾಖೆಯ ಸಂಚಾರ ಸಾಥಿ ಪೋರ್ಟಲ್ ಪ್ರಯತ್ನಿಸುತ್ತದೆ.

➥ಕಳೆದುಹೋದ ಅಥವಾ ಕದ್ದ ಮೊಬೈಲ್‌ಗಳನ್ನು ಪತ್ತೆಹಚ್ಚಲು ಮತ್ತು ಎಲ್ಲಾ ಟೆಲಿಕಾಂ ನೆಟ್‌ವರ್ಕ್‌ಗಳಲ್ಲಿ ಅವುಗಳನ್ನು ನಿರ್ಬಂಧಿಸಲು CEIR (ಸೆಂಟ್ರಲ್ ಎಕ್ವಿಪ್‌ಮೆಂಟ್ ಐಡೆಂಟಿಟಿ ರಿಜಿಸ್ಟರ್) ಸೇರಿದಂತೆ ಹಲವಾರು ಮಾಡ್ಯೂಲ್‌ಗಳನ್ನು ನೀಡುತ್ತದೆ.

➥ಬಳಕೆದಾರರು ತಮ್ಮ ಹೆಸರಿನಲ್ಲಿ ನೋಂದಾಯಿಸಲಾದ ಮೊಬೈಲ್ ಸಂಪರ್ಕಗಳ ಸಂಖ್ಯೆಯನ್ನು TAFCOP (ಟೆಲಿಕಾಂ ಅನಾಲಿಟಿಕ್ಸ್ ಫಾರ್ ಫ್ರಾಡ್ ಮ್ಯಾನೇಜ್‌ಮೆಂಟ್ ಮತ್ತು ಕನ್ಸ್ಯೂಮರ್ ಪ್ರೊಟೆಕ್ಷನ್) ನಲ್ಲಿ ಪರಿಶೀಲಿಸಬಹುದು ಮತ್ತು ಯಾವುದೇ ಅನಧಿಕೃತ ಅಥವಾ ಹೆಚ್ಚುವರಿ ಸಂಪರ್ಕಗಳನ್ನು ರಿಪೋರ್ಟ್ ಮಾಡಬಹುದು.

➥ಹೆಚ್ಚುವರಿಯಾಗಿ ಪೋರ್ಟಲ್ ಅಂತಿಮ ಬಳಕೆದಾರರ ಭದ್ರತೆ, ಟೆಲಿಕಾಂ ಮತ್ತು ಮಾಹಿತಿ ಸುರಕ್ಷತೆಯ ಕುರಿತು ಪ್ರಸ್ತುತ ಡೇಟಾವನ್ನು ನೀಡುತ್ತದೆ.

➥ಪೋರ್ಟಲ್ ಬಳಕೆದಾರರಿಗೆ ತಮ್ಮ ಸಿಮ್ ಕಾರ್ಡ್ ನಂಬರ್‌ಗೆ ಪ್ರವೇಶವನ್ನು ನೀಡುತ್ತದೆ ಮತ್ತು ಕಳೆದುಹೋದ ಮೊಬೈಲ್ ಅನ್ನು ಪತ್ತೆಹಚ್ಚುವುದರ ಜೊತೆಗೆ ಅನಧಿಕೃತ ಬಳಕೆಯನ್ನು ನಿರ್ಬಂಧಿಸುವ ಆಯ್ಕೆಯನ್ನು ನೀಡುತ್ತದೆ.

➥ಸಿಮ್ ಕಾರ್ಡ್ ಅನ್ನು ಬೇರೆಯವರು ಬಳಸುತ್ತಿದ್ದರೆ ಮಾಲೀಕರು ಇದಕ್ಕೆ ತಕ್ಷಣ ಕ್ರಮ ತೆಗೆದುಕೊಳ್ಳಬಹುದು.‌

ಮೊಬೈಲ್‌ಗಳನ್ನು ಟ್ರ್ಯಾಕ್ ಮಾಡಲು CEIR ವ್ಯವಸ್ಥೆ:

ಭಾರತ ಸರ್ಕಾರವು ಮೊಬೈಲ್‌ಗಳಿಗೆ 15-ಅಂಕಿಯ IMEI (International Mobile Equipment Identity) ಸಂಖ್ಯೆಗಳನ್ನು ಮಾರಾಟದ ಮೊದಲು ಪ್ರಕಟಿಸಬೇಕಾದ ಹೊಸ ನಿಯಮವನ್ನು ಅಳವಡಿಸಿಕೊಂಡಿದೆ. ಈ ಭದ್ರತಾ ಕಾರ್ಯವಿಧಾನವು ಅನಧಿಕೃತ ಮೊಬೈಲ್‌ಗಳನ್ನು ನೆಟ್‌ವರ್ಕ್‌ಗೆ ಸಂಪರ್ಕಿಸುವುದನ್ನು ನಿಲ್ಲಿಸಲು ಪ್ರಯತ್ನಿಸುತ್ತದೆ. IMEI ಸಂಖ್ಯೆ ಮತ್ತು ಅದರ ಸಂಬಂಧಿತ ಮೊಬೈಲ್ ಸಂಖ್ಯೆಯು ಟೆಲಿಕಾಂ ಆಪರೇಟರ್‌ಗಳು ಮತ್ತು CEIR ವ್ಯವಸ್ಥೆಗೆ ಲಭ್ಯವಿರುತ್ತದೆ. ಕೆಲವು ಪ್ರದೇಶಗಳಲ್ಲಿ ಕಳೆದುಹೋದ ಅಥವಾ ಕದ್ದ ಮೊಬೈಲ್‌ಗಳನ್ನು ಟ್ರ್ಯಾಕ್ ಮಾಡಲು CEIR ವ್ಯವಸ್ಥೆಯನ್ನು ಈಗಾಗಲೇ ಬಳಸಲಾಗುತ್ತಿದೆ.

Follow Us

Ravi Rao

Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile