Traffic Challan: ನಿಮ್ಮ ಸ್ಮಾರ್ಟ್ ಫೋನಲ್ಲಿ ಈ ಅಪ್ಲಿಕೇಶನ್ ಇದ್ರೆ ಸಾಕು, ನೋ ಚಲನ್ ನೋ ಟೆಕ್ಷನ್!

Traffic Challan: ನೀವು ಕಾರು ಅಥವಾ ಬೈಕ್ ಚಲಿಸುವಾಗ ಸಂಚಾರ ನಿಯಮ ಉಲ್ಲಂಘಿಸಿದರೆ ಟ್ರಾಫಿಕ್ ಚಲನ್ (Traffic Challan) ನೀಡುವುದು ಸಾಮಾನ್ಯ. ಈ ಹಿಂದೆ ಚಲನ್ ತಕ್ಷಣಕ್ಕೆ ತಿಳಿದಿದ್ದಲ್ಲಿ ಈಗ ಹಲವು ಬಾರಿ ಫೋನ್‌ಗೆ ಸಂದೇಶ ಬಂದ ನಂತರವೇ ನಿಮ್ಮ ಚಲನ್ ಕಡಿತಗೊಂಡಿದೆ ಎಂದು ತಿಳಿಯುತ್ತದೆ. ಅಲ್ಲದೆ ಹಿಂದಿನದಕ್ಕೆ ಹೋಲಿಸಿದರೆ ಚಲನ್ ಪ್ರಮಾಣ ಕೂಡ ಗಣನೀಯವಾಗಿ ಏರಿಕೆಯಾಗಿದೆ. ನಮ್ಮ ಬಳಿ ಅಗತ್ಯ ದಾಖಲೆಗಳಿಲ್ಲದ ಕಾರಣ ಹಲವು ಬಾರಿ ಚಲನ್ ತಪ್ಪಿಸಲು ಸಾಧ್ಯವಾಗುತ್ತಿಲ್ಲ. ಆದರೆ ಡಿಜಿಲಾಕರ್ ಮೊಬೈಲ್ ಅಪ್ಲಿಕೇಶನ್ ಸಹಾಯದಿಂದ ನೀವು ಈ ಸಮಸ್ಯೆಯನ್ನು ತಪ್ಪಿಸಬಹುದು ಎಂದು ನಿಮಗೆ ತಿಳಿದಿದೆಯೇ?

ಡಿಜಿಲಾಕರ್‌ನ ಡಿಜಿಟಲ್ ಡಾಕ್ಯುಮೆಂಟ್‌ ಪೂರ್ಣ ರೂಪದಲ್ಲಿ ಮಾನ್ಯ:

ಇದರ ಬಗ್ಗೆ ಮಾಹಿತಿ ನೀಡಿರುವ ಸಾರಿಗೆ ಸಚಿವಾಲಯದ ಪ್ರಕಾರ ಡಿಜಿಲಾಕರ್ ಮತ್ತು ಎಂಪರಿವಾಹನ್ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಡಾಕ್ಯುಮೆಂಟ್‌ನ ಡಿಜಿಟಲ್ ಪ್ರತಿಯನ್ನು ಮಾನ್ಯವೆಂದು ಪರಿಗಣಿಸಲಾಗುತ್ತದೆ. ಯಾಕೆಂದರೆ ಈ ಅಪ್ಲಿಕೇಶನ್‌ ಸರ್ಕಾರದಡಿಯಲ್ಲಿ ಇರಿಸಲಾಗಿದ್ದು ಇದರ ನೇರ ಸಂಬಂಧ ಕೇಂದ್ರ ಸರ್ಕಾರ ಎಲ್ಲ ರಾಜ್ಯಗಳ ಸಾರಿಗೆ ಇಲಾಖೆ ಹಾಗೂ ಸಂಚಾರ ಪೊಲೀಸರಿಗೂ ಸೂಚನೆ ನೀಡಿದೆ. ಅಂದರೆ ಟ್ರಾಫಿಕ್ ಪೊಲೀಸರು ತಮ್ಮ ಮೊಬೈಲ್ ಫೋನ್‌ನಿಂದಲೇ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಚಾಲಕ ಮತ್ತು ವಾಹನಕ್ಕೆ ಸಂಬಂಧಿಸಿದ ಎಲ್ಲಾ ಅಗತ್ಯ ಮಾಹಿತಿಯನ್ನು ಪಡೆಯಬಹುದು.

Traffic Challan ವೇಳೆ ಡಿಜಿಲಾಕರ್‌ನ ಡಾಕ್ಯುಮೆಂಟ್‌ ಪೊಲೀಸರು ಒಪ್ಪಬೇಕು:

ನಿಮಗೊತ್ತಾ ಟ್ರಾಫಿಕ್ ನಿಯಮ ಉಲ್ಲಂಘನೆಯ ಸಮಯದಲ್ಲಿ ದಾಖಲೆಗಳ ಅಡಿಯಲ್ಲಿ ಡಿಜಿಲಾಕರ್‌ನ ಡಿಜಿಟಲ್ ರೂಪದಲ್ಲಿನ ಡಾಕ್ಯುಮೆಂಟ್‌ ತೋರಿಸಿದರೆ ಅದನ್ನು ಪೊಲೀಸರು ಒಪ್ಪಲೇಬೇಕು ಅದನ್ನು ಬಿಟ್ಟು ಅಸಲಿಯೇ ಬೇಕೆಂದು ಹಟ ಮಾಡುವಂತಿಲ್ಲ ಎನ್ನುವುದೆ ಕಾನೂನು.

Also Read: JioTV+ ಟಿವಿಯಲ್ಲಿ ಅಶ್ಲೀಲ ದೃಶ್ಯ ಅಥವಾ ಆಡಿಯೋ ಬಂದ್ರೆ ಆಟೋಮೆಟಿಕ್ ಬ್ಲರ್ ಮಾಡುವ ಹೊಸ AI Sensor ಪರಿಚಯಿಸಿದೆ

ಈ ಸೌಲಭ್ಯವನ್ನು ಪಡೆಯಲು ನೀವು ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಡಿಜಿಲಾಕರ್ ಮತ್ತು ಎಂಪರಿವಾಹನ್ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್ ಮಾಡಬಹುದು. ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಲು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಮತ್ತು OTP ಪರಿಶೀಲನೆ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ. ಮುಂದೆ ನಿಮ್ಮ ಬಳಕೆದಾರ ಹೆಸರು ಮತ್ತು ಪಾಸ್‌ವರ್ಡ್ ಅನ್ನು ಹೊಂದಿಸುವ ಮೂಲಕ ಅಪ್ಲಿಕೇಶನ್‌ಗೆ ಲಾಗ್ ಇನ್ ಮಾಡಿ.

ಆಧಾರ್ನೊಂದಿಗೆ ಡಿಜಿಲಾಕರ್‌ ಲಿಂಕ್ ಮಾಡಬೇಕು:

ಈಗ ನೀವು ಡಿಜಿಲಾಕರ್ ಅಪ್ಲಿಕೇಶನ್‌ನಲ್ಲಿ ನಿಮ್ಮ ಆಧಾರ್ ಸಂಖ್ಯೆಯನ್ನು ಲಿಂಕ್ ಮಾಡಬೇಕು ಮತ್ತು ಅದನ್ನು OTP ಮೂಲಕ ಪರಿಶೀಲಿಸಬೇಕು. ಈ ಪ್ರಕ್ರಿಯೆಯು ಪೂರ್ಣಗೊಂಡ ನಂತರ ಡಿಜಿಲಾಕರ್‌ನಿಂದ ನಿಮ್ಮ ಡ್ರೈವಿಂಗ್ ಲೈಸೆನ್ಸ್, ವಾಹನ ನೋಂದಣಿ ಪ್ರಮಾಣಪತ್ರ (ಆರ್‌ಸಿ) ಮತ್ತು ವಿಮೆಯ ಡಿಜಿಟಲ್ ಪ್ರತಿಯನ್ನು ಡೌನ್‌ಲೋಡ್ ಮಾಡಲು ನಿಮಗೆ ಸಾಧ್ಯವಾಗುತ್ತದೆ.

ವಾಹನದ ಮಾಲೀಕರ ಹೆಸರು, ವಾಹನ ನೋಂದಣಿ ದಿನಾಂಕ, ಮಾದರಿ ಸಂಖ್ಯೆ, ವಿಮೆಯ ಸಿಂಧುತ್ವ ಇತ್ಯಾದಿಗಳಂತಹ ಎಲ್ಲಾ ಪ್ರಮುಖ ಮಾಹಿತಿಯು mParivahan ಅಪ್ಲಿಕೇಶನ್‌ನಲ್ಲಿ ಲಭ್ಯವಿದೆ. ಈ ರೀತಿಯಾಗಿ ಡಿಜಿಲಾಕರ್ ಮತ್ತು ಎಂ ಪರಿವಾಹನ್ ಅಪ್ಲಿಕೇಶನ್ ಬಳಸಿ ನೀವು ಟ್ರಾಫಿಕ್ ಪೊಲೀಸರಿಗೆ ಅಗತ್ಯ ದಾಖಲೆಗಳನ್ನು ತೋರಿಸಬಹುದು ಮತ್ತು ಚಲನ್ ತಪ್ಪಿಸಬಹುದು.

Follow Us

Ravi Rao

Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile