EPFO ಸಂಬಳದ ಒಂದು ಭಾಗವನ್ನು ಪ್ರತಿ ತಿಂಗಳು ನಿಮ್ಮದೆಯಾದ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಗೆ (EPFO) ಠೇವಣಿಯಾಗಿ ಪಡೆಯಲಾಗುತ್ತದೆ.
ಮುಖ್ಯವಾಗಿ ನಿಮ್ಮ PF ಖಾತೆಯಲ್ಲಿನ ಮಾಹಿತಿಗಳು ಸರಿಯಾಗಿರಬೇಕು ಜೊತೆಗೆ KYC ಮತ್ತು ನಿಯುಕ್ತ (Nominee) ಭರ್ತಿಯಾಗಿರಬೇಕು.
ಈಗ ಸಮಯ ಬದಲಾಗಿದೆ ಭಾರತ ಸರ್ಕಾರವು UMANG ಎಂಬ ಹೊಸ ಮೊಬೈಲ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದೆ.
EPF Withdrawal: ನೀವೊಬ್ಬ ಉದ್ಯೋಗಿಯಾಗಿದ್ದರೆ ನಿಮಗೆ ಈಗಾಗಲೇ ತಿಳಿದಿರುವಂತೆ ನೀವು ಪಡೆಯುವ ಸಂಬಳದ ಒಂದು ಭಾಗವನ್ನು ಪ್ರತಿ ತಿಂಗಳು ನಿಮ್ಮದೆಯಾದ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಗೆ (EPFO) ಠೇವಣಿಯಾಗಿ ಪಡೆಯಲಾಗುತ್ತದೆ. ಇದನ್ನು ಒಂದು ರೀತಿಯಲ್ಲಿ ಹುಂಡಿ ಎಂದರೆ ತಪ್ಪಾಗಲಾರದು ಏಕೆಂದರೆ ನಿಮಗೆ ಅಗತ್ಯವಿದ್ದಾಗ ನಿಮ್ಮ ವೈದ್ಯಕೀಯ ಬಿಲ್‌ಗಳು ಅಥವಾ ಶಿಕ್ಷಣದ ವೆಚ್ಚಗಳು ಅಥವಾ ಮದುವೆ ಮುಂಜಿಗಳ ವೆಚ್ಚ ಅಥವಾ ನಿಮ್ಮ ಮನೆಯ ದುರಸ್ತಿ ಮಾಡುವಂತಹ ತುರ್ತು ವೆಚ್ಚಗಳನ್ನು ಪೂರೈಸಲು ಬೇರೆಯವರ ಎದರು ಕೇಳುವುದಕ್ಕಿಂತ ಈ ನಿಮ್ಮ PF ಖಾತೆಯಿಂದಲೇ ಹಣ ಪಡೆಯಬಹುದು. ಆದರೆ ಇದೆಲ್ಲಕ್ಕಿಂತ ಮುಖ್ಯವಾಗಿ ನಿಮ್ಮ PF ಖಾತೆಯಲ್ಲಿನ ಮಾಹಿತಿಗಳು ಸರಿಯಾಗಿರಬೇಕು ಜೊತೆಗೆ KYC ಮತ್ತು ನಿಯುಕ್ತ (Nominee) ಭರ್ತಿಯಾಗಿರಬೇಕು.
UMANG ಅಪ್ಲಿಕೇಶನ್ ಬಳಸಿ
ನಿಮಗೆ ಗೊತ್ತ ಮೊದಲು ಕೆಲ ವರ್ಷಗಳ ಹಿಂದೆ ನಿಮ್ಮದೇ ಪಿಎಫ್ ಖಾತೆಯಿಂದ ಹಣವನ್ನು ಹಿಂಪಡೆಯಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತಿತ್ತು ಇದಕ್ಕಾಗಿ ನೀವು ಬ್ಯಾಂಕ್ ಅಥವಾ ಪಿಎಫ್ ಕಚೇರಿಗೆ ಭೇಟಿ ನೀಡಬೇಕಾಗುತ್ತದೆ. ಆದರೆ ಈಗ ಸಮಯ ಬದಲಾಗಿದೆ ಭಾರತ ಸರ್ಕಾರವು UMANG ಎಂಬ ಹೊಸ ಮೊಬೈಲ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದೆ. ಈ ಅಪ್ಲಿಕೇಶನ್ ಮೂಲಕ ಮನೆಯಲ್ಲಿ ಕುಳಿತು ನಿಮ್ಮ PF ಖಾತೆಯಿಂದ ಹಣವನ್ನು ನಿಮ್ಮ ಬ್ಯಾಂಕ್ ಖಾತೆಗೆ ಪಡೆಯಲು ಅನುಮತಿಸುತ್ತದೆ. ನಿಮ್ಮ EPFO ಖಾತೆಯಿಂದ ಹಣವನ್ನು ಹಿಂಪಡೆಯಲು UMANG ಅನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಹಂತ-ಹಂತದ ಮಾರ್ಗದರ್ಶಿ ಇಲ್ಲಿದೆ.
ನಿಮ್ಮ UAN ಆಧಾರ್‌ಗೆ ಲಿಂಕ್ ಮಾಡಿಕೊಳ್ಳಿ
ಮೊದಲಿಗೆ ನೀವು ಈ UMANG ಅಪ್ಲಿಕೇಶನ್ ಮೂಲಕ ನಿಮ್ಮ EPFO ಖಾತೆಯಿಂದ ಹಣವನ್ನು ಹಿಂಪಡೆಯಲು ನೀವು ಲಾಗಿನ್ ಮಾಡಬೇಕಾಗುತ್ತದೆ. ಅದಕ್ಕಾಗಿ ನಿಮ್ಮ ಆಧಾರ್ ಮಾಹಿತಿಯುನ್ನು ಈ ಅಪ್ಲಿಕೇಶನ್ ಒಳಗೆ ನೀಡಬೇಕಾಗುತ್ತದೆ. ನಂತರ ನಿಮ್ಮ ಮೊಬೈಲ್ ಫೋನ್‌ನಲ್ಲಿ UMANG ಅಪ್ಲಿಕೇಶನ್ ತೆರೆಯಿರಿ ಮತ್ತು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಲಾಗ್ ಇನ್ ಮಾಡಿ. ನಿಮ್ಮ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾದ ಒನ್-ಟೈಮ್ ಪಾಸ್‌ವರ್ಡ್ (OTP) ಅನ್ನು ಸಲ್ಲಿಸುವ ಮೂಲಕ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಪರಿಶೀಲಿಸಿ. ಒಮ್ಮೆ ನೀವು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಯಶಸ್ವಿಯಾಗಿ ಪರಿಶೀಲಿಸಿದ ನಂತರ UMANG ಅಪ್ಲಿಕೇಶನ್‌ಗಳು ಒದಗಿಸಿದ ಎಲ್ಲಾ ವೈಶಿಷ್ಟ್ಯಗಳನ್ನು ನೀವು ಇಲ್ಲಿ ಪ್ರವೇಶಿಸಬಹುದು.
UMANG ಅಪ್ಲಿಕೇಶನ್ ಬಳಸಿ PF ಹಣ ಪಡೆಯಿರಿ
1.ನಿಮ್ಮ ಮೊಬೈಲ್ ಫೋನ್‌ನಲ್ಲಿ UMANG ಅಪ್ಲಿಕೇಶನ್ ತೆರೆಯಿರಿ ಮತ್ತು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಲಾಗ್ ಇನ್ ಮಾಡಿ.
2.ಡ್ರಾಪ್-ಡೌನ್ ಮೆನುವಿನಿಂದ ಎಲ್ಲಾ ಸೇವೆಗಳು ಆಯ್ಕೆಮಾಡಿ ಮತ್ತು EPFO ಅನ್ನು ನೋಡಿ. ಪರ್ಯಾಯವಾಗಿ ನೀವು EPFO ಗಾಗಿ ಹುಡುಕಬಹುದು.
3.ಡ್ರಾಪ್-ಡೌನ್ ಮೆನುವಿನಿಂದ ರೈಸ್ ಕ್ಲೈಮ್ ಎಂಬ ಆಯ್ಕೆಯನ್ನು ಆಯ್ಕೆಮಾಡಿ.
4.ಈಗ OTP ರಚಿಸಲು ನಿಮ್ಮ EPF UAN ಸಂಖ್ಯೆಯನ್ನು ಸಲ್ಲಿಸಿ.
5.ಈಗ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಕಳುಹಿಸಿದ OTP ಅನ್ನು ನಮೂದಿಸಿ.
6.ವಾಪಸಾತಿ ಪ್ರಕಾರವನ್ನು ಆಯ್ಕೆಮಾಡಿ ಮತ್ತು ಅಗತ್ಯವಿರುವ ವಿವರಗಳನ್ನು ಭರ್ತಿ ಮಾಡಿ.
7.ವಿನಂತಿಯನ್ನು ಯಶಸ್ವಿಯಾಗಿ ಸಲ್ಲಿಸಿದ ನಂತರ ನೀವು ಸ್ವೀಕೃತಿ ಸ್ಲಿಪ್ ಅಥವಾ ಕ್ಲೈಮ್ ಸಂಖ್ಯೆಯನ್ನು ಸ್ವೀಕರಿಸುತ್ತೀರಿ.
8.ನಿಮ್ಮ ವಾಪಸಾತಿ ವಿನಂತಿಯ ಸ್ಟೇಟಸ್ ಅನ್ನು ಟ್ರ್ಯಾಕ್ ಮಾಡಲು ನಿಮಗೆ ದೊರೆತ ಸಂಖ್ಯೆಯನ್ನು ಬಳಸಬಹುದು.
Follow Us
Ravi Rao
Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile
