Aadhaar Mobile Number Update
ನಿಮ್ಮ ಆಧಾರ್ ಕಾರ್ಡ್‌ಗೆ (Aadhaar Card) ಯಾವ ಮೊಬೈಲ್ ಸಂಖ್ಯೆಯನ್ನು ಲಿಂಕ್ ಮಾಡಲಾಗಿದೆ ಎನ್ನುವುದು ಕೆಲವು ಸಮಯದಲ್ಲಿ ನಮಗೆ ತಿಳಿದಿರುವುದಿಲ್ಲ. ಇಂತಹ ಸನ್ನಿವೇಶಗಳು ಹೆಚ್ಚಾಗಿ ನಮ್ಮ ಮನೆಯಲ್ಲಿರುವ ಹಿರಿಯರೊಂದಿಗೆ ಸಂಭವಿಸುತ್ತದೆ. ಅಲ್ಲದೆ ಹೆಚ್ಚು ಸಿಮ್ ಕಾರ್ಡ್ ಬದಲಾಯಿಸುವ ನಮ್ಮಲ್ಲಿ ಹಲವರು ಈ ಸಮಸ್ಯೆಯನ್ನು ಎದುರಿಸುತ್ತಾರೆ. ಫೋನ್ ಕಳ್ಳತನವಾದರೆ ಅಥವಾ ಆನ್‌ಲೈನ್ ವಂಚನೆಗಳಿಗೆ ಗುರಿಯಾಗಿದ್ದರೆ ಕೆಲವೊಮ್ಮೆ ನಮ್ಮ ಫೋನ್ ನಂಬರ್ ಬದಲಾಯಿಸುವ ಅನಿವಾರ್ಯತೆಗಳಿರುತ್ತವೆ ಆದರೆ OTP ಪಡೆಯದ ಕಾರಣ ನಮ್ಮ ಕೆಲಸ ಅದೂರವಾಗಿ ಉಳಿಯುತ್ತವೆ.
ತುಂಬ ಜನರಿಗೆ ತಿಳಿದಿಲ್ಲದ ಮಾಹಿತಿ ಅಂದ್ರೆ ಅನೇಕ ಸಂದರ್ಭಗಳಲ್ಲಿ ನಿಮ್ಮ ಆಧಾರ್ ಕಾರ್ಡ್‌ಗೆ ಲಿಂಕ್ ಮಾಡಲಾದ ಸೇವೆಗಳನ್ನು ಪ್ರವೇಶಿಸುವಲ್ಲಿ ತೊಂದರೆಗಳನ್ನು ತಪ್ಪಿಸಲು ನಿಮ್ಮ ಆಧಾರ್ ಕಾರ್ಡ್ ಸಂಖ್ಯೆಯನ್ನು ನವೀಕರಿಸುವುದು ಮುಖ್ಯವಾಗಿದೆ. ಆದರೆ ನಿಮ್ಮ ಆಧಾರ್ ಕಾರ್ಡ್‌ನಲ್ಲಿ (Aadhaar Card) ಹೊಸ ಮೊಬೈಲ್ ನಂಬರ್ ಅನ್ನು ನೀವು ಆನ್‌ಲೈನ್ ಮೂಲಕ ಅಪ್ಡೇಟ್ ಮಾಡಲು ಸಾಧ್ಯವಿಲ್ಲ. ಇದಕ್ಕಾಗಿ ನೀವು ಆನ್‌ಲೈನ್ ಮೂಲಕ ಕೇವಲ ನೇಮಕಾತಿ ಅರ್ಜಿಯನ್ನು ಮಾತ್ರ ಪಡೆದು ನಿಮ್ಮ ಹತ್ತಿರದ ಆಧಾರ್ ಕೇಂದ್ರಕ್ಕೆ ಭೇಟಿ ನೀಡಬೇಕಾಗುತ್ತದೆ.
ಅಧಿಕೃತ UIDAI ವೆಬ್‌ಸೈಟ್‌ಗೆ ಹೋಗಿ ಆಧಾರ್ ಪಡೆಯಿರಿ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಮತ್ತು ‘ಅಪಾಯಿಂಟ್ಮೆಂಟ್ ಬುಕ್ ಮಾಡಿ’ ಆಯ್ಕೆಮಾಡಿ.
ಮುಂದಿನ ಪುಟದಲ್ಲಿ ನಿಮ್ಮ ನಗರದ ಹೆಸರನ್ನು ನಮೂದಿಸಿ ಅಥವಾ ನಿಮ್ಮ ನಗರವನ್ನು ಪಟ್ಟಿ ಮಾಡದಿದ್ದರೆ ‘ಇತರರು’ ಆಯ್ಕೆಮಾಡಿ ನಂತರ ತೆರೆಯ ಮೇಲಿನ ಸೂಚನೆಗಳನ್ನು ಅನುಸರಿಸಿ.
ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ, ಕ್ಯಾಪ್ಚಾವನ್ನು ಪೂರ್ಣಗೊಳಿಸಿ ಮತ್ತು ‘ಜನರೇಟ್ OTP’ ಬಟನ್ ಕ್ಲಿಕ್ ಮಾಡಿ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ.
ನಿಮ್ಮ ಆಧಾರ್ ಸಂಖ್ಯೆ, ಪೂರ್ಣ ಹೆಸರು, ಅರ್ಜಿ ಪರಿಶೀಲನೆಯ ಪ್ರಕಾರ ನಗರ ಮತ್ತು ಆಧಾರ್ ಸೇವಾ ಕೇಂದ್ರವನ್ನು ಆಯ್ಕೆ ಮಾಡುವ ಅಗತ್ಯವಿರುವಲ್ಲಿ ಹೊಸ ಪುಟ ತೆರೆಯುತ್ತದೆ.
Also Read: iQOO 13 launched: 144Hz ಡಿಸ್ಪ್ಲೇ ಮತ್ತು 6000mAh ಬ್ಯಾಟರಿಯೊಂದಿಗೆ ಬಿಡುಗಡೆಯಾದ ಹೊಸ iQOO ಸ್ಮಾರ್ಟ್ಫೋನ್!
ಸೇವೆಯನ್ನು ಆರಿಸಿ ಎಂಬ ಆಯ್ಕೆಯಡಿಯಲ್ಲಿ ‘ಮೊಬೈಲ್ ಸಂಖ್ಯೆ ನವೀಕರಣ’ ಆಯ್ಕೆಮಾಡಿ.
ನಿಮ್ಮ ಅಪಾಯಿಂಟ್ಮೆಂಟ್ ಕಾಯ್ದಿರಿಸಲು ಆಧಾರ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಲು ನಿಮ್ಮ ಆದ್ಯತೆಯ ದಿನಾಂಕ ಮತ್ತು ಸಮಯವನ್ನು ಆಯ್ಕೆಮಾಡಿ ನಂತರ ಫಾರ್ಮ್ ಅನ್ನು ಸಲ್ಲಿಸಿ.
ಈ ಫಾರ್ಮ್ ಅನ್ನು ಸಲ್ಲಿಸಿದ ನಂತರ ಇಲ್ಲಿ 50 ರೂಗಳ ಶುಲ್ಕವನ್ನು ಪಾವತಿಸಲು ಪಾವತಿ ಪುಟಕ್ಕೆ ನಿಮ್ಮನ್ನು ನಿರ್ದೇಶಿಸಲಾಗುತ್ತದೆ.
ಒಮ್ಮೆ ಪಾವತಿಯನ್ನು ಮಾಡಿದ ನಂತರ ನೀವು ಅಪ್ಡೇಟ್ ವಿನಂತಿ ಸಂಖ್ಯೆ (URN) ಹೊಂದಿರುವ ಸ್ವೀಕೃತಿ ಸ್ಲಿಪ್ ಅನ್ನು ಸ್ವೀಕರಿಸುತ್ತೀರಿ ಅದನ್ನು ನಿಮ್ಮ ಅಪ್‌ಡೇಟ್‌ನ ಸ್ಥಿತಿಯನ್ನು ಟ್ರ್ಯಾಕ್ ಮಾಡಲು ಬಳಸಬಹುದು.