ಮನೆಯಲ್ಲೇ ಕುಳಿತು ಆನ್‌ಲೈನ್‌ ಮೂಲಕ ಹೊಸ ಪಿವಿಸಿ ಆಧಾರ್ ಕಾರ್ಡ್ ಪಡೆಯುವುದು ಹೇಗೆ?

ಸರ್ಕಾರದ ಆಧಾರ್ ಬಯೋಮೆಟ್ರಿಕ್ ಐಡಿ ಕಾರ್ಯಕ್ರಮವನ್ನು ನಿರ್ವಹಿಸುವ ಯುನಿಕ್ ಐಡೆಂಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (ಯುಐಡಿಎಐ) ಇತ್ತೀಚೆಗೆ ಆಧಾರ್ ಗುರುತಿನ ಚೀಟಿಯನ್ನು ಹೊಸ ರೂಪದಲ್ಲಿ ಹೊರತಂದಿದೆ. ಇದು ಎಟಿಎಂ ಅಥವಾ ಡೆಬಿಟ್ ಕಾರ್ಡ್‌ನ ಗಾತ್ರದಲ್ಲಿ ಬರುತ್ತದೆ. ಆಧಾರ್ ದಾಖಲಾತಿದಾರರು 50 ಶುಲ್ಕವನ್ನು ಪಾವತಿಸುವ ಮೂಲಕ ಹೊಸ ಪಿವಿಸಿ ಆಧಾರ್ ಕಾರ್ಡ್ ಪಡೆಯಬಹುದು. ಈ ಹೊಸ ಸೇವೆಯನ್ನು ಬಳಸಿಕೊಂಡು ಆನ್‌ಲೈನ್‌ನಲ್ಲಿ ಪಿವಿಸಿ ಆಧಾರ್ ಕಾರ್ಡ್ ಪಡೆಯುವುದು ಹೇಗೆ ಎಂಬುದರ ಕುರಿತು ಇನ್ನಷ್ಟು ಮಾಹಿತಿ ಮುಂದೆ ನೋಡಿ. 

ಈ ಹೊಸ ಪಿವಿಸಿ ಆಧಾರ್ ಕಾರ್ಡ್ ಪಡೆಯಲು ಕೇವಲ ಯಾರ್ಯಾರ ಬಳಿ ಈಗಾಗಲೇ ಆಧಾರ್ ಕಾರ್ಡ್ ಇದೆಯೋ ಅಂಥವರು ಮಾತ್ರವೇ ಆನ್‌ಲೈನ್‌ನಲ್ಲಿ ಸುಲಭವಾಗಿ ಅರ್ಜಿ ಸಲ್ಲಿಸಬಹುದು. ಅಂದ್ರೆ ಆಧಾರ್ ಕಾರ್ಡ್ ಇಲ್ಲದವರು ಈ ಪಿವಿಸಿ ಆಧಾರ್ ಕಾರ್ಡ್ ಪಡೆಯಲಾಗದು. 

ಮೊದಲು ನಿಮಗೆ https://residentpvc.uidai.gov.in/order-pvcreprint ಗೆ ಭೇಟಿ ನೀಡಿ ಇದರ ನಂತರ ನಿಮ್ಮ ಆಧಾರ್ ಕಾರ್ಡ್ ಸಂಖ್ಯೆಯನ್ನು ಕೆಳಗಿನ ಆಧಾರ್ ಕಾರ್ಡ್ ಸಂಖ್ಯೆ ಕಾಲಂನಲ್ಲಿ ನಮೂದಿಸಬೇಕಾಗುತ್ತದೆ.

ಇದರ ನಂತರ ನೀವು ಅಲ್ಲಿ ನೀಡಲಾದ ಕೋಡ್ ಅನ್ನು ಎಂಟರ್ ವೆರಿಫಿಕೇಶನ್ ಸಂಖ್ಯೆ ಅಡಿಯಲ್ಲಿ ಆಯ್ಕೆಯಲ್ಲಿ ಟೈಪ್ ಮಾಡಬೇಕು. ನಂತರ ಒಟಿಪಿ ನಿಮ್ಮ ಆಧಾರ್ ಜೊತೆಗೆ ನೋಂದಾಯಿತವಾಗಿರುವ ಮೊಬೈಲ್ ಸಂಖ್ಯೆಗೆ ಬರುತ್ತದೆ.

ಈಗಾಗಲೇ ಹೇಳಿರುವಂತೆ ಅದನ್ನು ನಮೂದಿಸಿ ಮತ್ತು ಸಲ್ಲಿಸಿದ ನಂತರ ನೀವು ಈ ಹೊಸ ಪಿವಿಸಿ ಕಾರ್ಡ್‌ಗಳಿಗೆ 50 ರೂಗಳ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ. ನೀವು ಕಾರ್ಡ್ ಅಥವಾ ಇತರ ಪೇಮೆಂಟ್ ಸೇವೆಗಳ ಮೂಲಕ ಪಾವತಿಸಬಹುದು.

ಈ ರೀತಿಯಾಗಿ ಗ್ರಾಹಕರು ಹೊಸ ರೂಪದ ಪಿವಿಸಿ ಆಧಾರ್ ಕಾರ್ಡ್ ಪಡೆಯಲು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಹೆಚ್ಚಿನ ಸಹಾಯ ಅಥವಾ ಮಾಹಿತಿಗಾಗಿ ಒಮ್ಮೆ ನೀವು https://uidai.gov.in/contact-support/have-any-question ಗೆ ಭೇಟಿ ನೀಡಿ

ಗ್ರಾಹಕರು ಹೊಸ ರೂಪದ ಪಿವಿಸಿ ಆಧಾರ್ ಕಾರ್ಡ್ ಪಡೆಯಲು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದೆಂದು ಟ್ವಿಟ್ಟರ್ ಮೂಲಕ ತಿಳಿಸಲಾಗಿದೆ.  

ಒಂದು ವೇಳೆ ನಿಮ್ಮ ಪಿವಿಸಿ ಆಧಾರ್ ಕಾರ್ಡ್ ಆರ್ಡರ್ ಸ್ಟೇಟಸ್ ಅನ್ನು ನೋಡಲು uidai.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು "ಆಧಾರ್ ಪಿವಿಸಿ ಕಾರ್ಡ್ ಸ್ಥಿತಿ ಪರಿಶೀಲಿಸಿ" ಆಯ್ಕೆಯನ್ನು ಆರಿಸಿ. ನೇರ ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಮುಂದಿನ ಪುಟದಲ್ಲಿ "ಆಧಾರ್ ಮರುಮುದ್ರಣ ಸ್ಥಿತಿ ಪರಿಶೀಲಿಸಿ" ಎಂಬ ಶೀರ್ಷಿಕೆಯಲ್ಲಿ 12-ಅಂಕಿಯ ಆಧಾರ್ ಸಂಖ್ಯೆ (ವಿಶಿಷ್ಟ ಗುರುತಿನ ಸಂಖ್ಯೆ ಎಂದೂ ಕರೆಯುತ್ತಾರೆ) ಮತ್ತು ಸೇವಾ ವಿನಂತಿ ಸಂಖ್ಯೆ (ಎಸ್‌ಆರ್‌ಎನ್) ನಂತಹ ವಿವರಗಳನ್ನು ನಮೂದಿಸಿ.

ಎಸ್‌ಆರ್‌ಎನ್ (SRN) ಎನ್ನುವುದು ಬಳಕೆದಾರರು ಪಿವಿಸಿ ಮುದ್ರಣವನ್ನು ಆನ್‌ಲೈನ್‌ನಲ್ಲಿ ಆದೇಶಿಸಿದ ನಂತರ ನೀಡಲಾಗುವ 28-ಅಂಕಿಯ ಸಂಖ್ಯೆ. ಮುಂದುವರಿಯಲು "ಸ್ಥಿತಿ ಪರಿಶೀಲಿಸಿ" ಕ್ಲಿಕ್ ಮಾಡಿ ಅಷ್ಟೇ.

Follow Us

Ravi Rao

Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile